Gálatas 1:16 - Tradução Bíblica Pacaas Novos

¹⁶ ca an hwet mi' xim capa' con Panxica ne, mi' ac capa' na pain ca querec pin' ton pain iri' xumu ca'. Ma' ta pijim' hwet momon con oro wari' co om judeu nana ta napa'. Tomi' ac i ma' iri napa' ne, om ca pirao' camain' ton wari' pain ca cain' cain' xita' ne ton, om na.

Gálatas 1:16 Iomraidhean Croise

Mateus 16:17

Param mi' nem pain ca awi wa Iri' Jam ta Simão panxica João ac con na Jeju. Xi wari' ca co an hwet mi' nem pain ca tomi' nem ma', pain ca Cristo ma ta mapa' ma', pain ca Panxica Iri' Jam ma ta mapa' ma'. Te ma', co pe pawin cain, wirico co an hwet mi' nem pain ca tomi' nem.

Mateus 26:41

Ta pi'am hwe me ta ac tococwa na. Momon tomi' jun Iri' Jam, ma' ta om ja' camara' xihwe pain ca tomi' querec cuhu' Caxicon Jam ta. Tomi' ha' xi' paxi' hwe pain xumuhu' ma', ane om hwara' opa hwe pain curuhu' ma' ne na ca tomi' tococwa ma'.

Atos 22:21

Om na ta ac capa' na. Mao ra, mao rain pira inem. Tomi' hwet ne cocon oro wari' co om judeu nana inem ta napa'. Ac i ma' na ca tomi' cocon oro wari' Paulo ma'.

Atos 5:42

Pijim' tiquin' pijim' tiquin' nana pain oro xijein xec quem. Pijim' to nanain cote ne xiricon Iri' Jam ma', pijim' to nanain xiricocon oro wari' ma' quem. Om ca an to cacain. Wirico Jeju na co Cristo ta nana pain ca pijim' caca ma'.

Atos 9:15

Om na ta Ananias ac con na Taramaxicon nexi'. Mo hwet ron Saulo cwain. Wara tora' inon. Mi' ton inon pain ca taramaja mi' capa'. Tomi' hwet tarapa' cocon oro wari' co om judeu nana, wiricoco oro taramaxicon nucucun quem. Tomi' hwet tarapa' cocon oro wari' nein Israel ma' quem.

Atos 9:20

Pijim' hwet ho' toton con Jeju ta ac ca na, pijim' pe ac cain na oro xirim ca cut in to xucucun oro judeu. Panxica Iri' Jam na Jeju ta nonon pain ca pijim' cocon ma'.

Romanos 1:5

Tomi' hwet jein capija naparut Iri' Jam pane, pain ca taramaja mi' jun Jeju ta caparut pane. Awi tamana na ca taramaja mi' tocwa quem, pain ca tomi' hwet xine capijacon ca'! Wirico Jeju co mi' naparut pain ca taramaja mi' urut con ca'. Ma' ta howa cacapa' oro wari' pain oro xijein macan' ta naparut. Ma' ta tomi' ha' cacapa' quem naparut.

Romanos 11:13

Tomi' ho' xuhu' pain ca om judeu hwe ma' quem: Apóstolo ra napa' Iri' Jam pane, tomi' hwet rain ca tomi' ta' ta' ca' napa', pijim' hwet roron pain oro co om judeu nana ta napa' pane. Tomi' querec te tamana inon pain ca mi' capa' pain ca taramaja ne ca'. Tama' tomi' ca' inonon oro win ma' ta' cwa' quem: Tomi' napa' Iri' Jam pane, pijim' roron oro co om judeu nana ta napa' pane inonon oro win judeu ta' cwa'.

1 Coríntios 15:50

Je ca tomi' xuhu' ca' xere: Oro cwerexi' ca', pain ca ma' ne cwerexi' pain quixi' ca', om ta mama' ac nein ca taramaxicon pe ca Iri' Jam pain pawin cain. Oro cwerexi' ca cono' taxipa' ca', om ta mama' ac nein i cain. Xi cono' ra ha' wa pain i cain ta.

2 Coríntios 4:6

Xi toha mi' ara caparut pain iri' xumuxut Iri' Jam ta. Win ca pain ca xo' tomi' qui' cain ca jitacat nein xim pain ca toha pin ra ta qui' cain xec pain cara pane. Ac i ma' naparut quem, ac ca toha mi' caparut na pain ca toc meremem nucun pain xumuxut pain ca coromicat nuxut. Ma' ta querec pin' hwein ca hwara' opa ne ca toc meremem pe nain tocon Cristo ta naparut.

2 Coríntios 5:16

Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.

Gálatas 2:1

Cawaxi' pa' ac capa' na, cawaxi' pa' mami' ac capa' na, ma' 14 pin iri na cawaxi' pain ca querec qui' toton pain Jerusalém pane ne, in mao ac tain na Jerusalém. Ja' ja' napa' Barnabé. An mao inon Tito quem.

Efésios 3:1

Je ca tomi' mi' xuhu' con Iri' Jam ca'. Wata' pain ca Paulo ta' ca', pe inain xirinain ca tao' to tao' to to wa ca'. Xi om ne ca taramaja mi' ara ton Cristo Jeju pain ca quep xiho' xuhu' pain ca om judeu hwe ma' quem.

Efésios 6:12

Xi wari' caca co mixita iri' ta. Oro caxicon jam nana co mixita iri'. Mixita ururun oro caxicon jam cocon oro taramaxicon nucucun co taramaxicon to ho' nanain oro ca om awi wa pain macan' ca', cocon oro wari' co ac ca to cacain ca jitacat nein na pain ca ari cocon Iri' Jam ma' quem. Mixita ururun oro caxicon jam co hwara' opa to nanain nanawin cain quem. Wiricoco co mixita iri' ta.

1 Tessalonicenses 2:16

To' i'ina nanaparut pain ca pijim' mi' urut cocon pain capijacon Iri' Jam oro wari' co om judeu nana ma', pain ca to' witan xim nuhu' Iri' Jam ta urut cocon ma'. Je curucucun. Mija pin na ca caracat nucucun. Cote ne pin na cocon. Mana' tamana pin nonon Iri' Jam. Mama' jein cote ne xe ta toton nonon quem.

1 Timóteo 2:7

Je ca wari' ne capa' pain ca apóstolo ra capa' pane. Pijim' hwet mi' roron pain capija oro wari' co om judeu nana ta napa' pane. Je ca na e' ne pain ca pijim' hwet toton pain capijacon Iri' Jam. Na e' na pain ca ca' na toton pain capijacon ca iri'o' con Jeju ta. Om ca mixein ta', tomi' iri'o' ina ta.

2 Timóteo 1:11

Capijacon ca tomi' hwet napari' con Cristo Jeju ca', je ca pijim' ra capa'. Apóstolo ra, tomi' hwet roron pain capija oro wari' napa' pane. Tomi' xo' roron pain oro capija ca iri'o' quem napa' pane.

Hebreus 2:14

Je ca tomi' xuhu' ca'. Wari' cwa', pain ca mana panxita' capari' Iri' Jam cwa', wari' e' iri'. Je ca wari' pin ca Jeju pane quem. An tan pan napari' pain ca wari' nexi'. Ma' ta na capa' pain ca mi' pin wa ta na, ma' ta mam' to' quiji' pin ton pain ca mi' pin ne Caxicon Jam ma', co hwara' opa paxi' pain ca to' cono' taxi' cain ca wari' wa ta na.