Efésios 5:21 - Tradução Bíblica Pacaas Novos

²¹ Tomi' ha' caracan xujuhu', xi om ne ca in ac ara hun Cristo ta.

Efésios 5:21 Iomraidhean Croise

1 Coríntios 16:16

Tomi' ha' jujun oro wari' co an xiho' nonon pain ca taramaja nucucun me. Tomi' ha' jujun oro xucucun co taramaja wi nonon quem.

2 Coríntios 5:11

Je ca tomi' xuhu' ca'. Taxi' urut con Taramaxicon nexi' pain ca na e' ne pain ca in ac tocwa pain ca tomi' ha' tocwa ca'. Xi om ne ca tomi' querec xim capari' pain oro ca wara ara nexi'. Je ca tomi' mip urut cocon oro wari' cwa', pain ca howa jun Cristo taxipa' urut cocon ca'. Querec pin' naparut Iri' Jam, querec pin' naparut pain ca coromicat xo' nuxut pain ca howa xirara na urut cocon oro wari' cwa'. Param urut pahu' pain ca querec pin' maparut pain iri' xumuhu' ma' quem, querec pin' xiraraparut pain ca coromicat xo' nuxut na urut pahu'.

2 Coríntios 7:1

Je ca tomi' urut pahu' pain ca tomi' querec te urut pahu' ca'. Tomi' ac i ma' napari' Iri' Jam pain ca tomi' an pe mi' capari' pain ca tomi' nucun ca'. Na e' na pain ca an to pin xin oro ca to' pan teretem napari' pain cwerexi', je pain ca coromicat nexi' ca'. Na e' na pain ca tomi' ha' xun pain ca in ac xun quem. Win xumu xun pain ca to' hohot pin xim capari' ca'. Ca win xumu ac xun tara, ca win xumu ac xun tara, to' hohot mip ac capari' tara quem.

Gálatas 5:13

Je ca tomi' xuhu' ca' xere. Howa xine nuhu' Iri' Jam. Ma' ta witan ca' hwein ca tomi' ha' cara wa ca xirao' nucun Moisés pain ca witan xi' wa ta nuhu'. Ane om ha' ne pain ca coromicat ca' hwe ne: Ara ximama' xin oro ca param nexi' ca', xi om ne ca witan ca' ara xin ca tomi' ha' cara wa ca xirao' nucun Moisés ma', ta coromicat ac i ma' camain' hwe me ta. Quep xiho' caracan e' xujuhu' pain ca om noc cara xujuhu' ta.

Efésios 5:22

Tomi' inuhu' pain ca narima' hwe ma', pain ca ma' cuhu' tarama' ma'. Tomi' ha' tomi' ha' xam' jujun waram taxuhu'. Ac ca tomi' ha' hun Taramaxicon nexi' ma' tara pain ca tomi' ha' hun ma'.

Efésios 5:24

Je ca tomi' xuhu' quem oro narima': Tomi' ha' jujun waram taxuhu', tomi' ha' jujun pain iri' xumuhu'. Win ne ca tomi' ha' xun Cristo pain ca howa xun ca'.

Filipenses 2:3

Ta win xumu e' hwein ca param nuhu' pain oro ca xuruxut nuhu' me. Ta coromicat ca' hwe me: Querec pin' tatarapa' oro wari' pain ca xut xo' ne ta, ta coromicat ac i ma' camain' hwe me ta. Ta xec xec hwe me. Coromicat ca' je: Awi ca' nanapa' oro win ma' ne cwa', ac i ma' tara ca coromicat nuhu' ta.

1 Timóteo 2:11

Na e' na pain ca tacana to cacama oro narima' pain ca ca' na tacacama pain capijacon Iri' Jam ta. Taraju e' tatara, tomi' ha' totoron co pijim' nana ma'.

1 Timóteo 3:4

Querec wet xo' taxi' tataram mana panxica cam jicacam mana panxica. Hu taxi' tataram quem. Ma' ta tomi' ha' pan cocon. Ma' pan tara ximicacam, om ta tomi' ximama' cacama.

Hebreus 13:17

Tomi' ha' jujun co querec wet nunuhu' pain ca hu cucuhu' ma'. Ta tomi' in pin huhun me. Wiricoco ara xi' nana co querec wet xo' nunuhu' pain ca howa nuhu' ma', xi taxi' pan ara xucucun pain ca maqui' ta' ne xec nein ca coco' quima hwet xun cocon Iri' Jam ma', pain ca tomi' hwet xun cocon pain oro ca taramaja nucucun pain ca querec wet cucuhu' ta. Je ca tomi' xuhu' ca'. Tomi' ha' jujun, ma' ta ara tomi' querec te cacain ca taramaja nucucun ta. Mo ta om tomi' ha' huhun, mo ta ara tomi' xaxa' e' cacain ca taramaja nucucun pahu', om ta quep xiho' ac cucuhu' ta.

1Pedro 2:13

Tomi' ha' tomi' ha' pi' pin jujun oro co taramaxicon to ho' nunuhu' pain macan' ca'. Je ca param mi' cuhu' Taramaxicon nexi'. Tomi' ha' jun rei co iri' taramaxicon ma' quem, xi wirico ara ca co hwara' opa tamana tiquin' ca' nonon oro xucucun taramaxicon pain macan' ca'.

1Pedro 2:17

Tomi' xo' tomi' xo' pi' pin jujun oro wari'. Tomi' querec te xujuhu' pain ca xere xujuhu' ma'. In ac jun Iri' Jam, tomi' ha' jun pain ca ara e' hwein ca param nucun. Querec pin' jun rei co iri' taramaxicon ma', co hwara' opa tamana ma'.

1Pedro 5:5

Tomi' mip inuhu' pain ca xo' horon hwe ma' quem. Tomi' ha' jujun oro co wara tiquin' mama' cawaxi' nucucun ma'. Tomi' tomi' pi' pin inuhu', an hwet mi' xujuhu' pain ca om xec xec nuhu' ta, xi xirao' pe ara xine pain capijacon Iri' Jam ta. Ca' na ca xirao' pe nein: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam.