Gálatas 2:21 - Tradução Bíblica Pacaas Novos

²¹ Om ca miri'om ton Iri' Jam pain ca xiram pa' e' capa' quem, om na. Mo xi to' hohot capari' ca tomi' ha' xin ca xirao' nucun Moisés ma', je i ma' xira ca mi' pin ximao ca Cristo ta.

Gálatas 2:21 Iomraidhean Croise

Marcos 7:9

Tomi' ac tococwa na: Hohot tara ma' hwein ca an to hwein oro capijacon Iri' Jam ca tomi' ha' je capari', ma' ta tomi' ha' xin capijacocon hwanana nexi' hwe ra ac tococwa na.

Romanos 10:3

Xi querec pin' cacain ca ara pan ca Iri' Jam ma', pain ca to' hohot pin e' capari' pain ca howa xun Jeju cwa'. Howa e' nanain ca ara pan caca ma', pain ca tama' ara xo' xi', ma' ta hohot iri' paxi' caca ma', pain ca to' hohot pan xijexi' con Iri' Jam ta paxi' caca ma'. Om ca howa je na cocon Iri' Jam pain ca to' hohot pan xuhu' ta tococwa ma.

Romanos 11:6

Xiram pa' e' tata oro win judeu ta' cwa', mi' e' tata pain ca awi wa pain ca tora' tococwa ma'. Om ca taramaja mi' cacain. Mo xi tomi' ca' tococwa: Querec inain ca ara xo' tamana nuhu' ma', hohot hwe, je i ma' tara ca tora' qui' xuhu' ca', om ca tomi' ac i ma' tococwa. Mo xi om xiram pa' e' tococwa, mo xi mi' e' tococwa pain ca taramaja nucucun ma', om xi mi' e' tococwa pain ca awi wa pain ca tora' tococwa ta.

Romanos 4:25

Je ca tomi' xuhu' ca'. Om ca nain ho' con Jeju Iri' Jam pane. To' pa' pin jun tata co to' pa' pin xun nonon pane. Xi om ne ca caracat nexi' ta. To' e' mami' ac con na quem. Ma' ta to' hohot pin xuhu' ta napari' ta.

Romanos 8:31

Ac i ma' napari' Iri' Jam quem. Tama' quep xiho' napari'. Je ca taxi' xin ca om ma' camain' ca wari' co to' quiji' pin taxi' napari' ta.

1 Coríntios 15:14

Mo xi om iri'o' ne ca to' e' mami' con Cristo ma', pijim' ximama' ac urut xira, howa ximama' ac hwe xira quem.

1 Coríntios 15:17

Mo xi om iri'o' ne ca to' e' mami' con Cristo Iri' Jam pane, howa ximama' ac hwe xira, om om wet ac ne xira ca witan ca' hwein ca caracat nuhu' quem.

1 Coríntios 15:2

Capijacon Iri' Jam con Jeju ca', je ca mam' to' witan xihwe quem. Howa cara iri hwein ne, witan ac hwe na. Tara pahu', mo ta om howa cara hwein, howa ximama' ac hwe na quem.

Gálatas 2:16

Ac i ma' paxi' iri' pain ca judeu iri' ca'. Ane taxi' xin i ca' ne: Om ca to' hohot capari' Iri' Jam pain ca tomi' ha' taxipa' xin oro ca ara je capari' pain ca xirao' nucun Moisés ma', om na. To' hohot napari' pain ca howa xun Jeju Cristo. Je ca howa iri' con Cristo Jeju pain ca judeu iri' ca' quem. Ma' ta to' hohot capari' Iri' Jam pain ca howa xun Cristo ta iri'. Om ca to' hohot capari' pain ca tomi' ha' xin oro ca ara je capari' pain ca xirao' nucun Moisés ta iri'. Xi to' hohot ac tocwa wari' pain ca tomi' ha' e' cain oro ca ara ra con Iri' Jam pain ca xirao' nucun Moisés ta iri', ac i ma' na ca coromicat nexi' pain ca howa pin xun Cristo Jeju ta.

Gálatas 2:18

Taraju wet ne e', tomi' pan xije pain ca tomi' ha' tain ca xirao' nucun Moisés pain cara pane. Tomi' ha' inain ira. Querec pin' iri inon Cristo ne, querec pin' iri inain oro ca xirao' nucun Moisés pain ca om to' witan ac capa' ne, an pe pin ac tain na. Mo xi in hwet tain, mo xi tomi' ha' mami' tain, ma' ta witan ta', mo xi coromicat ac i ma' ta', je i ma' xira ca caracat pan ta'.

Gálatas 3:21

Cain' ca coromicat mi' hwein ca xirao' nucun Moisés quem? Tomi' in pin nain oro ca tomi' pe nucun Iri' Jam pain ca tomi' xo' con Abraão pane ra? Om na, om ca tomi' in pin camain' xijein ta! Mo xi to' e' cara capari' ca tomi' ha' nexi' ca', je i ma' xira ca to' hohot nuhu' ca xirao' nucun Moisés ta qui' capari' quem.

Hebreus 7:11

Je ca tomi' xuhu' ca'. Mi' iri tata pain ca xirao' nucun Moisés oro wari' pane ne, mi' ac tococwa na pain ca taramaja nucucun oro waram winacon Levi co sacerdote nana quem. Mo xi to' witan taxi' capari' ca taramaja nucucun ma', je xi om mi' mami' capari' con xucun sacerdote co an xiho' non Melquisedeque quem? Je xi om mi' capari' con xucun co jimao ca' non Arão quem?