Gálatas 1:19 - Tradução Bíblica Pacaas Novos

¹⁹ Querec inon Tiago coxa' ca Taramaxicon nexi' quem. Om ca querec toton oro xucucun apóstolo, xica' to ac caca na caram ma' Pedro con Tiago co querec ta' pain ca xo' mao tain Jerusalém pane.

Gálatas 1:19 Iomraidhean Croise

Mateus 10:3

Ma' ac ca na Filipe con Bartolomeu con Tomé ma'. Wata' quem, pain ca Mateus ta' ca'. Cut in taxipa' inain oro imposto ca pagar je tococwa oro wari' pane ira. Ma' ac ca na Tiago panxica Alfeu ma'. Ma' ac ca na Tadeu ma'.

Mateus 12:46

Tomi' tomi' wet iri nonon oro wari' Jeju ne, maqui' ac cama na jicon cocon xurucun. Hwet to nana. Tomi' xun Jeju ta ac cacama na.

Mateus 13:55

Om ca panxica co pacara pane ca ra, co ara taxipa' nain pana cara pane ca ra? Om ca cawiji con Maria ra? Om ca aji' con José con Tiago con Simão con Judas cwa' quem?

Marcos 3:18

Ma' ac ca na André con Filipe con Bartolomeu con Mateus con Tomé ma'. Ma' ac ca na Tiago panxica Alfeu ma'. Ma' ac ca na Tadeu ma'. Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'.

Marcos 6:3

Om ca wirico co cwa' co ara taxipa' pana cara pane ra ac caca na. Om ca cawiji con Maria cwa' ra? Om ca aji' con Tiago con José con Judas con Simão cwa' ra? Om ca to ho' cacapari' oro mon xojam' co aji' nonon cwa' ra? Cain' cain' xira ne nana, miri'om ac cocon na quem. Om ca howa camain' cocon.

Lucas 6:15

Ma' ac ca na Mateus con Tomé ma'. Ma' ac ca na Tiago panxica Alfeu ma'. Ma' ac ca na Simão co jain jain tamana nonon oro win ma' ca pain ca witan ca' xun cocon oro romano ma'.

Lucas 8:20

Hwet to nana xerem cam jim ta Jeju ac con na wari' ma'. Tomi' xim nenem ta na ca tomi' con ma'.

Atos 1:13

Tan' mama' iri nana ne, corom mama' ac cacain na xirim ca to pan caca ma'. Piri' mama' xi' e', wara ca' na manain xirim pain pawin ma', corom mama' ac caca na. Mo nana: Pedro, João, Tiago, André ma'. Filipe con Tomé ma'. Bartolomeu con Mateus ma'. Tiago panxica Alfeu ma'. Simão co jain jain tamana nonon oro win ma' ca pain ca witan ca' xun cocon oro romano ma'. Judas panxica Tiago ma' quem.

Atos 12:17

An piri' ac cain na micon. Tacana to je ta ac tococwa na, tomi' hwet ac tococwa na pain ca pa hwet tocwa ma'. Pa hwet napa' Taramaxicon nexi' ta. Tomi' hwet jun pain Tiago cocon oro xerexi' me ac tococwa na. In ca' ac tococwa na, mao ac cain na xijein xirim.

1 Coríntios 9:5

Cain' cain' ne cacam narima' nuxut co howa nana quem? Om ca hohot ne pain ca maji urut cacam pain ca pijim' mama' urut pain oro xijein xirim ra? Hohot ne ma' ira. Win caca oro xucucun apóstolo ma', win caca mana coxa' ca Taramaxicon nexi' Jeju ma' quem. Win ca Pedro ma' quem. Maji nanam manacocon, mi' ac tacacama na pain carawa ca cao' wa quem.

Tiago 1:1

Tiago ina pain ca xirao' mi' xuhu' ca'. Taramaja mi' e' inon Iri' Jam con Taramaxicon nexi' Jeju Cristo. Xirao' mi' inuhu' pain ca judeu iri' ca', pain ca wawaran to hwein oro xijein macan' ma'. Tomi' querec te inuhu' ta.

Judas 1:1

Judas ina pain ca xirao' mi' xuhu' ca'. Taramaja mi' inon Jeju Cristo. Aji' inon Tiago quem. Xirao' mi' inuhu' pain ca howa xine cuhu' Cotere' Iri' Jam, je pain ca om noc camain' cuhu', je pain ca querec wet xo' cuhu' Jeju Cristo ma' quem.