Gálatas 1:9 - Tradução Bíblica Pacaas Novos

⁹ Je ca tomi' urut pahu' pain cara pane. Tomi' mami' inuhu' pain xocori ca' quem. Wari' co pijim' ni ca' nuhu' pain capijacon Iri' Jam con Cristo ma', pain ca pijim' ni ca' cain capijacon Iri' Jam ca wara howa hwe pane, na e' na pain ca tomi' noro tocwa ta!

Gálatas 1:9 Iomraidhean Croise

Atos 18:23

Pain pin iri na pain ca mon to wet cain i cain ne, mao ta' ina ta ac ca na. Xut mao ac cain na oro xijein cidade pain Galácia je Frígia ma'. To' hwara' opa ac tococwa na co howa nonon Jeju.

Romanos 16:17

Tomi' ca' inuhu' pain ca hu xim xuhu' ca' xere. Ma' tara xumuhu' cocon oro wari' co ja' teretem nunuhu' pain ca ja' coromicat ni xujuhu' ma'. Querec jujun oro wari' co ja' caracat nunuhu' pain ca ja' howa pan teretem pin xim cucuhu' ma' quem. Ma' tara xumuhu' cocon oro wari' co tomi' in pin nanain capijacon Iri' Jam ca ca' na xihwe pane quem. Mo mo to ca' jujun ta.

Romanos 9:3

Xi xiram pa' ara toton oro ca nari ne cwa', xiram pa' inonon oro win judeu ta' cwa'. Mo xi ha' capa' pain ca pe tain maxicocon ma', wap pan ac capa' xira Iri' Jam, an pe ni ca' ac capa' xira con Cristo quem. Om ac ne xira ca wap tococwa oro ca nari ne cwa' quem.

2 Coríntios 1:17

Ane om hwet xuhu' ne. Cain' ca coromicat mi' mahu' quem? Tomi' ximao na pain ca hwet xim capari', ac i ma' tara ca coromicat mi' mahu' ra? Am coromicat mi' ca' mahu' quem, an xiho' nain ca wari' wa ca coromicat ximao ma', pain ca tomi' pe cain capijacon ma', pain ca an in an in cain ca coromicat pe nucun, ac i ma' tara ca coromicat mi' mahu' ra?

Filipenses 3:1

Tomi' xim inuhu' pain i ca' quem xere: Tomi' querec te je, xi om ne ca win cwere ara hun Taramaxicon nexi' ta. Ca xirao' mi' xuhu' ca', xirao' mi' paxi' inuhu' pain. Ane om horoman capa' pain ca xirao' mami' xuhu' pain ne. Quep xiho' turuhu' ca xirao' ne ca' quem, to' hwara' opa turuhu' pain ca ari huhun co pijim' mixein xim nunuhu' ta.

Filipenses 4:4

Tama' tomi' querec te je me, xi om ne ca win cwere ara hun Taramaxicon nexi' ta. Tomi' mami' inuhu': Tomi' querec te je me.