Gálatas 1:22 - Tradução Bíblica Pacaas Novos

²² Om ca querec pin' querec cacapa' oro co howa nonon Cristo pain oro xijein cidade pain Judeia pane, om om wet na ca querec cacapa' pain tucu pane.

Gálatas 1:22 Iomraidhean Croise

Atos 9:31

Pain oro xijein cidade pain Judeia, je pain Galileia, je pain Samaria ma', om pin na wari' co mana' nonon oro co howa nonon Jeju, om pin na wari' co quep em' nonon quem. Mija pin ac caca na co howa nana ma', xi om ne ca quep xiho' pan ara cocon Tamataracon Iri' Jam ta. To' hwara' opa tata pain ca howa nucucun. Win xumu e' nanain ca param pan nucun Taramaxicon nexi' quem.

Romanos 16:10

Tomi' jun Apeles ma' quem, co querec pin' wa pain ca howa iri'o' con Cristo ma'. Mam' pe wet nem Paulo ta jun. Oro wari' co to ho' nonon Aristóbulo ma', pain xiricon ma' quem, mam' pe wet nuhu' Paulo ta jujun.

Romanos 16:3

Tomi' jem Priscila con Áquila pata' pain ca mam' pe wet tatam ca'. Taramaja wi nanapa' pain ca taramaja mi' urut con Cristo Jeju.

Romanos 16:7

Tomi' jujun Andrônico con Júnias ma', co nari ta' ma'. Mam' pe wet nuhu' Paulo ta jujun. Tao' to wi nanapa' pain xirinain ca tao' to tao' to to wa pane. Querec pin' tata, awi tamana nana ta tata pain ca taramaja nucucun pain ca oro apóstolo caca ma'. Wara howa ca' nanapa' con Cristo quem.

Romanos 16:9

Tomi' jun Urbano ma' quem, co taramaja wi naparut pain ca taramaja mi' urut con Cristo ca'. Mam' pe wet nem Paulo ta jun. Estáquis ma' quem, co tomi' querec te ta' ma' quem, mam' pe wet nem Paulo ta jun quem.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

1 Coríntios 7:17

Je ca tomi' xuhu' ca', mo ta om cut querec hwem narima' pain ca xo' howa xine qui' cuhu' Iri' Jam pane, coco' e' cara ac hwe ma' tara. Mo ta wara ma' cuhu' narima', pe ho' cara ac hwem ma' tara. Ac i ma' tara pain oro ca ara je cuhu' pain ca xo' howa xine qui' cuhu' pane quem. Ara cara ac hwein ma' tara. Je ca tomi' toton oro co cut in xucucun pain ca howa cocon Jeju.

Filipenses 1:1

Paulo ina pain ca xirao' mi' xuhu' ca'. Wirico Timóteo cwa' quem, xirao' mi' urut pahu'. Wari' nucun Cristo Jeju urut pain ca taramaja mi' urut con ca'. Xirao' mi' xirao' mi' pi' pin urut pahu' pain ca wari' nucun Iri' Jam ma', pain ca win cwere hun Cristo Jeju hwe ma', pain ca to hwein Filipos ma'. Wahu' pain ca pastor hwe pain ca querec wet huhun oro co howa nana ma', wahu' pain ca diácono hwe ma' quem, xirao' mi' urut pahu' quem.

1 Tessalonicenses 1:1

Paulo ina pain ca xirao' mi' xuhu' ca'. Wata', wirico Silvano, wirico Timóteo, ca' urut pain ca xirao' mi' urut pahu' pain ca cut in xujuhu' pain Tessalônica ma', pain ca win cwere hun Cotere' Iri' Jam con Taramaxicon nexi' Jeju Cristo ma'. Param urut con Iri' Jam con Taramaxicon nexi' Jeju Cristo pain ca quep xiho' cucuhu' pain ca mi' cucuhu' pain ca param nucucun. Param urut cocon pain ca mi' cucuhu' pain ca om toron ne xumuhu' quem.

1 Tessalonicenses 2:14

Taxi' urut pahu' pain ca howa hwein capijacon quem xere. Xi hwara' opa cara hwe pain ca quep em' cucuhu' oro win ma' nuhu' ma'. Win caca oro xerexi' co cut in xucucun pain Judeia cain, co howa nonon Iri' Jam pain ca win cwere cocon Cristo Jeju cwain. Momon hwara' opa nana pain ca quep em' cocon oro taramaxicon nucucun oro judeu cwain. Carawa ca ara nuhu' pain ca quep em' cucuhu' oro win ma' nuhu' ma', je ca ara nonon pain ca quep em' cocon oro taramaxicon nucucun oro judeu quem.

2 Tessalonicenses 1:1

Paulo, Silvano, Timóteo, ca' urut pain ca xirao' mi' mami' urut pahu' ca'. Xirao' mi' urut pahu' pain ca cut in xujuhu' pain Tessalônica ma', pain ca win cwere hun Cotere' Iri' Jam con Taramaxicon nexi' Jeju Cristo ma'.