Biblia Todo Logo
Bìoball air-loidhne

- Sanasan -




Gálatas 2:11 - Tradução Bíblica Pacaas Novos

11 Ane ma' pin ne carawa ca to' i'ina naparut pain Antioquia ne. Maqui' iri nain Antioquia Pedro ne, tomi' in pin ac ton na pain iri' tocon. Om ca ara xo' ma ta inon. Em' ma ta inon.

Faic an caibideil Dèan lethbhreac




Gálatas 2:11
31 Iomraidhean Croise  

Xat tucu in hwet ac con na Jeju. Ac Caxicon Jam a xima pain ca tomi' querec mapa' ta Pedro. Mo ca' ne ta ac con na. To' i'ina mapa'. An xiho' main pacun ca pe wana ma', pain ca tao' pan' pin ton mapa' ca'. Om ca an xiho' main ca coromicat nucun Iri' Jam. An xiho' e' main ca coromicat nein ca wari' wa ta na ca tomi' con Pedro Jeju.


Maji con, hwet xun Jeju ta ac con na cwaji' ca, hwet ac cocon na. Noro ac con na Simão Jeju. Tomi' ac con na: Simão na wuxum. Panxica João ma. O' ma' ni pin xim. Cefas pin ra ac con na. Pedro na ca tomi' mao nein ca Cefas wa pain capijaxut pain ca judeu urut ca', pain aramaico ca'.


To' pa' pin iri ta Estêvão cara pane ne, ja' tequi' quep em' ac tococwa na co howa nonon Jeju. Wawaran mama' ac caca na pain oro xijein macan'. Ma' nana co mama' nanain macarain Fenícia, ma' nana co mama' nanain xixi pan nein macan' Chipre. Ma' nana co mama' nanain xijein cidade pain Antioquia quem. Pijim' paxi' nanain capijacon Iri' Jam, ane pijim' hwet e' cocon pain ca win judeu caca ne.


Co to' wawaran ca' wawa pain Jerusalém ma', ma' nana co to pin nanain Chipre je xijein cidade pain Cirene ma'. Tan' mama' iri nanain Antioquia ne, pijim' pijim' ac tococwa na co om judeu nana ma' quem. Tomi' hwet tata pain capijacon Iri' Jam ca tomi' hwet napari' pain ca to' witan xim capari' Taramaxicon nexi' Jeju.


Tomi' hwet ac tococwa na co howa nana pain Jerusalém ma'. Howa pin nana wari' co om judeu nana ma', co to nanain Antioquia ma' tata. Je ca mo hwet roron pain Antioquia ta cocon Barnabé ma'.


Pain ca to to wet cacain Antioquia Barnabé con Saulo ma', maqui' ac cacain Jerusalém na oro win howa caca co profeta nana ma'. Tomi' hwet taxipa' nanain xocori ca tomi' nucun Iri' Jam.


Ma' ac caca na wari' co maqui' nanain Judeia. Xuruxut xuruxut tan' mama' iri nanain Antioquia ne, tomi' ac tococwa na co om judeu nana ma', co howa nonon Jeju ma': Xirao' mi' ca' napari' Moisés pane: Na e' na pain ca wac xirac hwein taparinain ca xirac nuhu' pain ca tarama' nuhu' ta napari' pane. Je ca tomi' urut pahu' ca'. Mo ta om wac xirac hwein taparinain ca xirac nuhu' ma', om ta witan ac hwe ta ac tococwa na co om judeu nana ma'.


Ane ma' caca caram ma' co fariseu nana ne. Howa nonon Jeju quem. Taraju iri nanain i ma' ne, pain ca howa pin cocon Jeju oro wari' co om judeu nana ma', tequi' to ac caca na, tomi' ac caca na: Co om judeu nana ma', mo ta howa xun Jeju caca, na e' na pain ca wac xirac cacain taparinain ca xirac nucucun ta. Na e' na pain ca tomi' ha' cacain oro ca xirao' nucun Moisés ma' quem, ac i ma' na ca tomi' caca ma'.


Cain' cain' xirara quem? Taxi' tiquin' ca' nanapa' ra? Om ca taxi' tiquin' ca' cacapa' ta, ac i ma' na ca coromicat ne ca'.


Ac ca om coromicat xo' ta' paxi' a xira pain ca tomi' xec xec ne ca', ane wahu' pan co cuc cuc nanapa' pain ne. Wahu' pan xirara co taramaja xo' ma ta nanapa' ma'. Om paxi' na ca taxi' pan ta' ca', ane om taxi' tiquin' ca' cacapa' oro co iri' apóstolo urut xi' ma nana pahu' ne. Om ca taxi' tiquin' camain' ca' cacapa' ta.


Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.


Ma' 3 pin iri napa' cawaxi' pain ca howa ton Jeju ne, mao ac tain na Jerusalém. Querec ton Pedro ta ina, hwet ac ton na, ma' 15 ac ne na xec pain ca pe ho' ton pane.


Querec pin' iri inonon pain ca om xuruxut xo' nucucun ne, pain ca om tomi' ha' cacain oro ca hu nucun Jeju ca iri'o' ma', ca ara je capari' ma', tomi' in pin ac ton na Pedro. Taraju taraju pi' pin nanapa' pain ca tomi' in pin ton quem. Tomi' ca' inon: Cain' cain' xima quem Pedro, ac i ma' na ca tomi' ton ca'. Judeu paxi' ma, ane om an xiho' mami' momon oro hwanana nexi' co tomi' ha' taxipa' nanain oro ca xirao' nucun Moisés ne. An xiho' pin momon co om judeu nana cwa'. Cain' cain' xima quem? Ac ca cuc cuc momon a xira co om judeu nana ma', ac ca an xiho' jujun oro judeu pain ca tomi' ha' cacain oro ca xirao' nucun Moisés ta momon na. Ac i ma' na ca tomi' in pin ton ma'.


Om ca ha' camain' urut cocon. Ma' ta om wanan xine ca pijim' mixein wa pain ca pijim' iri'o' wa ta urut cocon. Ma' ta howa cara hwein capijacon Iri' Jam ca iri'o' con Jeju ta urut pahu' quem.


Je i ma' ta, je ca tomi' xuhu' cocon, tomi' ca' nanapa' co querec wet nonon co howa nana: Hohot na ta nanapa', xi om ne ca querec pin' ara cacapa' pain ca tomi' capa' Iri' Jam ta. Pijim' roron co om judeu nana ta nem Iri' Jam, pijim' roron pain capija con Panxita' ta nem ta nanapa'. Win ne ca pijim' roron oro judeu ta con Pedro cwa' quem nana.


Je ca tomi' cacapa' Tiago con Pedro con João ma', co querec pin' wawa pain ca to' hwara' opa cocon co howa nana ma', querec pin' ac cacapa' na pain ca mi' pan capa' pain ca taramaja wa Iri' Jam cwa'. Tomi' querec te ac cacaparut na, tomi' querec te nanapa', tomi' querec te nonon Barnabé cwa' quem. Taramaja wi iri' ca' ira nanaparut. Wahu', hwet jujun co om judeu nana ma'. Warut iri na ne, hwet ac urut cocon tara co judeu nana cwa'. Ac i ma' tara ca taramaja wi xi' ca' nanaparut. Ma ac urut cocon na quem.


Mo ta iri'o' ne pain ca caracat ca ma', na e' na pain ca tomi' mon pain taraxicon. Taraju tatara co howa nonon Jeju pain ca cut in xujuhu' ma', taraju tatara pain ca tomi' mon pain taraxicon. Ma' ta jin' caca, ma' ta om win ca ne cocon ma'.


Camara' camara' pi' pin ara xi' iri', xi om ne ca ma' taxipa' ara capari' oro xijein ca caracat wa ta. Wari' co om pan' ma', pain ca om tomi' pan tem ca ma', wirico co iri' wari' ta. Ximicon hwanana na, xi om ne ca miri'om taxi' ara cain ca param nucun. Om ca ara e' cain ca param nucun.


Je ca tomi' xuhu' pain ca tomi' querec te xuhu' ca'. Jain jain paxi' ina pain ca xirao' mi' xuhu' pain ca to' witan to' witan pi' pin capari' Iri' Jam cwa'. Ane coromicat ni pin ta' pain xocori ca' ne. Xi ma' pin ara caca co corom hwet taparu nunuhu' pain ca cut in xujuhu' ma', co wara tomi' mi' wawa pain ca wap wa pain cara pane. Joc xim nanain ca howa pan teretem nucucun. Caracat nana pain ca miri'om cocon Iri' Jam ma', pain ca ca' na ni ca' cacain capijacon ma'. Tomi' ca' nunuhu': Hohot na pain ca quep ximama' iri'. Om ta wap capari' Iri' Jam, xi om ne ca xiram pa' ara capari' ta nana. Noc nonon Jeju Cristo co xica' taramaja mi' iri' cwa', co Taramaxicon ne iri' cwa' quem. Je ca tomi' xuhu' ca'. Jain jain pin ina pain ca xirao' mi' xim xuhu' pain i ca' quem, pain ca hu ca' xim xuhu' ca'. Ari mip jujun oro co tomi' ni pin nanain capijacon Iri' Jam ca iri'o' ma', ca howa pan iri' ca', ca mi' capari' pain ca wari' ne capari' ca'. Mao ac ne ma' na con. Om ca mi' mami' capari' pain xijein capijacon quem.


Lean sinn:

Sanasan


Sanasan