Efésios 5:10 - Tradução Bíblica Pacaas Novos

¹⁰ Je ca tomi' xuhu' ca': Ara xi' iri jein carawa ma' ne, tomi' querec mam' ac xujuhu' tara: Hohot toron Taramaxicon nexi' pain ca ara xin i ca' ra, ac i ma' xujuhu' me. Ma' ta taxi' hwein carawa ca hohot non Taramaxicon nexi' ta.

Efésios 5:10 Iomraidhean Croise

Romanos 14:18

Mo ta tomi' ha' ac i ma' xun Cristo, hohot ac xun tara Iri' Jam. Hohot hwe ta ac cacapari' tara oro wari' quem.

Filipenses 1:10

Ma' ta querec pin' cacain iri' ca xuruxut xo' wa ta inon pahu'. Ma' ta om pan teretem caca, ma' ta om ma' camain' cocon oro ca to' em' nonon pain xec nein ca aram aram in qui' ta ca Cristo ma' inon pahu'.

Filipenses 4:18

Je ca tomi' xuhu' ca'. Epafrodito cwa', mi' napa' pain carawa ca mam' mahu' con. Cut mi' cut mi' pi' pin napa' pain, moin' pin napa' quem. Ma' pin napa' oro carawa ca param ta', ma' tiquin' ca' napa' pain ca param ne. Carawa ca mam' mahu' ca', mi' pan hun pain Iri' Jam quem. Hohot tamana non pahu', tomi' querec te tamana nuhu' pain quem.

Colossenses 1:10

Tomi' mi' ac i ma' urut pahu' con, ma' ta xuruxut xo' hwe pain ca howa hun Taramaxicon nexi' ma'. Ma' ta hohot hun pain oro ca ara hwe ma', pain ca ara cara hwein oro ca awi wa ta urut pahu'. Ma' ta horon horon tiquin' hwe pain ca querec pin' hun Iri' Jam ta urut pahu'.

1 Tessalonicenses 5:21

Ta tomi' napat hwein ca pijim' nucucun me. Na e' na pain ca coromicat xo' hwe pain ca tomi' querec xujuhu' pain oro ca pijim' wa ma'. Am an xiho' nein iri' capijacon Iri' Jam ca wara pijim' xihwe ma', am om an xiho' nein. Mo ta querec pin' hwein pain ca maqui' con Iri' Jam ma', awi na ta ac hwein tara, howa ac hwein tara ta.

1 Timóteo 2:3

Awi na pain ca tomi' ac i ma' xun Iri' Jam co to' witan napari'. Hohot non ta.

1 Timóteo 5:4

Mo ta ma' cacama humaxicacam cacam waram winacacam ma', wiricacam pan tatara co querec wet nanam. An hwet tatarain ca howa nequequem pain ca tomi' ha' cocon Iri' Jam ma', pain ca querec wet taxi' cain' cacam oro ca nari nequequem ma'. Je ca hohot con Iri' Jam ta. Querec wet iri tataram waram jicacam cacam mana copa' cacama cacam mana cojeo' cacama ne, ac ca pagar in hwet cacam na pain ca wara querec wet pan tacacama pain ca hwijima' nequequem pane.

Hebreus 12:28

Je ca na e' ne pain ca tomi' querec te xun Iri' Jam cwa', xi mi' xim ara capari' pain ca to ho' cara xun pain ca taramaxicon pe ho' xim capari' ta. Om ta pi' ra ha' ne quem. Tomi' querec te xun, in ac xun. Querec pin' xun pain ca Iri' Jam nucun, tomi' ha' xun quem.

1Pedro 2:20

Ane tomi' xuhu' pain i ca' ne: Mo ta pan teretem hwe, mo ta quep em' xihwe pain ca pan teretem pan nuhu' ma', tomi' querec te nuhu' Iri' Jam pain ca quereme hwein ra? Quep xiho' xuruhu' pain ra? Om na ta! Tomi' querec te e' nuhu' pain ca quereme hwein ca jain jain wa pain ca wap ximama' cucuhu' pain ca ara hwein ca awi wa ta.

1Pedro 2:5

An xiho' hwein pacun ca e' ma' quem. Ac ca mam' quep xihwe na pain xirim ca pe pan ne Tamataracon Iri' Jam. Ac ca taramaja to hwein na pain ca taramaja mi' hun ma' quem. Win caca oro sacerdote ma'. To' sacerdote nuhu' Iri' Jam. Tora' inuhu' pain ca taramaja mi' mahu' ta nuhu', in ac taxipa' xine, an hwet mi' xine pain ca tomi' querec te nuhu' ta nuhu'. Je ca hohot capa' ta nuhu'. Wirico Jeju Cristo co mi' nuhu' pain ca taramaja mi' ac i ma' hun ta.