Efésios 5:6 - Tradução Bíblica Pacaas Novos

⁶ Ta tomi' mixein cuhu' wari' co tomi' ximao nuhu' ma' me, pain ca hohot na pain ca ara hwein i ma' ta cuhu' ma'. Oro wari' co om tomi' ha' nonon Iri' Jam ma', co ara ximama' nanain oro ca om awi wa ma', wap totoron Iri' Jam ta.

Efésios 5:6 Iomraidhean Croise

Mateus 24:4

Om na, ma' tara xumuhu' me ac caparut na. Ta howa huhun oro wari' co mixein xim nunuhu' pain oro carawa ca maqui' ta' ma' me.

Marcos 13:5

Om na, ma' tara xumuhu' me ac tococwa na. Ta howa huhun oro wari' co mixein xim nunuhu' pain oro carawa ca maqui' ta' ma' me.

Romanos 1:18

Je ca tomi' xo' capari' Iri' Jam cwa': Mana' inonon oro caracat, wap inonon ta na. Wap inonon oro caracat co miri'om nanapa' ma', co pan teretem nana ma' quem na. Wap wap xam' inonon oro wari' co pan teretem nana, co to' i'ina nonon oro win ma' caca pain ca taraju xin paxi' cacain capija ca iri'o' ca' na quem.

Colossenses 2:18

Oro co hohot urut xi' ma nana pain ca in ac cocon oro jam co taramaja mi' nonon Iri' Jam ma', tomi' ca' nunuhu': Win ne ca tohwein' urut ca' nana, tomi' hwet tomi' hwet ac cucuhu' na pain oro coximinain ca tohwein' nucucun ma'. Mo ta om tomi' ha' hwein ca tomi' hwet urut pahu' ca', om ta witan hwe ta nunuhu'. Je ca tomi' xuhu' cocon: Miri'om jujun. Xec xec ximama' e' nana, xi om ne ca coromicat an xiho' ara cacain ca wari' wa ta.

Colossenses 2:4

Tomi' ac i ma' inuhu', ma' ta om howa huhun co ac ca iri'o' xi' ca' tara me nana pain ca tomi' ximama' nucucun pain ca tomi' tomi' na xun paxi' cucuhu' ma'.

Colossenses 2:8

Ma' tara xumuhu' me. Ma' ta om cuc cuc cucuhu' oro co tomi' tomi' na xim nunuhu' ma', pain ca pijim' pijim' camara' pin xim cucuhu' pain ca coromicat pan teretem nucucun je pain ca pijim' mixein nucucun ma'. Oro ca pijim' ximama' nucucun ma', maqui' nain ca coromicat pan nucucun oro wari'. Maqui' nain oro ca howa ximama' nucucun pain macan' ca'. Om ca maqui' con Cristo.

Colossenses 3:6

Ta ara ac i ma' camain' hwe me ta, xi om ne ca wap xun ara tococwa oro wari' co om tomi' ha' ac i ma' nana ta. Iri' Jam pan tara co wap toton nonon.

2 Tessalonicenses 2:3

Om ca na camain' ne pain ca howa hun wari' co tomi' mixein ac i ma' nuhu'. Xi iri'o' ne ca tomi' nucun ta. Om ta maqui' hap ne xec nein ca in qui' ta' nucun Jeju ta. Maqui' cain' tara oro xec pain ca ari tamana cocon Iri' Jam oro wari'. Mija pin iri tatara co an to pin nanain ca howa wa ne, ane ane maqui' ac ca tara xucun wari' co iri' waximain ca caracat wa. Iri' caxicon wari' tara. Main xin mi' pan toron pain cote ne xe Iri' Jam ta, ame hwe e'.

Hebreus 13:9

Je ca tomi' xuhu' ca'. Ta xin ne huhun oro wari' co pijim' ximama' nunuhu' me, pain ca pijim' jimama' ca' cacain capijacon Iri' Jam ma'. Ta howa huhun pain me. Xiram pa' iri napari' Iri' Jam ne, je ca quep xiho' capari', je ca to' hwara' opa capari' pain iri' ximixi' ca'. Om ca to' hwara' opa capari' ca tomi' ha' ximama' xuxun oro wari' co hu nanapari' pain oro carawa ca cao' wa. Cao' e' jein i ca' ta, ta cao' hwein i ma' me ta nanapari'. Om ca quep xiho' camain' tococwa oro wari' co tomi' ha' nanain ca hu ximama' nucucun ta.

Hebreus 3:19

Je ca taxi' xuxun pain ca om tan' mama' ac caca pane. Xi howa je na caca ta.

1Pedro 2:8

Ma' na xijein capijacon Iri' Jam ca xirao' pe xine quem: Co ma' co an xiho' nain pacun ca noc caca ma', an xiho' nain pacun ca xut tao' pan' non wari' ma' quem. Ac i ma' na ca xirao' pe nein ma'. Je ca tomi' xuhu' ca': Xuruxut tao' pan' camara' tata co om howa nana ma', xi tomi' ha' cacain capijacon Iri' Jam ca pijim' hwet tococwa ma'. Wara coromicat an pe xo' mi' ara xi' nonon pain ca camara' wa Iri' Jam ta.

1João 4:1

Je ca tomi' xuhu' pain ca tomi' querec te xuhu' ca'. Ta howa ximama' huhun oro wari' co pijim' nunuhu' me ta. Taraju wet xo' jujun, tomi' querec jujun pain ca pijim' nucucun. Am maqui' con Iri' Jam ca coromicat nucucun ma', am maqui' pan nein ximicocon ca coromicat nucucun ma', tara cocon ta. Je ta coromicat xo' qui' hwe cocon, xi om ne ca mija ara caca co tomi' hwet mixein nonon pain capijacon Iri' Jam oro wari' pain oro xijein macan' ma'.