Gálatas 3:21 - Tradução Bíblica Pacaas Novos

²¹ Cain' ca coromicat mi' hwein ca xirao' nucun Moisés quem? Tomi' in pin nain oro ca tomi' pe nucun Iri' Jam pain ca tomi' xo' con Abraão pane ra? Om na, om ca tomi' in pin camain' xijein ta! Mo xi to' e' cara capari' ca tomi' ha' nexi' ca', je i ma' xira ca to' hohot nuhu' ca xirao' nucun Moisés ta qui' capari' quem.

Gálatas 3:21 Iomraidhean Croise

Lucas 20:16

Taraju wet xine e': Hwet pan totoron co taramaja to nanain totacon ma', to' parapa' pin ac cocon tara, noro ac cocon tara oro xucucun co taramaja to nanain totain uva nucun quem na ca tomi' tococwa ma'. Oro wari' ma', co taraju nonon pain ca pijim' nucun ma', tomi' ac caca na: Cain' cain' xira waximain xitot ne? Om ca ha' camain' ne pain ca ara wa i ma' ta nana.

Romanos 3:31

Tomi' querec xuhu' pain i ca' quem: Howa iri urun Jeju ne, je ca joc in pin xin ca xirao' nucun Moisés ra? Om na, om ca joc in pin camain' xin ta. Howa iri urun Jeju ne, querec pin' ac irin na ca hwet hwet pi' pin ne oro ca xirao' nucun Moisés ca xirao' pe ca pane.

Romanos 3:4

Om na ta, om ca an in camain' cain capijacon. Ara cara nain, iri'o' cara na Iri' Jam quem. Wiricoco oro wari' pan nana co tama' mixein nana ma'. Win ne ca tomi' ca Davi cara pane, pain ca tomi' con Iri' Jam pane. Ca' non pane: Querec pin' teterem oro wari' pain ca tomi' iri'o' nem ma'. Tomi' em' paxi' teterem. Ame ma e', main na ra teterem pain ca tomi' nem ta, ac i ma' na ca tomi' con Iri' Jam Davi pane.

Romanos 3:6

Om na, om ca tomi' ac xin i ma' ta. Mo xi ac i ma' ne con, om xi wap ac tococwa oro wari' ma' quem.

Romanos 9:31

Oro win judeu ta' cwa' iri nana ne, win xumu xin paxi' nanain ca tomi' ha' wa capijacon Iri' Jam. Tomi' ha' xin e', ma' ta hohot xun Iri' Jam paxi' nana, ane om tomi' ha' cacain ne. Om ca hohot cocon quem.

2 Coríntios 3:7

Tomi' xin ca wara tomi' xo' nucun Iri' Jam pane, ca xirao' pe xine pain pacun pane. Om ca to' witan ac tococwa oro wari' co tomi' ha' xin paxi' nanain ma', xi tomi' ha' taxi' cacain ta. To' cono' pin tata. Ac i ma' paxi' na cocon, ane awi pan ne ca wara tomi' xo' nucun pane ne. Hwara' opa na quem. Tomi' xo' mi' iri non pain Moisés Iri' Jam pane ne, toc meremem pan ac ca na pain ca hwara' opa nucun. Toha mi' non Moisés, toc meremem pan ac ne na tocon quem. Om paxi' na ca toc meremem cara ne con Iri' Jam pane. Ane om ha' cocon ca noro cacain tocon oro wari' nein Israel quem ne.

Gálatas 2:17

Jain jain tamana urun Iri' Jam pain ca to' hohot capari' pane, xi om ne ca win cwere ara xun Cristo pain ca howa xun ta urun. Caracat hwe ta ac cacapari' na oro win judeu iri' quem. Win caca oro co om judeu nana ma', co om tomi' ha' nanain oro ca ara je cocon Iri' Jam pain ca xirao' nucun Moisés ta nanapari'. Cain' cain' xirara quem? Wirico Cristo xira co to' caracat napari' ra? Om na ta!

Gálatas 2:19

Tomi' ha' tain paxi' inain oro ca xirao' nucun Moisés pane, ma' ta hohot ton Iri' Jam ta ina pane. Ane om to' hohot pin capa' con ne. Je ca ma' pin capa' xumu ca'. Ac ca mi' pin ca' tain na pain ca an pe pin tain quem, ma' ta tomi' ha' e' ton Iri' Jam pain ca win xumu ton ta ina.

Gálatas 2:21

Om ca miri'om ton Iri' Jam pain ca xiram pa' e' capa' quem, om na. Mo xi to' hohot capari' ca tomi' ha' xin ca xirao' nucun Moisés ma', je i ma' xira ca mi' pin ximao ca Cristo ta.

Gálatas 6:14

Wata' iri na ne, noc inain ca xec xec wa. Ac ca xec xec e' ta' na pain ca tomi' querec te ton Taramaxicon nexi' Jeju Cristo pain ca mi' pin caho' capari' pain pana pane. Ac ca xec xec e' tain na panaxicon ta. Horoman pin napa' oro caramaji macan' ca', horoman pin napa' oro ca param ximama' wa ca' quem. Ac ca cono' ca' capa' na, xi win xumu mami' tain ta.

Hebreus 11:7

Howa non Iri' Jam Noé cara pane. Tomi' hwet iri ta pain carawa ca om hwet pa' querec nonon ne, tomi' ha' ac con na. Quep ac cain na mam' horoho wa, ma' ta witan pin ta' cocon oro ca nari ne cwa' ta na pane. Howa pan iri na Noé ne, querec pin' ac tococwa na oro win ma' caca pain ca om howa nucucun ma', wap pin ac tococwa na quem. To' hohot pin inem, xi howa ara mapa' ta pan ac con na Iri' Jam quem.

Hebreus 7:18

Je ca tomi' xuhu' ca'. Je i ma' ca to' om pin xine ca xirao' nucun Moisés cocon oro sacerdote. Xi hwara' opa ne pain ca quep xiho' cocon pain ca to' hohot tococwa con Iri' Jam.

Hebreus 7:19

Om ca to' hohot ac capari' con Iri' Jam ca xirao' nucun Moisés. Je ca mi' capari' pain xijein ca coromicat xo' nucun ma', pain ca mi' capari' con Jeju cwa', co awi tiquin' ca' nain ca xirao' nucun Moisés. Wirico co mi' napari' pain ca wixicam pin xun Iri' Jam.