Efésios 5:11 - Tradução Bíblica Pacaas Novos

¹¹ Ta caracat wi hwe cocon oro wari' co to nanain ca jitacat nein ma', co pan teretem ximama' nana ma'. Pan to' jein taraxicocon pain ca pan teretem nucucun. Querec pin' ac tococwa tara.

Efésios 5:11 Iomraidhean Croise

Mateus 18:15

Tomi' ac caparut na: Mo ta ma' ca co win howa hwe co caracat ma', tomi' inem pain ca ara cup quem co win howa ma ma'. Hwet ac mon tara, tomi' xo' ac mon tara pain ca em' nucun. Xica' to je, om tara win ma' hwe. Mo ta ha' quem, mo ta cwirin' pin ca, ha' pin ac cuhu' tara pain ca tomi' querec te mami' xujuhu' pain ca xere xujuhu' ma'.

Lucas 3:19

Pan to' nain taraxicon Herodes ma', co taramaxicon ma'. Xi om ne ca an pin ara cam Herodias ma', co narima' ne ca coxa' ca ma'. Ma' na oro xijein ca om awi wa ca ara ca quem, je ca pan to' cain taraxicon.

Atos 26:18

Ac ca to' querec pin momon tara pain tococon ma', ma' ta querec pin' cacapa'. Ac ca to' xuruxut ni ca' momon tara pain ca jitacat nein ma', pain ca xuruxut pin xin cacain naran ne ca', pain ca an to pin xin cacain ca caracat nucucun ma' quem. Taramaxicon pe ho' taramaxicon pe ho' om pin ac cocon tara Caxicon Jam, taramaxicon pe ho' pin ac cocon tara Iri' Jam ma' quem. Howa iri tatarapa' ne, xic am pin ac tococwa tara pain ca caracat nucucun, aram aram mi' mi' ac tococwa tara pain oro ca param nucun Iri' Jam ca cut to xo' mi' xun tococwa pain oro wari' nucun co to' hohot pin ca ma'. Ac i ma' na ca tomi' capa' Jeju pane.

Romanos 13:12

Ac ca xim pin ne na pain macan' ca', xi om ne ca pan teretem ara caca oro wari' ta. Ane wara pi' pin ta' ne xim ne. Ac ca wara xec pin ta' ne na quem, xi in qui' ta' ara ca Cristo ta. Je ta maho' qui' xin oro ca pan teretem wa ca ara towa taxipa' caca oro caracat ma'. Noro jujun oro soldado co to nonon womicocon ma', pain ca mixita xi' caca pain oro xec. Mam' mixita xin oro ca pan teretem wa pain naran nucun Iri' Jam quem.

Romanos 16:17

Tomi' ca' inuhu' pain ca hu xim xuhu' ca' xere. Ma' tara xumuhu' cocon oro wari' co ja' teretem nunuhu' pain ca ja' coromicat ni xujuhu' ma'. Querec jujun oro wari' co ja' caracat nunuhu' pain ca ja' howa pan teretem pin xim cucuhu' ma' quem. Ma' tara xumuhu' cocon oro wari' co tomi' in pin nanain capijacon Iri' Jam ca ca' na xihwe pane quem. Mo mo to ca' jujun ta.

Romanos 6:21

Cain' ca quep xiho' cuhu' oro ca pan teretem nuhu' pane quem? Xi quep xiho' cuhu' pane ta. Wixipa' pin hwein pain xocori ca'. Je ca tomi' xuhu' ca'. Oro ca pan teretem wa ca', to' cono' e' nain ca wari' wa ta.

Gálatas 6:8

Ac i ma' iri' pain ca wari' nexi' pain ca xuruxut nexi' quem. Mo ta oin' e' xin ca pan teretem wa pain ca ara e' xin ca param ximama' pan nexi' ca', cut ac xin tara ca cono' wa pain ca wap capari' Iri' Jam. Mo ta oin' xin ca xuruxut xo' wa pain ca tomi' ha' e' xin Tamataracon Iri' Jam ma', cut ac xin tara ca e' cara wa. Je Tamataracon Iri' Jam tara ca mi' xim napari' pain ta.

Efésios 4:22

Ca' na ca tomi' urut pahu' pane: An to pin jein wara curuhu' ca ara taxipa' hwe pain ca om howa querec hun Iri' Jam pane. Oro ca param ne wara curuhu' ma', mixein nuhu'. To' em' nuhu'.

Efésios 5:12

Xi awi camain' ne ca pan teretem nucucun ca ara noc xa caca ta. Om ca tomi' ac xine. Wixipa' xixi'.

Efésios 5:7

Je ta om taxipa' camain' huhun oro wari' co ara ac i ma' nana ta.

Colossenses 1:12

Ma' ta tomi' querec te hun Cotere' quem urut pahu'. Wirico pan co to' hohot napari', pain ca main mi' xim xuhu' pain oro caramaju ca wara tomi' pe mi' xuhu' ca' capari' pain ca wari' ne capari' ca'. Ame hwe e', main cut xin irin pain pawin cain, ca toha pe ne naran nucun cain.

1 Tessalonicenses 5:7

Xi ma' ne ximicocon oro wari' co om querec nana ma', co ac ca pi'am caca na. Ac ca pi'am towa caca na pain xim. Oro wari' co ara e' nanain ca param pan nucucun ma', pain ca toc tamanain to cacain comi uva ca mana' ma', ac ca toc tamanain to cacain na pain xim ma'. Om ca querec pin' cacain carawa ca maqui' pa' toton nonon.

2 Tessalonicenses 3:14

Mo ta ma' ca win ma' nuhu' co om tomi' ha' naparut pain ca hu urut con pain ca xirao' nuxut ca', pain ca taramaja xo' ra urut con ca', tomi' hwet jein wixicon pain ca cut in xujuhu' ma'. Om ac ne tara ca taxipa' hun ma', ma' ta wixipa' pin ca pain ca om taramaja xo' nucun.

2 Tessalonicenses 3:6

Tomi' mip xim urut pahu' pain i ca' quem xere. Wirico Taramaxicon nexi' Jeju Cristo co mi' naparut pain ca tomi' mip ca' urut pahu' ca': To ni ca' jujun oro xerexi' co jam' curucucun ma', co om taramaja je na nana ma'. Om ca tomi' ha' cacain ca tomi' nucun Jeju Cristo ca an xin tiquin' mi' urut pahu' pane, pain ca tomi' ac i ca' napari' Jeju Cristo ta urut pahu' pane.

1 Timóteo 5:20

Mo ta iri'o' ne pain ca caracat ca ma', na e' na pain ca tomi' mon pain taraxicon. Taraju tatara co howa nonon Jeju pain ca cut in xujuhu' ma', taraju tatara pain ca tomi' mon pain taraxicon. Ma' ta jin' caca, ma' ta om win ca ne cocon ma'.

1 Timóteo 5:22

Mo ta ma' ca wari' co querec pin' paxi' ma ma', pain ca hohot ne pain ca querec wet cocon oro co howa nana ma', ta quep hap main winacon pain ca tomi' xo' mon pain ca taramaja nucun me. Querec pin' cain' ron pain ca xut xo' nucun. Mo ta tomi' xo' mon pain ca taramaja wa pain ca ma' con ca caracat wa ma', ac ca caracat wi ma con tara. Ma' tara xumum me. Pe ni ca' rain oro ca caracat wa me. Om ca na camain' ne pain ca hwet ne wuxum ta.

1 Timóteo 6:5

Tama' teretem caracan ac xucucun na, xi em' pin ara ne ca coromicat nucucun ta. Om ca coromicat xo' taxi' mami' caca. Om ca taraju pa' mami' ac cacain capijacon Iri' Jam ca iri'o'. Coromicat ca' nana: Pain ca ac ca xut xo' ta' ca', pain ca pijim' ta' ca', caramaju tamana ac ta' tara ta na ca coromicat pan teretem nucucun.

2 Timóteo 3:5

Howa urut con Iri' Jam paxi' tatara pain ca ara xin urut pain carawa ca hohot non ta caca ma'. Ane om iri'o' xi' caca ne. Om ta ha' je na cacain Tamataracon Iri' Jam pain ca mam' to' xucun wari' ton cocon pain ca hwara' opa nein. Je ca tomi' xim ca': Miri'om pan roron oro wari' co ac i ma' nana ma'. Ta wixicam camain' momon me ta.

2 Timóteo 4:2

Pijim' mi' roron pain capijacon Iri' Jam oro wari'. Am taraju wet xin cacain, am om taraju wet xin cacain. Je i ma' ira, wara awori xo' ra pain, pijim' mi' roron pain. Mo ta caracat caca, tomi' roron pain taraxicocon pain ca pan teretem nucucun. Cwirin' jein ta roron. Hu roron, tomi' pan hot roron pain ca pijim' momon pain capijacon Iri' Jam ma'.

Tito 2:15

Je ca tomi' xim ca'. Pijim' mi' roron pain oro ca tomi' ne oro wari' co howa nonon Jeju pain Creta ma'. Hu roron pain. Tomi' rain taraxicocon quem. An hwet mi' roron pain ca hwara' opa ne capijam pain ca tomi' momon quem. Tomi' mip roron. Om ca na ne pain ca miri'om quequem ta.

Apocalipse 18:4

Taraju ac tain na xijein ca tomi' wa ca maqui' nain pawin. Tomi' ac ne na: Wahu' pain ca wari' ne xuhu' ca', taraju wet xine. Paca' jein Babilônia ma'. Ma' ta om caracat wi hwe cocon pain ca pan teretem nucucun oro wari' co to nanain ta inuhu'. Ma' ta om wap wi xihwe pain ca camara' hwet cocon oro ca xirac wa ta inuhu'.