Gálatas 1:21 - Tradução Bíblica Pacaas Novos

²¹ In ca' iri inain Jerusalém ne, mao ac tain na macarain Síria je macarain Cilícia ma'.

Gálatas 1:21 Iomraidhean Croise

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Atos 13:1

Ma' nana wari' co cut in to xucucun pain Antioquia ma', pain ca howa cocon Jeju pane. Ma' nonon co tomi' hwet nanain xocori capijacon Iri' Jam ma', ma' nonon co ca' na nonon con Jeju quem. Mo nana: Barnabé ma'. Simeão co Níger na xijein wixicon ma'. Lúcio co maqui' nain Cirene ma'. Manaém co win ma' ne non taramaxicon Herodes pain ca hwijima' nucucun pane. Ma' na Saulo ma' quem.

Atos 15:23

An mi' jujun pain ca xirao' nexi' ca' ac tococwa na. Ca' na ca xirao' nucucun: Warut pain ca apóstolo urut ca', cocon co querec wet nonon oro co howa nana cwa', xirao' mi' urut pahu' pain ca xere xijexi' con Jeju. Tomi' querec te urut pahu' pain ca howa hun Jeju Cristo pain ca om judeu hwe ma', pain ca to hwein Antioquia, je pain Síria, je pain Cilícia ma'.

Atos 15:41

Xuruxut mama' ac cacain na oro xijein cidade pain Síria je Cilícia ma'. To' hwara' opa ac tococwa na co cut in xucucun pain ca howa cocon Jeju ma' quem.

Atos 18:18

Mon to wet ac cain na Corinto Paulo ma'. Pain pin iri na ne, in mao ta' ina ta ac tococwa na oro xerexi' ma', paca' ac tococwa na. Ja' ja' nonon Priscila con Áquila ma'. Xuruxut mama' ac cacama na. Xuruxut xuruxut hwet ac cacamain na cacarain cote ne com pain Cencreia ma', je i ma' wixinain cidade pain cacarain com ma'. Tan' mama' iri nanain Cencreia ne, wijac pin ac cain tununucun na Paulo. Ma' ta querec pin' cacapa' oro wari' pain ca ara pin tain carawa ca wara tomi' pe mi' ton Iri' Jam pane ta na. Wijac pin iri nain tununucun ne, corom mama' ac cacamain na mam' horoho wa, horoho mama' ac cacama na.

Atos 21:3

Horoho horoho querec pira ac urut pain na xixi pan nein macan' ma', Chipre ma'. Tiquin' ca' ac urut pain na, horoho horoho hwet ac urut pain na Tiro ma', je i ma' wixinain cidade ca pe nain xijein macan' ma', Síria ma'. Piri' mama' ac urut na. Waximain mam' horoho wa ca to urut ma', cut piri' to tain na pain Tiro oro caramaji mam' horoho nucun.

Atos 21:39

Om na, judeu ina ta ac ca na Paulo. Maqui' inain Tarso, je ca pan' pe ta' pane. Cote ne cidade na Tarso, hwara' opa nana oro wari' nein. Ta nain ho' mapa' pain ca tomi' xo' toton oro wari' co mana' nanapa' cwa' na ca tomi' con comandante Paulo ma'.

Atos 22:3

Judeu ina ta. Pan' pe inain Tarso ca pe nain Cilícia ma', je i ma' wixinain macan' ca pan' pe ta' pane. Pan' pe paxi' inain Tarso pane, ane hwara' pe tain Jerusalém ca' ne. Wirico Gamaliel na co ca' na napa' pain capijacon Iri' Jam pane. Ca' na ca' na xam' napa' pain oro ca xirao' nucun Moisés ca tomi' ha' caca oro hwanana nexi' pane. Win xumu taxipa' inon Iri' Jam quem, tomi' ha' taxipa' inon. Win hwe ma', pain ca win xumu taxipa' hun ma'.

Atos 23:34

Noro pan ac cain na carta taramaxicon ma', noro noro. Tomi' querec ac con na Paulo: Main ca maqui' ma quem? Cain' cain' ne wixinain macaram quem? Om na, maqui' inain Cilícia ta ac ca na. Taraju iri nain ca tomi' nucun ne,

Atos 6:9

Ane ma' caca oro judeu co noc nonon ne. Taramaja mi' e' nonon oro tatirim pain cara pane. Aram aram to' witan ac tococwa na quem. Xirim ca cut in to xucucun ma', Xiricocon co Witan Nana ta na wixinain cocon oro wari'. Maqui' nanain oro xijein cidade ma', maqui' nanain Cirene je Alexandria, maqui' nanain oro xijein macarain Cilícia je pain Ásia quem. Noc nonon Estêvão. Tomi' xun e' ac caca na, tomi' in pin tomi' in pin ac cocon na quem.

Atos 9:30

Co howa nonon Jeju ma', taxi' pin iri nonon pain ca to' pa' pin xun cocon ne, o mao pan ac cocon na pain xijein cidade pain Cesareia cain. In mao rain macaram pain Tarso ta ac cocon na, mao ac ca na.