Gálatas 3:1 - Tradução Bíblica Pacaas Novos

¹ Je ca tomi' xuhu' ca' oro win howa ta' pain Galácia. Wa inuhu' me, xi coromicat xo' hwe ta. Ma' co mixein nuhu' ma' quem? Om ca pijim' hwet xo' xuhu' pain ca mi' pin nucun Jeju Cristo pain ca mi' pin pe cain pana pane ra?

Gálatas 3:1 Iomraidhean Croise

Mateus 7:26

Wari' co taraju paxi' nain ca tomi' ne ma' iri na ne, taraju paxi' napa', ane om tomi' ha' capa' ne. An xiho' non wari' co om coromicat xo' ma', co quep pe nain xiricon pain namaji. Quep pin iri nain xiricon ne,

Lucas 24:25

Wa inuhu' me pan ac cocon na Jeju. I'ina a xihwe pain ca taraju pa' wa ta. Je xi howa hap hwein oro ca tomi' caca oro profeta cara pane?

Atos 16:6

Pijim' mama' xin oro xijein cidade pain Ásia ta paxi' na Paulo cocon oro win ma' ca ma', ane tomi' caho' pan cocon Tamataracon Iri' Jam ne. Om ta pijim' mama' hwein Ásia me nonon, na ra ac xucucun na, xuruxut mama' ac cacain na oro cidade pain Frígia je pain Galácia ma'.

Atos 6:7

Pijim' pijim' tiquin' ac cacain na capijacon Iri' Jam pane. Ca pijim' pijim' tiquin' caca ma', ca pijim' pijim' tiquin' caca ma', aram aram mija pin ac caca na oro wari' co taraju nanain capijacon Iri' Jam. Ma' mija hap nana co howa pin nonon Jeju pain Jerusalém ma'. Oro sacerdote ma' quem, ma' mija nana co howa pin nana quem.

Romanos 10:16

Ane om howa howa pi' pin caca ne. Oro win judeu ta' co taraju nanain capijacon Iri' Jam con Jeju ma', ma' paric ca' e' nana co howa nanain. Om ca howa howa pi' pin cacain. Je ca xirao' pe ca Isaías cara pane. Ca' na ca tomi' nucun pane: Ma' co howa nain ca pijim' nuxut ca' Taramaxicon ne? Ac i ma' na ca xirao' pe ca Isaías cara pane.

Romanos 2:8

Co tama' win xumu e' nanain ca param pan nucucun ma' iri nana ne, pain ca om tomi' ha' cacain capijacon Iri' Jam ca iri'o' ma', je pain ca param e' cacain ca pan teretem wa ma', wiricoco tatara co mana' tamana ca Iri' Jam. Wiricoco tatara co wap tamana ca quem.

Romanos 6:17

Je ca tomi' xuhu' ca', tomi' querec te tamana urut con Iri' Jam cwa' pahu', xi tomi' ha' pin ara hun pain xocori ca' ta. Taramaja mi' e' paxi' hwein ca caracat wa pain ca tama' tomi' ha' hwein pain cara pane. Ane tomi' ha' pin hwein capijacon Iri' Jam ca iri'o' pain xocori ca' ne. Tomi' ha' na iri' xumuhu' quem, tomi' ha' pin hun Iri' Jam pain oro caramaxicon ca ca' na xihwe ma'.

1 Coríntios 11:26

Je ca tomi' xuhu' ca': Cao' xin iri hwein capam' ca an xiho' nain curucun Jeju ca' ne. Toc xin iri hwein comi memem ca an xiho' nain quicon ma' quem ne. Ac ca pijim' hwet huhun na oro wari' pain ca mi' pin caho' cuhu' Taramaxicon nexi' quem. Xi om ne ca an hwet mi' ara huhun pain capam' je comi memem ca tomi' mi' nain ca mi' pin nucun ta. Ara cara jein quem. Ara ara maqui' pa' ac cuhu' ma' tara ta.

1 Coríntios 2:2

Xi noc ara tain ca pijim' hwet xuhu' pain oro xijein ca pijim' wa pain ca pe ho' qui' xuhu' pane ta, ac i ma' na ca wara an pe xo' tain ca coromicat ne pahu' pane. Param e' inain ca pijim' hwet xuhu' con Jeju Cristo co tatatain pe wa pain pana pane.

2 Coríntios 10:5

Je ca mam' to' quiji' pin urut pain oro ca tomi' in pin caracan nucucun oro wari' ma', pain oro ca xin to nucucun pain ca to' i'ina cocon oro xucucun co querec pin' xun paxi' nonon Iri' Jam ma'. Je ca mam' to' quiji' pin urut pain oro ca coromicat pan teretem nucucun, ma' ta aram aram tomi' ha' pin cocon Cristo ta urut cocon.

2 Coríntios 11:3

Je ca toron capa' xumu pahu'. Am mixein xim cucuhu' oro co pijim' ximama' nunuhu' ma', am to' em' xin cacain ca coromicat nuhu', am param param om pin hun Cristo, am win xumu win xumu om pin hun quem. Win cama Eva cara pane, pain ca ha' con em' pain ca tomi' mixein cam pane. Noc inuhu' pain ca an xiho' hwem ta.

Gálatas 1:2

Xirao' mi' inuhu' pain ca howa hun Jeju ma', pain ca cut in xujuhu' pain Galácia ma'. Mam' pe wet urut cocon ta nunuhu' oro xerexi' co to ho' nanapa' cwa' quem.

Gálatas 1:6

Wa inuhu' pain ca an pe hap pin hun Iri' Jam ma', co tora' nuhu' pane. Om xi tora' cuhu', ane xiram pa' e' cuhu' Cristo ne. Je xi om howa ni ca' hwein capijacon Iri' Jam ca tomi' hwet napari' con Cristo quem? Ac ca howa hwein na xijein topac ca tomi' hwet napari' con Cristo ta!

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Gálatas 3:3

Cain' cain' xihwe quem? Para om coromicat xo' hwe ma' quem? Pain ca xo' howa ten qui' hun Cristo pane, je Tamataracon Iri' Jam ca meo nuhu' pain ca taramaja nein xumuhu'. Ma' tara ca ara pan ac hwein ca taramaja nein Tamataracon Iri' Jam pain ca to' hohot pan xijexi' ta hwe pain xocori ca' ra?

Gálatas 4:9

Ane querec pin' hun Iri' Jam pain xocori ca' ne. Xirao' ca' e' xita', wirico Iri' Jam pan na co querec pin' nuhu' ta, ac i ma' xira ca xirao' ta' ca'. Je ca tomi' querec xuhu' ca': Para in hwet xin hwein warahu' quem? Ma' na ca in hwet ac hwein warahu' pain ca tomi' ha' ximama' mami' hwein oro ca howa ximama' hwe pain macan' ca'? Xi quep xiho' taxi' cucuhu' ta. Om ca hwara' opa ne quem. Para tomi' ha' ximama' mami' xixin na hwein oro ca howa ximama' nuhu' ma' quem?

Gálatas 5:11

Tomi' xo' xim inuhu' pain i ca' quem xere: Ma' nana co tomi' em' nanapa'. Tomi' ca' nana: Wac xirac tatarain taparinain ca xirac nucucun oro wari' ta na Paulo ta nanapa' ma'. Cain' cain' xirara quem? Mo xi pijim' pijim' wet ac i ma' ta', je xi om quep em' quep em' tiquin' cacapa' oro win judeu ta' cwa'? Mo xi pijim' ac i ma' ta', om xi mana' cacapa' pain ca pijim' hwet toton con Jeju oro wari' ma', pain ca mi' pin caho' napari' pain pana Cristo ta toton ca'.

Efésios 3:8

Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

Efésios 4:14

Ma' ta an xiho' an xiho' om xuxun hwijima' pain ca param ximama' nucucun ta. Om ta xin ne ximama' xuxun oro wari' co pijim' camara' pin toton nanapari' pain ca ac ca iri'o' ta' ca' tara me cacapari' pain ca pijim' pan teretem nucucun. Om ta an xiho' mami' xin mam' horoho wa ca ho in ho in pain com ca nocom nocom pain hotowa ma'. Mixein e' nanapari', param e' nanapari' pain ca pan teretem wa oro wari' co pijim' ac i ma' nanapari' ma'.

Efésios 5:15

Ma' tara xumuhu' me. Am xuruxut xo' hwe, querec querec je me. Ta an xiho' huhun co om coromicat xo' nana me. An xiho' e' jujun co coromicat xo' nana ma'.

2 Tessalonicenses 1:8

Oro wari' co noc nonon Iri' Jam ma', co om tomi' ha' je na nanain capijacon ca tomi' hwet napari' con Taramaxicon nexi' Jeju ma', wap ac tococwa tara pain ca win hwe pane tococwa ma'.

1 Timóteo 6:4

Wari' co pijim' ac i ma' nana ma', xec xec nana. Om ca taraju pa' camain' caca. Ac ca ma' cocon na nan pain ximicocon pain ca param e' cacain ca tomi' caracan wa pain ca om taraju pa' xo' xine ca tomi' nucucun oro wari'. Oro wari' co taraju nonon pain ca pijim' nucucun ma', aram aram noc mi' ac xucucun na pain oro carawa. Mana' caracan ac xucucun na, tomi' napat ac xucucun na, coromicat mi' ac xucucun na pain oro ca om awi wa.

Hebreus 11:8

Howa non Iri' Jam Abraão cara pane. Je ca tomi' ha' con pain ca mao rain xijein macan' ca aram aram mi' xim ta con pane. Om paxi' na ca taxi' cain ca mao ta' ca pane, ane tomi' ha' ca ne. Mao ac ca na quem.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.

1Pedro 1:22

An to pin hwein ca caracat wa, xi om ne ca tomi' ha' pin ara hwein capijacon Iri' Jam ca iri'o'. Ha' pin nuhu' pain ca om noc iri'o' xujuhu' pain ca xere xujuhu' ma'. Je ca tomi' xuhu' ca', tama' tomi' querec te cara xujuhu'. Ta tomi' querec te e' ne capijahu' me, tomi' querec te iri'o' xujuhu', maqui' tarain iri' xumuhu' pain ca tomi' querec te xujuhu' ma'.

1Pedro 4:17

Xi maqui' pin ara ne xec nein ca to' i'ina capari' oro carawa ta. Mi' cain' napari' pain Iri' Jam, ma' ta hwara' opa mip hwe pain ca howa nuhu' ta napari'. Pain ca to' i'ina capari' oro carawa ca', jain jain paxi' iri'. Oro co om tomi' ha' nanain capijacon ca pijim' mi' tococwa con Jeju ma' iri nana ne, ximin pan tatara, mija tara ca jain jain nucucun pain ca wap tamana xun tococwa ta.

2 Pedro 2:18

Xi tomi' xec xec ximama' ara cocon oro co witan ca' xun paxi' nonon oro win ma' caca co pan teretem nana ma'. Hohot na pain ca ara hwein ca param ximama' ne curuhu' ta tata.

Apocalipse 18:3

Xi ara em' pin ara tococwa oro wari' co to nanain oro xijein macan' ta. Ac ca toc jein ta tococwa na pain comi uva ca mana' ma', ca tomi' joc mam' mi' nain oro ca param ximama' cama caxicam narima' ma'. Ac ca caracat wi xi' ta tococwa na oro xucucun taramaxicon co taramaxicon to nanain oro xijein macan' ma', pain ca param ni ca' xun Iri' Jam ta tococwa ma'. Oro wari' co maqui' nanain oro xijein macan' ma', co vender taxipa' nanain oro carawa ma', caramaju tamana pin nana, xi om ne ca param ximama' ara cacain oro carawa ca awi oro wari' nein Babilônia ta. Ac i ma' na ca tomi' mip capa' jam co taramaja mi' non Iri' Jam ma', co quiji' qui' nain pawin ma'.

Apocalipse 2:20

Taxi' paxi' inuhu' pain ca ara ac i ma' hwe ma', ane ma' ne carawa ca om hohot napa' pahu' ne: Om ca tomi' in pin hwem caxicam narima' ma', co an xiho' nam Jezabel cara pane. Profeta ina, tomi' hwet inain capijacon Iri' Jam ta na. Mixein na, tomi' mixein nonon oro co taramaja mi' nanapa' ma'. To' caracat tata pain ca tomi' ca' tococwa ca': Hohot na pain ca quep ximama' xujuhu'. Hohot na pain ca cao' hwein cwerein carawa ca mi' querec te xine pain oro caji pacun ca Iri' Jam xi' ma caca oro wari' ma', ac i ma' na ca tomi' tococwa ma'.