Gálatas 2:12 - Tradução Bíblica Pacaas Novos

¹² Xi om ne ca pan tem ac i ca' ara ca pane ta: Pain ca xo' hwet caparut pain Antioquia pane, cao' pe ho' taxipa' nonon oro xerexi' co om judeu nana. Maqui' pin iri nanain Jerusalém oro win ma' ca Tiago ne, co cuc cuc nonon co om judeu nana pain ca wac xirac tatarain taparinain ca xirac nucucun ta cocon ma', cao' pe ho' cao' pe ho' om pin ac cocon na co om judeu nana Pedro. Xi jin' ara tococwa co xo' maqui' nana ta.

Gálatas 2:12 Iomraidhean Croise

Lucas 15:2

Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'.

Lucas 5:38

Je ca na e' ne pain ca ji'ao an pe xo' e' cain xocori comi uva pain xocori tapari carawa ma'.

Atos 10:28

Tomi' pan ac cocon na Pedro: Taxi' maparut pain ca judeu urut ca'. Moji'ac urut cocon oro wari' co om judeu nana. Om ca hwet urut cocon pain xiricocon quem, je curuxut. Taxi' maparut ma' ira. Ane tomi' pan capa' Iri' Jam ne: Ta moji'ac momon me ta. Ta caxicon wari' nana momon me ta napa'.

Atos 12:17

An piri' ac cain na micon. Tacana to je ta ac tococwa na, tomi' hwet ac tococwa na pain ca pa hwet tocwa ma'. Pa hwet napa' Taramaxicon nexi' ta. Tomi' hwet jun pain Tiago cocon oro xerexi' me ac tococwa na. In ca' ac tococwa na, mao ac cain na xijein xirim.

Gálatas 2:14

Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.

Gálatas 2:9

Je ca tomi' cacapa' Tiago con Pedro con João ma', co querec pin' wawa pain ca to' hwara' opa cocon co howa nana ma', querec pin' ac cacapa' na pain ca mi' pan capa' pain ca taramaja wa Iri' Jam cwa'. Tomi' querec te ac cacaparut na, tomi' querec te nanapa', tomi' querec te nonon Barnabé cwa' quem. Taramaja wi iri' ca' ira nanaparut. Wahu', hwet jujun co om judeu nana ma'. Warut iri na ne, hwet ac urut cocon tara co judeu nana cwa'. Ac i ma' tara ca taramaja wi xi' ca' nanaparut. Ma ac urut cocon na quem.

Efésios 2:15

Mi' pin iri na Cristo ne, to' om pin ac cain na ca hwara' opa nein ca xirao' nucun Moisés pain oro ca tomi' ha' je nucun. Ma' ta xucun wari' xucun wari' om pin hwe ta napari'. Win ma' ne pin xijexi' con. Mi' napari' pain ca nari pin xijexi' pain ca win cwere pin xun quem. Ac i ma' na ca to' om pin cain ca noc xijexi' pane.

Efésios 3:6

Je i ca' ca coromicat xo' nucun ca joc xim ca ira: Oro carawa ca awi ca mi' toton caparut Iri' Jam pain ca judeu urut ca', cut pin xin hwein pain ca om judeu hwe ma' quem. Xi om ne ca howa howa pi' pin ara xin capijacon ca tomi' hwet napari' con Cristo Jeju. Win ma' ne pin xijexi' quem. Mi' mi' pi' pin napari' pain oro ca param nucun ca wara tomi' pe pin capari' con Cristo Jeju.

1 Tessalonicenses 5:22

Tomi' in pin tomi' in pin pi' pin jein oro ca pijim' wa ca pan tem ma', ca om maqui' non Iri' Jam ma'. Miri'om jein ta.