Efésios 5:9 - Tradução Bíblica Pacaas Novos

⁹ To pin iri irin xec ne, awi ac iri' na. Iri' wari' ac iri' na. Iri'o' ac iri' na quem.

Efésios 5:9 Iomraidhean Croise

Mateus 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' nuhu' pain ca caracat nuhu' ta.

João 1:47

Querec iri non Natanael Jeju pain ca maqui' ca ne, tomi' ac ca na: Wirico co ma' wari' nein Israel co xut xo' ma'. Om ca mixein camain' ca na ca tomi' ca ma'.

Romanos 15:14

Taxi' inuhu' pain ca xuruxut xo' tamana hwe quem xere. Taraju pa' tamana hwe, hu taxi' xujuhu' quem.

Romanos 2:4

Wa inem me. Ac ca coromicat ca' ma na: Xiram pa' tamana napa' Iri' Jam ta. Winim' cara napa'. Om ta wap hap capa', ac i ma' tara ca coromicat pan tem nem ra? Cain' cain' xima quem? Winim' cara paxi' nem. Je xi querec pin' mon pain ca awi nucun pain ca om wap hap quem ma' quem? Xiram pa' e' nem. Ma' ta cwirin' pin ma ta nem.

Efésios 4:15

Om ta pijim' pan teretem ac i ma' xijexi'. Pijim' hwet e' xijexi' pain oro ca iri'o' wa con Iri' Jam. An hwet pe xin ca om noc xijexi' pain ca pijim' nexi' quem. Ca horon horon ac iri' tara, ca horon horon ac iri' tara, horon pin ac iri' tara con Cristo co ac winaxi' pain ca curucun pin iri' ca'.

Efésios 4:25

Je ta tomi' mixein maho' qui' xujuhu' quem. Tomi' iri'o' tomi' iri'o' xam' xujuhu' pain ca win ma' ne xujuhu' ma'. Xi om ne ca xica' pe pin ara ne ximixi' pain ca curucun Cristo iri' ca'.

Efésios 6:14

Awori to je. Ac ca cut hwein tara oro ca mam' narain ho' xujuhu' pain ca mixita hun Caxicon Jam. Noro jun soldado co cut xo' nain oro ca mam' narain ho' xucun pain ca mixita con wari' co noc non ma'. Tucu na pain ximijacon cinturão nucun. Je ca mam' to' hwara' opa pan xucun. Ac i ma' je pain ca iri'o' e' hwe ma' quem. Ta mixein camain' hwe me ta. Xuruxut xo' je, ara e' jein ca param nucun Iri' Jam ta. Na ac cuhu' tara pain ca narain ho' xujuhu' con Caxicon Jam. Ac i ma' na soldado pain ca pe cain arain too ca pe caho' nain quimacon je waracon ma' quem. Na ac con na pain ca nain ho' xucun.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Colossenses 3:18

Tomi' inuhu' pain ca narima' hwe pain ca ma' cuhu' tarama' ma': Tomi' ha' jujun taxuhu'. Hohot ara xi' na pain ca tomi' ha' huhun ma', xi om ne ca win cwere ara hun Taramaxicon nexi' ta.

1 Timóteo 6:11

Ac i ma' nana oro wari' co param ximama' nanain dinheiro. Wum iri na ne, wari' nucun Iri' Jam ma. Mo ca' rain oro ca ara nucucun co om awi camain' nana. Win xumu e' rain carawa ca hohot non Iri' Jam. Xut xo' ra pain ca win xumu e' main ca param nucun quem. Howa cara ron Cristo Jeju. Tomi' querec te cara roron oro wari'. Quereme rain oro ca to' i'ina nem. Tomi' wixite roron oro wari'.

Hebreus 1:8

Ane tomi' ca' ca con Panxica ne: Iri' Jam ma, taramaxicon cara ra. Om ta pi' ra ha' ne ca taramaxicon nem ma'. Taramaxicon xo' ma pain ca taramaxicon hwara' opa pe ho' momon oro wari' nem ta.

Hebreus 11:33

Howa nonon Iri' Jam. Je ca ma' caca co mixita nonon oro tatirim, to' quiji' pin ac cocon na quem. Ma' ac caca na xucucun co ara xo' nana pain ca taramaxicon to ho' cocon oro win ma' caca. Ma' ac caca na xucucun co cut nanain oro ca wara tomi' pe mi' pan cocon Iri' Jam. Ma' ac caca na xucucun co to' om pin nanain ca hwara' opa nucun copacao'. Om ca ha' mami' con pain ca cao' con wari' quem.

1João 2:29

Wara taxi' hun pain ca ara xo' nucun ma', pain ca hohot con Iri' Jam pain oro ca ara nucun. Je ca taxi' hwein i ca' quem: Oro wari' co ara xo' taxipa' nana ma', pain ca hohot cocon Iri' Jam pain oro ca ara nucucun ma', wiricoco co mana panxica Iri' Jam nana quem.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.