Efésios 6:21 - Tradução Bíblica Pacaas Novos

²¹ Coxari' Tíquico cwa', co om noc ta' cwa', co taramaja mi' xo' non Taramaxicon nexi' cwa', pijim' hwet turuhu' pata'. Taxi' ac mahu' tara pain carawa ca ara napa'.

Efésios 6:21 Iomraidhean Croise

Atos 20:4

Maji ta ac tococwa na oro win ma' ca ma'. Mo nana: Sópatro ma', co wari' nein Bereia ma', co te non Pirro ma'. Aristarco con Secundo ma', co wari' nein Tessalônica nana ma'. Gaio ma', co wari' nein Derbe ma'. Timóteo ma'. Ma' na Tíquico con Trófimo ma' quem, co wari' nein Ásia nana ma' quem.

1 Coríntios 4:17

Je ca mam' xuhu' con Timóteo cwa', co tomi' querec te tamana ta' cwa'. Ac ca panxita' ton na. Taramaja xo' na, tomi' ha' taxipa' non Taramaxicon nexi' quem. To' mam' pe wet turuhu' pain ca xut xo' ne ca', pain ca win cwere ton Cristo Jeju. Je ca ca' na toton pain oro xijein macan' ma' quem, pain ca hwet toton pain ca cut in to xucucun pain ca howa cocon Jeju ma'.

Filipenses 1:12

Je ca tomi' xuhu' ca' xere, taraju pa' jein ca tomi' xuhu' ca'. Oro carawa ca ara napa' pain xirinain ca tao' to tao' to to wa ca', om paxi' na ca to' i'ina capa'. Xi om ne ca pijim' tiquin' ara xine capijacon Iri' Jam ca tomi' hwet napari' con Cristo ta.

Colossenses 1:7

Wirico Epafras co ca' na nuhu' pain capijacon Iri' Jam con Jeju pane. Tomi' querec te tamana urut con Epafras cwa'. Taramaja wi naparut, taramaja xo' na pain ca quep xiho' cuhu' pain ca taramaja mi' con Cristo quem.

1 Timóteo 4:6

Mo ta tomi' hwet main oro ca xirao' mi' xim ca', mo ta tomi' hwet momon pain xerexi' ma'. Mo ta to' hwara' opa xijem pain ca noro tamana main capijacon Iri' Jam ca iri'o' ca'. Mo ta to' hwara' opa xijem pain capijacon Iri' Jam ca pijim' iri' ca', ca wara howa ma ma', ara xo' ac main tara ca taramaja nem pain ca taramaja mi' mon Cristo Jeju.

2 Timóteo 4:12

Mao rain Éfeso inon Tíquico.

Tito 3:12

Mam' ho' xim con win ma' ne cwa'. Am Ártemas cwa', am Tíquico cwa', hwet ron Tito ta ton pum. Wa' mao iri tara ne, mao hap ac main tara xijein cidade ma', Nicópolis ma'. Je i cain tara ca mam' pe mapa' ta. Maqui' ta' iri tara oro xec ca xio tamana ne, mao ac tain tara Nicópolis, mon to wet ac tain tara i cain, cawaxi' pa' pe ac capa' tara pain i cain.

Filemom 1:16

Om ta pe ho' cara e' quem, pain ca taramaja mi' quem ma'. Pe ho' cara terem, xi om ne ca aji' pin ara quem con Cristo ta. Xa' pin mon quem, tomi' querec te tamana ac xujuhu' tara ta. Tomi' querec te tamana inon pain ca xa' pin ton ca'. Wum iri na ne, pain ca xa' pin mon pain ca howa wi hun Cristo ma', je ta tomi' querec te tamana mip qui' mon ta.

1Pedro 5:12

Wirico coxari' Silvano co quep xiho' napa' pain ca xirao' mi' wijimain e' xuhu' ca'. Taxi' inon pain ca win xumu cain ca taramaja nucun pain ca taramaja mi' con Iri' Jam. Je ca tomi' xuhu' pain ca xirao' mi' xuhu' ca', to' hwara' opa xuhu' pain xumuhu' ta inuhu'. Tomi' hwet inuhu' pain ca quep xiho' iri'o' cuhu' Iri' Jam ma', pain ca xiram pa' e' cuhu' ma'. Hwara' opa cara je pain ca howa hun pain quem.

2 Pedro 3:15

Mam' pe wet jun Taramaxicon Iri' Jam ma', pain ca winim' cara cocon oro wari'. Ma' ta ha' cocon pain ca witan ca' cacain ca wap wa ta tata. Ac i ma' na ca xirao' mi' cuhu' cwajiri' Paulo ma', co tomi' querec te iri' ma'. Wirico Iri' Jam co mi' non pain, xirao' mi' ac cuhu' pain na quem.