Gálatas 3:7 - Tradução Bíblica Pacaas Novos

⁷ Je ca tomi' xuhu' ca', taraju wet je e'. Oro wari' co an xiho' nonon Abraão ma', pain ca howa cocon Iri' Jam ma', wiricoco co iri' hwanana ne nonon Abraão.

Gálatas 3:7 Iomraidhean Croise

Lucas 19:9

Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem.

Lucas 21:31

Ac i ma' tara pain ca in qui' ta' ne quem. Querec iri jein ca hwet pin ne oro ca tomi' hwet xuhu' ca' ne, taxi' ac hwein tara ca wixicam pin ne xec pain ca taramaxicon pe ho' ton cocon oro wari' Iri' Jam.

João 8:39

Om na, wirico Abraão cara pane co te urut ca', ac ca te urut con na pain ca wanxi' cocon hwanana nuxut cocon mana coturut pane ac caca na. Mo xi wanxi' con hwanana nuhu' Abraão pane, mo xi te iri'o' hun, an xiho' ac hun xira pain ca xut xo' nucun ta ac tococwa na.

Romanos 4:24

Om ca xica' pe ca Abraão co tomi' wa ma'. Tomi' napari' quem. To' hohot pin xuhu' ta napari' pain ca howa xun ca'. Tomi' ac i ma' napari' Iri' Jam co to' e' mami' non Taramaxicon nexi' Jeju ta.

Gálatas 3:9

Je ca taxi' xin i ca' quem: Oro wari' co howa nonon Iri' Jam ma', param mi' ac tococwa na pain ca awi wa. Win ca Abraão pane. Howa non Iri' Jam, param mi' ac tocwa na pain ca awi wa quem.

Gálatas 6:16

Tomi' mi' tomi' mi' pi' pin inonon con Iri' Jam oro wari' co xuruxut xo' nana pain ca tomi' ha' cacain ca xirao' ne ca'. Mi' roron pain ca om toron ne ximicocon, xiram pa' roron quem inon cocon. Oro co xuruxut xo' nana pain ca tomi' ha' cacain ca xirao' ne ma', wiricoco nana co iri' wari' nucun Iri' Jam nana ta. Win caca oro wari' nein Israel co iri' wari' ne ca pane quem.

Hebreus 13:23

Tomi' hwet xim inuhu' con coxari' Timóteo co tao' pe wa pain xirinain ca tao' to tao' to to wa pane. Pa hwet pin nonon. Mo ta hwet hap capa', ja' ja' ac capa' tara pain ca hwet xim xuhu' ca'.