Gálatas 3:11 - Tradução Bíblica Pacaas Novos

¹¹ Tomi' iri'o' ina, wara taxi' irin i ca': Om ca to' hohot xuhu' camain' capari' Iri' Jam pain ca tomi' ha' xin paxi' xin oro ca ara je capari' pain ca xirao' nucun Moisés. Je ca xirao' pe ne pain capijacon, xirao' pe ca' na: To' hohot ton inon wari' co howa napa'. E' cara tara quem. Ac i ma' na ca xirao' pe xine pain capijacon Iri' Jam.

Gálatas 3:11 Iomraidhean Croise

Romanos 1:17

Pain ca tomi' xo' capari' pain capijacon con Jeju cwa', je ca an hwet mi' capari' pain ca to' hohot pin capari' Iri' Jam. To' hohot pin napari', xi om ne ca howa ara xun ca'. Xica' pe na ca howa nexi', je ca to' hohot pin capari' ca'. Je ca xirao' pe xine pain capijacon Iri' Jam ca'. Ca' na con: E' cara tara wari' co to' hohot ta' cwa', xi om ne ca howa ara capa' ta, ac i ma' na ca xirao' pe xine pain capijacon Iri' Jam pane.

Gálatas 2:16

Ac i ma' paxi' iri' pain ca judeu iri' ca'. Ane taxi' xin i ca' ne: Om ca to' hohot capari' Iri' Jam pain ca tomi' ha' taxipa' xin oro ca ara je capari' pain ca xirao' nucun Moisés ma', om na. To' hohot napari' pain ca howa xun Jeju Cristo. Je ca howa iri' con Cristo Jeju pain ca judeu iri' ca' quem. Ma' ta to' hohot capari' Iri' Jam pain ca howa xun Cristo ta iri'. Om ca to' hohot capari' pain ca tomi' ha' xin oro ca ara je capari' pain ca xirao' nucun Moisés ta iri'. Xi to' hohot ac tocwa wari' pain ca tomi' ha' e' cain oro ca ara ra con Iri' Jam pain ca xirao' nucun Moisés ta iri', ac i ma' na ca coromicat nexi' pain ca howa pin xun Cristo Jeju ta.

Hebreus 10:38

E' cara tara wari' ne co to' hohot ta' cwa', xi om ne ca howa ara capa' ta. Mo ta in ca' capa' ma', om ta hohot capa' ta, ac i ma' na ca tomi' ca ma'.

Tiago 1:27

Wari' co hohot ton non Cotere' Iri' Jam ma' iri na ne, pain ca xut xo' iri'o' ca pain ca win xumu xo' con ma', ara ac i ca' na: Querec wet nonon oro hwijima' co cono' ca' nanam mana cote cacama cacam waram jicacam ma', querec wet nanam oro narima' co cono' ca' nanam waram taxicacam ma', querec wet nanam pain oro ca to' i'ina nanam quem. Ara xite xucun, om ca to' em' camain' xucun pain ca an xiho' cocon oro caracat co om howa nonon Iri' Jam quem.

Tiago 3:2

Camara' camara' pi' pin ara xi' iri', xi om ne ca ma' taxipa' ara capari' oro xijein ca caracat wa ta. Wari' co om pan' ma', pain ca om tomi' pan tem ca ma', wirico co iri' wari' ta. Ximicon hwanana na, xi om ne ca miri'om taxi' ara cain ca param nucun. Om ca ara e' cain ca param nucun.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.