Efésios 4:30 - Tradução Bíblica Pacaas Novos

³⁰ Ta ja' tomi' xaxa' hwein Tamataracon Iri' Jam me. Mi' iri nuhu' pain ne, ac ca xirao' cuhu' pain na wixicon. Ac i ma' na ca mene inuhu' ta cuhu' ma'. Pe ho' cara turuhu'. To' taxi' pin nuhu' pain ca main maqui' ta' ne xec nein ca to' witan pin xihwe pain oro ca caracat wa.

Efésios 4:30 Iomraidhean Croise

Marcos 3:5

Noro ac tococwa na pain ca to to mam' pin cocon ma'. Mana' tata, tomi' xaxa' na cocon quem. Xi noc ara cacain ca taraju pa' wa ta. Tomi' ac con na co xirac micon ma': Coc matam rain mum ma' ta non. Coc matam ac cain na, awi pin ac ne na con.

Lucas 21:28

Je ca tomi' xuhu' ca' ac tococwa na. Hwet pin ta' iri tara oro i cara ca tomi' ta' ne, om ta na ne pain ca jin' hwe. Hwara' opa je. Tomi' querec te je quem. Xi om ne ca wixicam pin ta' ara ne xec pain ca to' witan pin xim xihwe ta na ca tomi' tococwa ma'.

João 3:33

Wari' co howa nain ca tomi' nucun ma' iri na ne, querec pin' nain ca iri'o' nucun Iri' Jam. Oro ca tomi' ca Iri' Jam ma', iri'o' na ta na.

Atos 7:51

Mija hwe xin ta ac cocon na oro taramaxicon Estêvão ma'. Wijimi tamana hwe. Om ca howa je na hun Iri' Jam. Om ca taraju wet je na hun quem. An an ari huhun oro hwanana nexi' cara pane. Tama' tomi' in pin hwein Tamataracon Iri' Jam.

Romanos 8:11

Mo ta pe ho' capari' pain ximixi' Tamataracon Iri' Jam ca to' e' mami' non Jeju pane, main to' e' mami' ac capari' tara quem. Main to' e' mami' tarapari' Iri' Jam co to' e' mami' non Cristo Jeju pane. Pain ca aram aram mi' pin ta' ne cwerexi' ca', to' e' mami' ac capari' tara. Tamataracon ca pe ho' napari' ca', je tara ca mam' to' e' mami' capari' quem.

Romanos 8:23

Om ca toron xica' to ne ximi oro carawa ma'. Toron iri' quem. Wara mi' paxi' napari' pain Tamataracon Iri' Jam pane, pain ca xo' mi' xim pain oro ca param ne qui' capari' pane. Ane toron ne iri' ximixi' ca' ne. Winim' irin xec nein ca aram aram iri' mana panxita' pin xim capari' pain ca aram aram to' e' mami' xim capari' ca'.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

1 Coríntios 15:54

To' jimama' iri tarain cwerexi' ca cono' taxipa' ca' ne, e' cara ac iri' tara. Om ta cono' mami' iri'. Je tara ca win hwet pin tain cain capijacon Iri' Jam ca xirao' pe xine pane. Ca' na con: To' quiji' pin inain ca cono' wa, om ta cono' mami' wa ta.

1 Tessalonicenses 5:19

Ta tomi' am pin hwein Tamataracon Iri' Jam pain ca meo cuhu' pain xumuhu' me.

Hebreus 10:29

Wap ac i ma' ta wari' co om tomi' ha' ra na nain ca xirao' nucun Moisés pane. Je ca tomi' xuhu' ca'. Cain' ca coromicat mi' hun wari' co tomi' xirac non Panxica Iri' Jam quem? Cain' ca coromicat mi' hun wari' co tomi' ximao nain quicon Jeju ca mam' tomi' an pe xo' cain xocori ca tomi' xo' nucun Iri' Jam ma', ca mam' to' hohot ton paxi' non ma' quem? Cain' ca coromicat mi' hun wari' co tomi' xirac nain Tamataracon Iri' Jam ca xiram pa' pan non quem? Om ca hohot ne pain ca wap mip tocwa ra? Hohot ne ca' ira!

Hebreus 3:10

Je ca mana' pin toton pane. Tomi' ac xije na: Tama' howa ni ca' nanapa' caram cwa' ta. Om ca querec pin' cacain ca param ne ca', pain ca tomi' ha' xine toton ca'.

Hebreus 3:17

Ma' co mana' ca Iri' Jam pain mahweri pane quem? Om ca mana' tococwa co caracat nana pane ra? Wiricoco caca ma' ira. Ma' 40 na cawaxi' pain ca mana' tococwa pane, cono' to ac cacain na mahweri pane.