Efésios 4:32 - Tradução Bíblica Pacaas Novos

³² Ca' je, xiram pa' xujuhu'. Quep xiho' xujuhu'. Mo ta ara cup xujuhu', ta mana' xujuhu' pain me. Mana' mana' om pin xujuhu' pain ca caracat nuhu' pain ca ara cup xujuhu' ma'. Win cuhu' Iri' Jam ma', pain ca ji'am pin cain ca caracat nuhu' con Cristo.

Efésios 4:32 Iomraidhean Croise

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Marcos 11:25

Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain.

Lucas 1:78

Ac i ma' xim napari' Iri' Jam nexi', xi xiram pa' tamana ara capari' ta. Je ca mam' xim capari' con wari' nucun co an xiho' non xina pain ca xo' hwet pin nucun pain xo' xec. Maqui' toron Iri' Jam co pe nain pawin.

Lucas 11:4

Xic am pin rain ca caracat nuxut ca' quem. Xi mana' mana' om pin ara urut cocon oro wari' pain ca caracat nucucun pain ca ara cup cacaparut ta. Tomi' xo' urut cocon, om ca mana' mami' urut cocon. Narain ho' xut pain ca tomi' querec caparut Caxicon Jam quem. Ac i ma' je pain ca tomi' xun hun Iri' Jam ta na ca tomi' tococwa ma'.

Lucas 17:4

Mo ta ara cup quem, mo ta ara cup mami' quem quem, mo ta ma' 7 pin ne ca ara cup mami' quem, pain ca xica' pe nein xec quem. Mo ta ma' 7 pin ne ca in hwet quem, mo ta tomi' ca' quem: Caracat ina, cwirin' pin inain ca ara cup xim ca', mo ta tomi' ac i ma' quem. Je i ma ta, mana' mana' om pin inem pain ca caracat nem ta ac mon tara ta na ca tomi' tococwa na.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

Lucas 6:37

Ta tomi' em' xujuhu' pain ca pan teretem wa me ta ac tococwa na. Om ac ne tara ca tomi' em' cuhu' pain ca pan teretem wa Iri' Jam quem. Ta tomi' mi' xujuhu' pain ca wap wa pain ca pan teretem wa me. Om ac ne tara ca tomi' mi' cuhu' pain ca wap wa pain ca pan teretem wa Iri' Jam quem. Mana' mana' om xujuhu' pain ca ara cup xujuhu' ma', xic am pin ac cain tara ca caracat nuhu' Iri' Jam ta.

Atos 28:2

Xiram pa' tamana nanaparut oro wari' nein Malta. Caraho' mi' nanaparut pain xe, xi capin' ara urut ta. Pan' na xowi' quem. Harahap je, nonoc jein xe ta ac cacaparut na.

Romanos 12:10

Tomi' querec te xujuhu'. Win ne ca xere xujuhu' tara pain ca howa hun Iri' Jam ma'. Awi tiquin' ca' napa' co cwa' ta, ac i ma' tara ca coromicat nuhu'.

1 Coríntios 13:4

Je ca tomi' xuhu' ca'. An xiho' iri urun Iri' Jam pain ca om noc capari' ne, je pain ca om noc cocon oro wari' ma' quem, tomi' pan hot ac xijexi' na. Xiram pa' ac xijexi' na. Om ac ne na ca noc mi' xijexi' pain oro carawa ma'. Om ac ne na ca xin to iri', je pain ca tomi' xec xec iri' quem.

2 Coríntios 2:10

Je ca tomi' xuhu' ca'. Mana' mana' om pin iri hun pain ca caracat nucun win ma' nuhu' ma' ne, mana' mana' om pin ac ton na quem. Ara cup iri napa' ne, mana' mana' om pin ac ton na pain carawa ca ara mi' capa' quem. Tomi' iri'o' ina, taxi' napa' Cristo, mana' mana' om pin inon pain, xi param ara xuhu' pain ca tomi' querec te caracan xujuhu' ta inuhu'.

2 Coríntios 2:7

Je ca tomi' xuhu' ca'. Na e' na pain ca mana' mana' om pin hun pain ca caracat nucun pain xocori ca'. To' hwara' opa pin jun pain ximicon. Ma' ta om naro pin ca pain ca tomi' xaxa' tamana nucun. Ma' ta om tomi' xaxa' tomi' xaxa' an pe pin ton Iri' Jam ta ca ma' quem.

2 Coríntios 6:6

Ca' ac urut na pain ca an hwet pe urut pain ca xuruxut xo' nuxut ca' quem: Om ca quep urut cacam xequem narima'. Taraju pa' urut pain capijacon Iri' Jam. Tomi' pan hot urut cocon oro wari'. Xiram pa' urut cocon quem. Pe ho' naparut Tamataracon Iri' Jam pain xumuxut. Tomi' querec te iri'o' urut cocon oro wari' quem.

Efésios 5:1

Mana panxita' pin nuhu' Iri' Jam. Om ca noc cuhu'. Je ta an xiho' hun quem.

Tiago 5:11

Querec pin' ururun oro wari' co quereme cara nanain carawa ca to' i'ina nonon ma', querec pin' ururun pain ca param mi' pan cocon pain oro ca awi wa Iri' Jam ta. Wara taxi' ara xi' hwein i ma' cocon. Taxi' hun Jó cara pane. Quereme cara nain ca ximin nucun pane. Taxi' hun pain ca aram aram quep xiho' con Taramaxicon Iri' Jam quem. Xi om ne ca xiram pa' tamana taxipa' ara ca Taramaxicon Iri' Jam ta, je curucun mao na.

2 Pedro 1:7

Win xumu iri jein ca param pan nucun Iri' Jam ne, tomi' querec te caracan ac xujuhu' tara pain ca xere xujuhu'. Tomi' querec te caracan iri xujuhu' pain ca xere xujuhu' ne, tomi' querec te querec te pi' pin ac huhun tara oro wari'.

1João 1:9

Tomi' hwet mi' iri urun pain ca caracat nexi' Iri' Jam ne, xic am pin ac cain na. Xi mixein capari', om ca mixein camain' capari'. Tama' ara xo' na, ara mi' taxipa' napari' pain oro ca tomi' pe mi' capari' quem. To' om to' om pi' pin napari' pain oro ca caracat nexi'.

1João 2:12

Xirao' mi' inuhu' pain ca ac ca mana panxita' xuhu' ne ca'. Xi om ne ca xic am pin ara xine ca caracat nuhu' pain ca mi' pin caho' cuhu' Jeju ta.