Efésios 4:18 - Tradução Bíblica Pacaas Novos

¹⁸ Om ca taraju pa' caca. Ac ca pe ho' cocon na ca jitacat nein xim. Om nonon ca e' nucun Iri' Jam. Xi querec pin' camain' cocon ta. Noc nanain ca querec pin' wa quem.

Efésios 4:18 Iomraidhean Croise

Mateus 13:15

Xi coromicat xo' je na hwe ta. Ac ca tatep pa' hwein na tarajuhu'. Ac ca pi'am to hwe na quem. Xi miri'om ara mahu' ta. Mo xi om ac i ma' hwe, ha' ac cuhu' xira pain ca querec pin' mahu'. Ha' ac cuhu' xira pain ca taraju wet mahu'. Ha' ac cuhu' xira pain ca taraju pa' hwe pain iri' xumuhu'. In hwet ac mahu' xira, to' witan ac xuhu' xira quem. Ac i ma' na ca tomi' ca Iri' Jam pane, pain ca xirao' pe cain ca tomi' nucun profeta Isaías cara pane ta naparut.

Marcos 3:5

Noro ac tococwa na pain ca to to mam' pin cocon ma'. Mana' tata, tomi' xaxa' na cocon quem. Xi noc ara cacain ca taraju pa' wa ta. Tomi' ac con na co xirac micon ma': Coc matam rain mum ma' ta non. Coc matam ac cain na, awi pin ac ne na con.

João 12:40

To' om pin nain tococon Iri' Jam. To' opain pin nain ximicocon quem. Ma' ta om querec pin' cacapa' na. Ma' ta om taraju pa' cacapa' na. Ma' ta om in hwet cacapa' na. Je ca om na capa' pain ca quep xiho' toton ca' na ta. Ac i ma' na ca xirao' pe xine capijacon Iri' Jam pane.

Atos 17:30

Iri' Jam ma', om ca wap hap cocon oro hwanana pain cara pane, om ca wap hap cocon pain oro ca coromicat ximama' nucucun pain ca om taxi' querec cocon pane. Ane cwirin' pin jein ca caracat nuhu' pain xocori ca' capari' ne, tomi' tomi' xam' napari' pain oro xijein macan' ca to iri'.

Atos 3:17

Taxi' paxi' inuhu' ta xere ac tococwa na. Taxi' inonon oro taramaxicon nexi' pain ca judeu iri' ca' quem. Wirico paxi' na Jeju co wara tomi' pe pin ca Iri' Jam pane, ane om querec pin' hun ne. Je ca noc urut con ta hun pane. Je ca to' pa' pin hun quem.

Romanos 1:28

An to pin xun Iri' Jam, om ta mam' pe wet mami' xun ta nana. Je ca pin caca ma' ne tococwa pane. Wirico Iri' Jam pan na co pin caca ma' ne nonon pane. Coromicat pan teretem cara je ta ac tococwa na. Ara cara jein oro ca om awi wa ta ac tococwa na quem.

Romanos 11:25

Je ca tomi' xuhu' ca' xere: Ma' na ca coromicat nucun Iri' Jam ca om taraju pa' wa ira. Taraju pa' ho' jein inuhu'. Ma' ta om coromicat ximama' hwe pain ca awi tamana urut ximama' hwe ma'. Ca' na ca coromicat nucun Iri' Jam ca om an hwet querec ca ira: Oro judeu cwa', co waram winacon Israel nana cwa', om ta ari cara cacapa'. Ari ari ca' tatarapa'. Xam' iri tatara oro co om judeu nana ne, co howa xim nanapa' ma', ari ari om ac cacapa' tara oro judeu cwa', ac i ma' na ca coromicat nucun Iri' Jam.

Romanos 11:7

Je ca tomi' xuhu' ca': Param paxi' nanain ca hohot wa oro win judeu ta' cwa'. Tomi' ca' xucucun: To' hohot pin xijexi', ma' ta hohot pin xun Iri' Jam cwa', ac i ma' paxi' xucucun. Ane om hohot caca ne, ma' paric ca' e' nana oro win judeu ta' co wara tora' ca ma', co hohot nonon ma'. Oro xucucun ma' iri nana ne, to' ari tata.

Romanos 2:19

Ca' na taxi' inonon xi' ma momon oro wari' co om taxi' nanain ca xirao' nucun Moisés quem. Cain' cain' xima quem? Ac ca coc papan o mama' toton momon na oro wari' co om tococon. Ac ca joc xec mi' toton pain naran ta momon na oro wari' co to nanain ca jitacat nein quem, ac i ma' na ca coromicat pan tem nem.

1 Coríntios 1:21

Om ca querec pin' pan ac cocon Iri' Jam oro wari', om ca mam' querec pin' ac cocon pain ca coromicat pan nucucun. Wirico Iri' Jam co narain ho' nonon pain, maqui' nain ximicon pain ca coromicat xo' nucun. Ca' na con: Pijim' ximama' hwe ta paxi' tata co pijim' nanain capija ca'. Je i ma' ira, hohot napa' pain ca pijim' mi' tococwa pain capija oro wari' ta, ma' ta to' witan toton co howa nanapa' ta na.

1 Coríntios 2:8

Om ca taraju pa' caca oro taramaxicon co om howa nana cwa', om ca ma' camain' ca taramaxicon co taraju pa' nain ca coromicat nucun Iri' Jam. Mo xi taraju pa' cacain, om xi tatatain mi' qui' cocon pain pana Taramaxicon nexi' co awi tamana pain ca om caracat nucun pain ca hwara' opa tamana nucun.

2 Coríntios 3:14

Ane ari caca ne. Om ca taraju pa' je ha' caca. Ac i ma' ac i ma' wet nana pain xocori ca' quem. Noro iri nanain capijacon Iri' Jam ca wara tomi' an pe xo' mi' tococwa ne, om ca taraju pa' cacain. Ac ca tatep pa' xine na ca coromicat nucucun. Xi taraju pa' xica' to ara caca co win cwere pin nonon Cristo ta.

2 Coríntios 4:4

Wirico Caxicon Jam co ac Iri' Jam nonon oro co om howa nonon Cristo ma', wirico co to' i'ina nonon pain ca coromicat xo' nucucun. Ac ca to' om pin cain na tococon pain ca om coromicat nucucun. Ma' ta om taraju pa' hwe ta nonon. Ma' ta om querec pin' hwein naran nein capijacon Iri' Jam ca an hwet pe nain ca toc meremem nucun Cristo pain ca hwara' opa tamana nucun ma' nonon. Wirico Cristo ara xi' na co an tan pan non Iri' Jam ma', iri' wirico na.

Gálatas 4:8

Pain cara pane, pain ca om taxi' querec hun Iri' Jam pane, taramaja mi' e' hwein oro ca Iri' Jam xi' ma hwe pane. Tomi' ha' ximama' hwein. Xi Iri' Jam ne ta!

Efésios 2:1

Pain cara pane, pain ca om howa querec hun Cristo pane, ac ca cono' pin hwe na. Xi caracat taxipa' ara hwe pane ta. Om ca tomi' ha' jun Iri' Jam na hwe.

Efésios 2:12

Mam' pe wet jein i ca': Om ca querec pin' hun Cristo pane. Om ca win ma' ne huhun oro wari' nein Israel co tora' ca Iri' Jam pane quem. Om ca taxi' hwein oro ca tomi' an pe xo' tococwa pain ca tomi' pe pin qui' cocon pain ca tomi' nucun Iri' Jam pane. Ximin hwe pain ca to ho' huhun oro caracat pain macan' ca' pane. Om ca main witan xi' camain' hwe pane ira. Om ca querec pin' camain' hun Iri' Jam pane.

Colossenses 1:21

Wahu' ma', pain ca om howa querec hwe pane, to pira ca' hun Iri' Jam. Noc hun pane. Xi om ne ca pan teretem ara hwe pain ca coromicat nuhu', je pain ca xuruxut nuhu' pane ta.

1 Tessalonicenses 4:5

Ta tomi' ha' camain' hwein ca param ximama' wa pain ca win xumu wa oro ca om awi wa me. Ac i ma' ara xi' nana oro wari' co om querec pin' nonon Iri' Jam ta.

Hebreus 5:2

Sacerdote co iri' taramaxicon ma', ha' non pain ca xiram pa' cocon oro win ma' ca co om taraju pa' nana ma', co xuruxut ximama' nana ma', xi wari' ara ca ta. Ma' non oro ca to' i'ina non quem.

Hebreus 9:7

Pain wirain manain ma' iri na ne, ca pe in mao ma', pain Iri' Maxicon Iri' Jam ma', corom xica' pe na sacerdote co iri' taramaxicon. Om ca corom ximao ca pain oro xijein xec quem. Maqui' iri na iri' xec pain oro cawaxi' ne, corom ac cain na. Om ca na ne pain ca corom e' cain quem. Na e' na pain ca mam' corom ca pain wic. Mi' ac con pain na Iri' Jam. Ma' ta xic am pin main ca caracat ne ca', ma' ta xic am pin main ca caracat nucucun oro wari' pain ca ara mapi' cacain ca caracat nucucun ma' quem ac con na.

Tiago 4:4

Cain' cain' xihwe pain ca an pe pin hun Iri' Jam quem? Om ca taraju pa' hwe ra? Wari' co win ma' ne nonon oro co tama' pan teretem nana pain ca om howa cocon Iri' Jam ma', wirico co noc non Iri' Jam.

1Pedro 1:14

Tomi' ha' jun Iri' Jam, win ne ca mana panxita' cuhu' ma'. Ta tomi' ha' mami' hwein oro ca param pan teretem nuhu' ca ara taxipa' hwe pane, pain ca om querec pin' querec hun Iri' Jam pane.

1João 2:11

Ane om ac i ma' ne con wari' co noc non win howa ca ma'. Pe cara nain ca jitacat nein xim, xut cara nain quem. Om ca taxi' cain ca mao ta' nucun, xi ha' con pain ca querec wa pain ca jitacat nein ta.