Efésios 5:4 - Tradução Bíblica Pacaas Novos

⁴ Ta tomi' hwein caji topac me. Ta tomi' ximama' hwe me. Ta tomi' ximama' tatam' pin huhun oro wari' pain carawa ca om awi hwe ta. Om ca hohot ne i ma' pahu'. Ta ac i ma' hwe me. Tomi' querec te pan e' jun Iri' Jam pain oro carawa ca mi' cuhu' ma'.

Efésios 5:4 Iomraidhean Croise

Marcos 7:22

ca param ximama' wa ma', ca pan teretem ximama' wa ma', ca mixein wa ma', ca tamanain to wa pain oro ca quep ximama' wa ma', ca noc wa wari' ma', ca tomi' napat wa ma', ca xec xec wa ma', ca om coromicat xo' wa ma'.

João 6:23

Ma' ac ne na oro wirain mam' horoho wa ca maqui' nain Tiberíades ma' quem. Piri' to xin i ma' ta ac caca na oro wari' nein, piri' to ja' pan ac cacain na ca cao' to cacain capam' oro wari' cara ne, ca tomi' pe qui' con Iri' Jam pain ca tomi' querec te urut pum pain capam' ca' quem Te qui' ca pane.

Romanos 1:28

An to pin xun Iri' Jam, om ta mam' pe wet mami' xun ta nana. Je ca pin caca ma' ne tococwa pane. Wirico Iri' Jam pan na co pin caca ma' ne nonon pane. Coromicat pan teretem cara je ta ac tococwa na. Ara cara jein oro ca om awi wa ta ac tococwa na quem.

2 Coríntios 1:11

Na e' na pain ca quep xiho' maparut quem. Tomi' mi' xut con Iri' Jam me. Mija ac caca tara co tomi' querec te nonon Iri' Jam parut, tomi' querec te totoron pain ca quep xiho' caparut ca', je pain ca ha' cocon pain ca tomi' mi' caparut con quem.

2 Coríntios 9:15

Je ca tomi' xuhu' ca'. Tomi' querec te xun Iri' Jam pain ca xiram pa' e' capari' ca', pain ca mi' e' capari' pain ca param nucun. Awi tamana na, om ca tomi' ac xine ca awi tamana nein ta.

Efésios 1:16

Om ca pi' ra ha' ne ca tomi' querec te xuhu' ca'. Tama' an hwet mi' inon pain ca tomi' querec te ne Iri' Jam pahu'. Tama' tomi' mi' inuhu' con quem.

Efésios 4:29

Ta tomi' xirac camain' hwe me. Tomi' xo' e' je. Ma' ta to' hwara' opa huhun oro win ma' nuhu' pain carawa ca to' i'ina nonon ma'. Ma' ta quep xiho' huhun oro wari' co taraju nunuhu' ma' quem.

Filipenses 4:6

Ta toron camain' ne xumuhu' pain oro carawa me. Tomi' hwet e' jun pain Iri' Jam ta. Tomi' xun iri hun ne, tomi' hwet tomi' hwet pi' pin ac hun tara pain. Xiram pa' xut pain jun. Tomi' querec te jun pain ca xiram pa' xut pain hun quem.

Colossenses 3:8

Ane na e' ne pain ca an to an to pi' pin hwein oro i ca' pain xocori ca' ne. Mo na: Oro ca mana' wa, oro ca hwerehwet ne ca mixita wa, oro ca pan teretem wa, oro ca tomi' napat wa, oro ca tomi' xine caji topac ca om hohot ma' quem, an to an to pi' pin jein.

1 Tessalonicenses 3:9

Om ca ha' caparut pain ca tomi' hwet tomi' hwet pi' pin urut con Iri' Jam nexi' pain ca tomi' querec te nuxut ca' pahu', xi mija ara ne ca tomi' querec te urut con pahu' ta.

1 Tessalonicenses 5:18

Tomi' querec te jun pain oro ca ara nuhu' ma' quem. Mo ta hohot cuhu' oro carawa ma', mo ta om hohot cuhu' ma' quem, je je ari na. Tomi' querec te jun pain Iri' Jam. Je ca param mi' cuhu' ma', pain ca win cwere hun Cristo Jeju ma'.

Filemom 1:8

Je ca tomi' xim ca'. Hohot paxi' na pain ca tomi' ha' ne ta xim pain ca tomi' xim xim ca'. Wirico ara xi' na Cristo co mi' napa' pain ca hu xim xim ca'.

Hebreus 13:15

Je ca tomi' xuhu' ca'. Tomi' querec te cara xun Iri' Jam ma', pain ca tama' awi ma awi ma xun ca'. Wirico Jeju co mi' napari' pain ca tomi' querec te ac i ma' xun ca'. Ac ca mi' xun pain carawa ca awi ma' tara pain ca tomi' hwet xun pain ca tomi' querec te nexi' ca', je pain ca wum co iri' Taramaxicon ne urut cwa' xun quem.

2 Pedro 2:18

Xi tomi' xec xec ximama' ara cocon oro co witan ca' xun paxi' nonon oro win ma' caca co pan teretem nana ma'. Hohot na pain ca ara hwein ca param ximama' ne curuhu' ta tata.

2 Pedro 2:7

Ane to' witan tocwa Ló ne, co ara xo' taxipa' pane. Toron tamana na ximicon cocon oro win ma' ca co om ximicocon pane, co quep ximama' e' nana pain ca om tomi' ha' nucucun.

Judas 1:10

Oro wari' co caracat nana pain ca miri'om cocon Iri' Jam ma' iri nana ne, tomi' napat ximama' ac cacain na oro ca om taraju pa' pan caca ma'. Ma' paxi' na oro carawa ca taraju pa' paxi' caca pain ca an xiho' cacain oro carawa nein mi ca om ximi ma'. Je i ma' ca mam' to' em' pan xucucun ta.

Judas 1:13

An xiho' nanain cote ne com ma', pain ca wap tamana ne com pain camana' ma'. Wap iri na ne, an to pin ac nein na oro homirinain pain ca toroto nein pain cacarain com pain namaji. Ac i ma' nana caram ma' quem, xi om ne oro ca pan teretem nucucun ta. Wixipa' xirara. An xiho' nonon oro pijo' co ac ni ca' nain wanaxicon quem. Wara coromicat an pe mi' tata pain ca jitacat tamana nein xim ta. To cara ac cacain i cain tara ta.