Efésios 4:21 - Tradução Bíblica Pacaas Novos

²¹ Tomi' hwet ara xi' urut pahu' con, hu xo' ara xi' urut pahu' pain ca pijim' nucun Jeju ca iri'o' quem.

Efésios 4:21 Iomraidhean Croise

Mateus 17:5

Tomi' tomi' wet na Pedro ma', hwet qui' ac ne na tajain nanawin ca toc meremem tamana. Tatep pa' ac tococwa na. Taraju ac cacain na ca tomi' wa ma', ca maqui' nain nanawin ma'. Mon cwa' panxita' co om noc camain' ta' cwa'. Hohot tamana napa' ta. Taraju wet jun ta na.

Lucas 10:16

Tomi' ac tococwa na co taxipa' ca ma', co pijim' mama' jein pira ca ma'. Wari' co taraju wet nuhu' pain ca pijim' hun ma', taraju wet napa' quem. Wari' co noc nuhu' pain ca pijim' nuhu' ma', noc napa' quem. Wari' co noc napa' ma', noc non co cwain co hwet ron oro wari' napa' quem na ca tomi' tococwa ma'.

João 1:17

Moisés cara pane, tomi' hwet napari' pain oro ca tomi' ha' je capari' Iri' Jam. Jeju Cristo ma' iri na ne, an hwet mi' napari' pain ca xiram pa' capari' Iri' Jam. Mi' napari' pain ca querec pin' xin oro ca iri'o' wa con Iri' Jam quem.

João 10:27

Win ne oro ovelha ca taraju wet nain ca tomi' nucun co querec wet nain ma', ac i ma' na ca taraju wet cacain ca tomi' ne oro wari' ne ma' quem. Querec pin' inonon, ja' ja' ac cacapa' na quem.

João 14:17

Mam' turuhu' pain Tamataracon. Je tara Tamataracon ca an hwet mi' nuhu' pain oro ca iri'o' wa con Te Iri' Jam. Om ca mi' ac tococwa pain Tamataracon Te oro wari' co om howa nanapa' ma'. Xi querec cacain ta. Om ca querec pin' camain' cacain. Wahu' iri na ne, querec pin' hwein. Xi om ne ca pe ho' ara cuhu' ta. Win cwere turuhu' quem.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

Romanos 10:14

Je ca tomi' xuhu' ca': Ma' tara wari' co quep xiho' ne ta ac non pain ca om howa querec con ra? Ma' tara wari' co howa ac non pain ca om taraju querec con ra? Ma' tara wari' co taraju ac na pain ca om pijim' tocwa ra?

2 Coríntios 1:20

Xi wirico Jeju Cristo ara ca co ara nain oro ca wara tomi' pe nucun Iri' Jam ta. Je ca tomi' ca' urut pahu' ca': Amém, iri'o' na ca tomi' nuxut ta urut pahu' pain ca an hwet pe urut pain ca awi tamana nucun Iri' Jam.

2 Coríntios 11:10

Iri'o' na ca tomi' ta' ca', win ne ca pe ho' capa' ca iri'o' nucun Cristo. Hwet iri toton oro wari' co to nanain oro macarain Acaia ma', om ta mi' xine pain dinheiro pain ca pijim' hwet mi' xuhu' pain capijacon Iri' Jam ta toton. Om ta narain ho' ac cacapa' pain ca miri'om ac i ma' tain dinheiro nucun ta.

Efésios 1:13

Ac i ma' nuhu' pain ca wari' ne pin cuhu' pain ca om judeu hwe pane quem. Taraju iri hwein capijacon ca iri'o' ca' ne. Taraju iri hwein capijacon ca tomi' hwet nuhu' pain ca to' witan xim cuhu' ne. Howa pin iri hwein ne. Mi' ac cuhu' na pain Tamataracon ca wara tomi' pe mi' cuhu' ma', ca to' querec pin' nuhu' pain ca wari' nucun hwe ma'.

Efésios 2:17

Maqui' nain macan' Cristo pane. Pijim' ac tococwa na oro wari'. Pijim' nuhu' pain ca to pira ca' hun Iri' Jam pain ca om judeu hwe ma', pijim' naparut pain ca wara to ja' pan urut con pain ca judeu urut ca' quem. Na pin nuhu' pain ca tomi' querec te pin xujuhu' pain ca win ma' ne pin xujuhu' ta, ac i ma' na ca pijim' capari' pane.

Colossenses 1:5

Howa hun Cristo Jeju, tomi' querec te huhun oro wari' nucun Iri' Jam quem, xi om ne ca howa ara hun pain ca an to xo' mi' cuhu' pain oro ca awi wa pain pawin cain. Wara tomi' hwet xihwe pain pane, taraju hwein cocon co tomi' hwet nunuhu' pain capijacon Iri' Jam ca iri'o' ma', ca tomi' hwet cucuhu' con Jeju co to' witan xim napari' ma'.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

Colossenses 2:7

Win ne pana ca hwara' opa ma', pain ca corom mama' nein paxicom caximain ma', ac i ma' tara pain ca hwara' opa hwe con Taramaxicon nexi'. Horon horon tiquin' je pain ca win cwere hun ma'. Howa mip jein oro ca pijim' xihwe con pane. Tama' tomi' hwet tomi' hwet tiquin' jein ca tomi' querec te nuhu' con Iri' Jam quem.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.