Gálatas 1:15 - Tradução Bíblica Pacaas Novos

¹⁵ Ane xiram pa' pan capa' Iri' Jam ne. Wara tora' napa' pain ca pe pe wet tain monocwam na' pane, pain ca om pan' querec ta' pane. Wara taramaja mi' ne ta napa' pane. Om xi tora' capa', xi iri' wari' ta' ta. Ane xiram pa' pan capa' ne. Maqui' pin iri na xec nein

Gálatas 1:15 Iomraidhean Croise

Mateus 11:26

Je ca param nem ma' quem Te. Hohot nem pain ca xiram pa' momon ta na ca tomi' con Iri' Jam.

Lucas 10:21

Tomi' querec te pan ac ca na Jeju. Je Tamataracon Iri' Jam ca ja' tomi' querec te non ma'. Tomi' ac ca na: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'. Je ca param nem ma' quem Te. Hohot nem pain ca an hwet mi' momon pain ta na ca tomi' con Iri' Jam.

Atos 13:2

Ac i ma' ac i ma' nana, cut in ac xucucun na pain ca tomi' xun cocon Iri' Jam. An to xin ca cao' wa, ma' ta momon tomi' e' xun Iri' Jam ta nana, ara ac cacain na. Pain ca tomi' cocon ma', tomi' ho' pan ac cocon na Tamataracon Iri' Jam: An to ni mi' xine con Barnabé con Saulo ma'. Ma' na ca taramaja wa ca ara je toton ta. Ac i ma' na ca tomi' cocon Tamataracon Iri' Jam.

Atos 9:15

Om na ta Ananias ac con na Taramaxicon nexi'. Mo hwet ron Saulo cwain. Wara tora' inon. Mi' ton inon pain ca taramaja mi' capa'. Tomi' hwet tarapa' cocon oro wari' co om judeu nana, wiricoco oro taramaxicon nucucun quem. Tomi' hwet tarapa' cocon oro wari' nein Israel ma' quem.

Romanos 1:1

Paulo ina pain ca xirao' mi' xuhu' ca'. Wari' nucun Jeju Cristo ina pain ca taramaja mi' e' ton ca' quem. Tora' napa' Iri' Jam pain ca apóstolo ra capa' pane, pain ca tomi' hwet rain capija ca tomi' xim ca', tomi' hwet rain capija ca tomi' hwet nuhu' pain ca to' witan xim cuhu' Jeju ta capa' pane quem.

Romanos 1:5

Tomi' hwet jein capija naparut Iri' Jam pane, pain ca taramaja mi' jun Jeju ta caparut pane. Awi tamana na ca taramaja mi' tocwa quem, pain ca tomi' hwet xine capijacon ca'! Wirico Jeju co mi' naparut pain ca taramaja mi' urut con ca'. Ma' ta howa cacapa' oro wari' pain oro xijein macan' ta naparut. Ma' ta tomi' ha' cacapa' quem naparut.

Romanos 8:28

Taxi' irin i ca' quem: Oro carawa ca ara napari' ca', je ca mam' quep xiho' capari' Iri' Jam ta. Mam' quep xiho' quep xiho' pi' pin napari' pain oro carawa ca ara napari'. Pain ca om noc xun Iri' Jam cwa', mam' quep xiho' pan napari' pain oro carawa ca ara napari'. Wara tomi' ca' napari' Iri' Jam: Wari' ne inuhu' ta napari'. Ma' ta aram aram ara tain ca param ne pahu' ta napari'.

Romanos 8:30

Pain ca wara tora' capari' ca', wari' ne napari'. Pain ca wari' ne capari' ca', to' hohot pin napari'. Pain ca to' hohot pin capari' ca', mi' napari' pain ca jao jao ma' xun pain ca awi nucun pain ca hwara' opa nucun ta.

Romanos 9:24

Wari' pan co tora' ca cwa'. Tora' napari'. Tora' naparut pain ca judeu urut ca', tora' nuhu' pain ca om judeu hwe ma' quem.

1 Coríntios 1:1

Paulo ina pain ca xirao' mi' xuhu' ca'. Tora' napa' Iri' Jam pain ca apóstolo ra capa' pane, pain ca tomi' hwet rain capija ca tomi' xim ta capa' pane. Xi om ne ca param mi' ara capa' pain pane. Wata', wirico coxari' Sóstenes, ca' urut pain ca xirao' mi' urut pahu' ca'.

1 Coríntios 1:21

Om ca querec pin' pan ac cocon Iri' Jam oro wari', om ca mam' querec pin' ac cocon pain ca coromicat pan nucucun. Wirico Iri' Jam co narain ho' nonon pain, maqui' nain ximicon pain ca coromicat xo' nucun. Ca' na con: Pijim' ximama' hwe ta paxi' tata co pijim' nanain capija ca'. Je i ma' ira, hohot napa' pain ca pijim' mi' tococwa pain capija oro wari' ta, ma' ta to' witan toton co howa nanapa' ta na.

1 Coríntios 1:24

Wari' pain ca howa xine ta capari' Iri' Jam ca' iri na ne, querec pin' irin ca hwara' opa nucun pain ca to' witan capari' con Cristo. Querec pin' irin ca coromicat xo' nucun pain ca mam' capari' con. Oro wari', warut pain ca judeu urut ca', wahu' pain ca om judeu hwe ma' quem, querec pin' querec pin' pi' pin urun.

1 Coríntios 1:9

To' hwara' opa turuhu' Iri' Jam, xi mixein capari' ta. Ara taxipa' nain oro ca wara tomi' pe nucun. Tomi' nuhu' quem: Jao jao ma' jun Panxita' Jeju Cristo co Taramaxicon ne hwe cwa' nuhu', taxipa' jun ta nuhu'.

1 Coríntios 15:10

Ane xiram pa' e' capa' Iri' Jam ne. Wirico co mi' napa' pain ca pijim' wa capijacon. Xiram pa' napa'. Je ca ha' capa' pain ca pijim' tamana tain capijacon ca'. Taramaja tiquin' ca' inonon oro xucucun apóstolo. Om paxi' na ca wata' ne co taramaja cwa'. Wirico Iri' Jam co xiram pa' napa' pain ca taramaja wi capa' ca'.

Gálatas 1:1

Paulo ina pain ca xirao' mi' xuhu' ca'. Apóstolo ina, xi om ne ca tomi' hwet rain capija ara capa' Jeju Cristo ta. Om ca wari' caca co apóstolo ra nanapa', om ca wari' ca co mi' napa' pain ca taramaja ne pain ca apóstolo ta' ca' quem, om na. Wirico Jeju Cristo co apóstolo ra napa'. Wirico Cotere' Iri' Jam ma', co to' e' mami' non Jeju pane, wirico co apóstolo ra napa' ta.

Gálatas 1:6

Wa inuhu' pain ca an pe hap pin hun Iri' Jam ma', co tora' nuhu' pane. Om xi tora' cuhu', ane xiram pa' e' cuhu' Cristo ne. Je xi om howa ni ca' hwein capijacon Iri' Jam ca tomi' hwet napari' con Cristo quem? Ac ca howa hwein na xijein topac ca tomi' hwet napari' con Cristo ta!

Efésios 1:5

Je ca an pe xo' mi' capari' pain ca coromicat nucun pane. Wara tora' napari'. Mana panxita' xuhu', xi win cwere pin ara hun Jeju Cristo ta napari'. Je ca param mi' xuhu' ca' napari' pane.

Efésios 1:9

Je ca ara pin cain ca wara coromicat an pe xo' ca pane. An hwet mi' ac capari' na pain ca param nucun ca om an hwet querec ca ira. Wirico Cristo tara co ara mi' nuhu' pain napari'.

Efésios 3:11

Wara coromicat xo' ac i ma' na Iri' Jam pain cara pane, pain ca om quep querec cain macan' pane. Ara nain quem, ara pin nain ca coromicat nucun pain ca mam' capari' con Taramaxicon nexi' Jeju Cristo.

2 Timóteo 1:9

Wirico co to' witan napari', wirico co tora' napari', iri' wari' ne napari' quem. Om ca mam' to' witan capari' pain carawa ca awi ca ara xi' paxi' iri', om na. Mam' to' witan napari' pain ca param pan nucun. Mam' to' witan napari' pain ca xiram pa' pan capari' quem. Om xi xiram pa' capari', xi iri' wari' iri' ta. Ane wara xiram pa' qui' capari' pain cara pane ne, pain ca om tomi' ma' pin querec cain macan' pane, wara coromicat an pe xo' mi' napari' pain ca xiram pa' nucun. Main to' witan turuhu' Cristo Jeju cwa' napari', ac i ma' tara ca xiram pa' xuhu' ta napari' pane.

1Pedro 5:10

Ame hwe e', om ta jain jain cara hwe, main pi' pin tara ca jain jain nuhu'. To' hohot pin ac cuhu' tara Iri' Jam. To' hwara' opa turuhu', mi' turuhu' pain ca om naro camain' wa, to' hwara' opa cara ac cuhu' tara. Xi wirico ara ca co xiram pa' taxipa' nuhu'. Wirico co wara param mi' nuhu' pain ca jao jao ma' hun pain ca awi nucun pain ca hwara' opa nucun ca om pi' ra ha' ma', xi om ne ca win cwere ara hun Cristo Jeju ta.