Gálatas 2:16 - Tradução Bíblica Pacaas Novos

¹⁶ Ac i ma' paxi' iri' pain ca judeu iri' ca'. Ane taxi' xin i ca' ne: Om ca to' hohot capari' Iri' Jam pain ca tomi' ha' taxipa' xin oro ca ara je capari' pain ca xirao' nucun Moisés ma', om na. To' hohot napari' pain ca howa xun Jeju Cristo. Je ca howa iri' con Cristo Jeju pain ca judeu iri' ca' quem. Ma' ta to' hohot capari' Iri' Jam pain ca howa xun Cristo ta iri'. Om ca to' hohot capari' pain ca tomi' ha' xin oro ca ara je capari' pain ca xirao' nucun Moisés ta iri'. Xi to' hohot ac tocwa wari' pain ca tomi' ha' e' cain oro ca ara ra con Iri' Jam pain ca xirao' nucun Moisés ta iri', ac i ma' na ca coromicat nexi' pain ca howa pin xun Cristo Jeju ta.

Gálatas 2:16 Iomraidhean Croise

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

Atos 4:12

Je ca tomi' xuhu' ca' ac tococwa na. Xica' pe na Jeju co to' witan taxi' napari'. Om na xucun co to' witan roron oro wari' ta ca Iri' Jam pari', om om na pain oro xijein macan' pain pira quem. Xica' pe na Jeju co to' witan taxi' napari'. Ac i ma' na ca pijim' cocon oro taramaxicon Pedro ma'.

Romanos 1:17

Pain ca tomi' xo' capari' pain capijacon con Jeju cwa', je ca an hwet mi' capari' pain ca to' hohot pin capari' Iri' Jam. To' hohot pin napari', xi om ne ca howa ara xun ca'. Xica' pe na ca howa nexi', je ca to' hohot pin capari' ca'. Je ca xirao' pe xine pain capijacon Iri' Jam ca'. Ca' na con: E' cara tara wari' co to' hohot ta' cwa', xi om ne ca howa ara capa' ta, ac i ma' na ca xirao' pe xine pain capijacon Iri' Jam pane.

Romanos 3:30

Xi xica' pe ara ca Iri' Jam co tomi' napari' ca', pain ca to' hohot pin inuhu', xi howa ara hun panxita' Jeju ta capari' ca'. Tomi' ac i ma' naparut pain ca judeu urut ca', tomi' ac i ma' nuhu' pain ca om judeu hwe ma' quem.

Romanos 4:2

Om na, taraju pa' je e'. Mo xi tomi' ca' con Abraão Iri' Jam: To' hohot pin inem, xi om ne oro ca ara ara ma ma', pain ca tomi' ha' mapa' ma', mo xi tomi' ac i ma' con, hohot ac ne xira ca xin to pan nucun. Ane om na ne pain xin to ac i ma' con Iri' Jam ne, xi hohot con ta.

Romanos 4:24

Om ca xica' pe ca Abraão co tomi' wa ma'. Tomi' napari' quem. To' hohot pin xuhu' ta napari' pain ca howa xun ca'. Tomi' ac i ma' napari' Iri' Jam co to' e' mami' non Taramaxicon nexi' Jeju ta.

Romanos 8:3

Ca xirao' nucun Moisés ma', om ca hwara' opa ne, om ca to' om pin ac nein ca hwara' opa nein ca caracat nexi'. Xi tomi' ha' pan xin ta. Ane hwara' opa pan ca Iri' Jam ne. To' om pin nain ca hwara' opa nein ca caracat nexi', xi om ne ca mam' ara capari' con iri' Panxica cwa' ta. An tan pan rain curucucun oro wari' co caracat nana ma', mi' pin caho' roron pain ca caracat nucucun ta non, to' om pin ac cain na ca hwara' opa nein ca caracat nexi' ca pe ho' napari' pain cwerexi' ca'.

Romanos 9:30

Je ca tomi' xuhu' ca': Oro win ma' nuhu' pain ca om judeu hwe ma', om paxi' na ca win xumu cacain ca awi wa pain ca to' hohot pin tococwa ma'. Ane to' hohot pin pan cocon Iri' Jam ne, xi om ne ca howa ara cocon Jeju ta.

1 Coríntios 6:11

Ma' paxi' nana win ma' nuhu' co ac i ma' nana pain cara pane. Ane hohoc pin cuhu' pain ca caracat nuhu' Iri' Jam ne. Iri' wari' ne pin inuhu' ta nuhu'. To' hohot pin nuhu'. Xi om ca Taramaxicon nexi' Jeju Cristo pain Tamataracon pahu'.

Gálatas 4:5

Mam' napari' con, ma' ta to' witan ca' cuhu' pain ca wap wa pain ca om tama' tomi' ha' ac hwein ca xirao' nucun Moisés ta napari'. Ma' ta mana panxita' pin xuhu' ta napari' quem.

Gálatas 5:4

Wahu' pain ca to' hohot xijexi' pain ca tomi' ha' xin ca xirao' nucun Moisés hwe ma', to ni ca' hun Cristo. To' hohot xijexi' pain ca tomi' ha' xin ca xirao' nucun Moisés ta iri hwe ne, noc pin ac hun na Iri' Jam pain ca xiram pa' e' cuhu' ma'.

Filipenses 3:9

Win cwere ton ta inon quem. Om na ca xirao' nucun Moisés ca to' hohot napa' con Iri' Jam ta, om na. Wirico Iri' Jam pan co to' hohot pin napa', xi om ne ca howa ara ton Cristo ta. Howa inon Cristo, je ca to' hohot pin capa' Iri' Jam.

1Pedro 1:2

Wara querec pin' nuhu' Cotere' Iri' Jam pain cara pane. Tora' nuhu', to' hohot pin nuhu' Tamataracon quem. Ma' ta tomi' ha' hun Jeju Cristo ta nuhu'. Ma' ta hohoc pin cuhu' pain quicon ta nuhu'. Param inon Cotere' Iri' Jam pain ca quep xiho' tamana cuhu' pain ca mi' cuhu' pain ca param nucun. Param inon pain ca mi' hwara' cuhu' pain ca om toron ne xumuhu' quem.

1Pedro 2:24

Wirico co quereme ma', pain ca tatatain pe tocwa pain pana pane. Cut pi' pin nain ca caracat nexi' pain curucun. Ma' ta caracat caracat om pin hwe ta napari'. Ma' ta xuruxut xo' hwe pain ca ara e' hwein ca awi wa ta napari' quem. To' xio pin nuhu', xi om ne ca wap wein pin ara xine curucun pane ta.

1Pedro 3:18

Xi jain jain ara ca Cristo pain ca mi' pin caho' capari' pain ca caracat nexi' pane ta. Pain ca mi' pin nucun pane, mi' pin na. Om ta mi' pin mami' ca. Om ca caracat camain' ca, xut xo' na, awi na. Ane mi' pin caho' pan capari' pain ca pan teretem nexi' pain ca om xuruxut xo' nexi' ne. Ma' ta o mi' xuhu' con Iri' Jam ta napari'. To' pa' pin iri ta pane ne, mi' pin ac ne na curucun. To' e' mami' iri ta ne, je Tamataracon Iri' Jam ac ne na ca to' e' mami' non quem.

2 Pedro 1:1

Simão Pedro ina pain ca xirao' mi' xuhu' ca'. Taramaja mi' inon Jeju Cristo. Apóstolo ra napa' pain ca tomi' hwet roron pain capija oro wari' capa' pane. Xirao' mi' inuhu' pain ca win ma' ne xijexi' pain ca howa xun Jeju Cristo. Wirico co Iri' Jam ne iri' cwa', co to' witan napari' cwa'. Om ca tomi' querec te paxica' capari', mi' mi' pi' pin napari' pain ca howa xun ca'. An an ari xijein ca howa nexi' quem.

1João 1:7

Xuruxut cara iri irin naran nucun Iri' Jam ma' ne, pain ca win xumu xin oro ca param nucun ma'. Win ne ca pe cain naran ma' quem. Xuruxut ac i ma' iri irin naran nucun ne, tomi' querec te caracan ac xijexi' na pain ca taxipa' xijexi' ca'. Hohoc pin ac capari' na pain ca caracat nexi' quicon Panxica cwa', Jeju cwa'. Ac i ma' na ca to' om to' om pi' pin cain ca caracat nexi' quem.

Apocalipse 7:14

Om ca taxi' toton ta taramaxicon. Tomi' hwet ne cocon ac ton na. Tomi' hwet ac capa' na: Wiricoco co jain jain tamana nana pain oro cawaxi' pain ca quep em' tamana tococwa pain ca howa cocon Jeju pane. Hohoc hohoc towo' pin nonon womicocon pain quicon co ma' co ac Wijimain Taramaji Ovelha ma'.

Apocalipse 7:9

Xirao' pin iri tata pain jitaracocon oro waram winacon Israel ne, noro ac ta' na, querec ac toton na oro wari' pain ca cut in tamana nucucun. Mija nana wari' ta, om ca tomi' ac tococwa, xi paric caca ta. Maqui' nanain oro xijein macan'. Xucun wari' xucun wari' pi' pin nana, to ni ca' nonon oro xucucun wari' pain macaracocon, capija ni ca' xucucun quem. Coco' quima hwet nanain ca mam' xao pe pe ca Iri' Jam co Iri' Taramaxicon ma', coco' quima hwet nonon co ma' co ac Wijimain Taramaji Ovelha ma' quem. To nonon wom co towo', cut nanain tahot pain micocon quem.