Efésios 4:17 - Tradução Bíblica Pacaas Novos

¹⁷ Je ca tomi' xuhu' ca'. Ac ca tomi' mip cuhu' na Taramaxicon nexi' pata'. Ta an xiho' mami' huhun oro wari' co om howa nonon Cristo me. Coromicat ximama' ara xi' nana.

Efésios 4:17 Iomraidhean Croise

Lucas 16:28

Xi ma' ara caca xere ta. Ma' 5 nana. Wara tomi' xo' totoron, hu totoron, ma' ta om hwet cacapa' pain ca jain jain pe ta' ca', pain cote ne xe ca' na ca tomi' con ma'.

Atos 14:15

Para to' parapa' mi' xim maparut pain boi ca' quem caram ma'? Xi Iri' Jam urut ta. Wari' urut ca' ira. Win hwe ma'. Pijim' urut pahu' pain capijacon Iri' Jam ca awi ca' ira, je ca hwet urut pahu' ca'. Howa maho' jujun oro jam co Iri' Jam xi' ma hwe ma', co om quep xiho' taxi' nunuhu' ma'. Howa pin jun Iri' Jam co e' cara cwa', co quep nain pawin je macan' je oro com ca', co quep quep pi' pin nain oro carawa ca to nain ca' quem.

Atos 18:5

Maqui' pin iri nain Macedônia Silas con Timóteo ne, an pe pin ac cain na ca taramaja nucun Paulo ma'. Oc oc om pin nain caji xirim. Pijim' e' ac cain na capijacon Iri' Jam. Tomi' hwet tomi' hwet tata con Jeju oro judeu ma'. Wirico Jeju co Cristo ta tata.

Atos 2:40

Mija na ca tomi' mip cocon ma'. Hu tamana nonon. Howa jun Jeju, ma' ta witan hwe, ma' ta om win wap cuhu' cocon oro caracat co em' tamana nana pain oro xec nexi' ca' na pain ca hu cocon ma'.

Atos 20:21

Hu hu pi' pin inonon oro wari' quem, co judeu nana ma', co om judeu nana ma' quem. Na e' na pain ca coromicat ni hwe, an to pin jein ca caracat nuhu', tomi' hwet jun pain Iri' Jam quem inonon. Howa jun Taramaxicon nexi' Jeju ta inonon quem.

Romanos 1:21

Om paxi' na ca pijim' querec tococwa pain capijacon Iri' Jam pane, ane taxi' cocon ne. Taxi' paxi' nonon, ane om in ac jun na caca ne. Om ca Iri' Jam ma ta nonon. Miri'om nonon, om ca tomi' querec te urut pum pain oro carawa ca mi' maparut ca' cocon, om na. Coromicat ximama' e' nana. Om ca coromicat xo' ac caca. Ac ca jitacat ne xim na pain ca coromicat nucucun pain ximicocon.

1 Coríntios 1:12

Ca' na ca tomi' hwet cacapa' pahu': Coromicat ni ca' xucucun ta nunuhu'. Param urut con Paulo ta nana xucucun, param urut con Apolo ta nana xucucun, param urut con Pedro ta nana xucucun, param urut con Cristo ta nana xucucun ma' quem, ac i ma' na ca tomi' hwet cacapa' pahu' ta.

1 Coríntios 15:50

Je ca tomi' xuhu' ca' xere: Oro cwerexi' ca', pain ca ma' ne cwerexi' pain quixi' ca', om ta mama' ac nein ca taramaxicon pe ca Iri' Jam pain pawin cain. Oro cwerexi' ca cono' taxipa' ca', om ta mama' ac nein i cain. Xi cono' ra ha' wa pain i cain ta.

2 Coríntios 9:6

Mam' pe wet jein i ca' quem: Mo ta oin' xin tocwi trigo pain totaxi' ma', mo ta oin' wijimain e' xin, caracat wijimain ac xin tara. Mo ta oin' tamana xin, caracat tamana ac xin tara quem.

Gálatas 3:17

Je ca tomi' xuhu' ca', taraju pa' je e': Win ne ca om xic am ac xine ca tomi' xo' xucucun wari' ma', om ca xic am ac xine ca tomi' an pe xo' nucun Iri' Jam con Abraão quem. Tomi' xo' iri non pane ne, om ca tomi' xo' querec con Moisés pane, ame hwe e'. Pi' pin iri na ca 430 ne cawaxi' pain ca tomi' xo' qui' con Abraão pane ne, ma' ac ca na Moisés. Xirao' pe rain ca tomi' ne ca', tomi' ha' tatarain oro wari' ne ta ac con na Iri' Jam. Ca xirao' nucun Moisés ma', om ca to' om pin ac nein ca wara tomi' an pe xo' nucun Iri' Jam con Abraão.

Gálatas 5:3

Tomi' mami' inonon co wac xirac xin nanain taparinain ca xirac nucucun ma': Mo ta wac xirac xihwe, na e' na pain ca tomi' ha' xo' tomi' ha' xo' pi' pin hwein oro ca xirao' nucun Moisés ta.

Efésios 1:22

Wirico Iri' Jam co taramaxicon pe ho' roron oro wari' ta non Cristo. Oro wari', pi' pin nana, oro carawa quem, taramaxicon pe ho' taramaxicon pe ho' pi' pin roron ta non quem. Taramaxicon pe ho' roron co howa nenem quem non pari'. Ac winacocon ra ta non Cristo pari' pain ca howa xun ca'.

Efésios 4:22

Ca' na ca tomi' urut pahu' pane: An to pin jein wara curuhu' ca ara taxipa' hwe pain ca om howa querec hun Iri' Jam pane. Oro ca param ne wara curuhu' ma', mixein nuhu'. To' em' nuhu'.

Colossenses 2:18

Oro co hohot urut xi' ma nana pain ca in ac cocon oro jam co taramaja mi' nonon Iri' Jam ma', tomi' ca' nunuhu': Win ne ca tohwein' urut ca' nana, tomi' hwet tomi' hwet ac cucuhu' na pain oro coximinain ca tohwein' nucucun ma'. Mo ta om tomi' ha' hwein ca tomi' hwet urut pahu' ca', om ta witan hwe ta nunuhu'. Je ca tomi' xuhu' cocon: Miri'om jujun. Xec xec ximama' e' nana, xi om ne ca coromicat an xiho' ara cacain ca wari' wa ta.

Colossenses 2:4

Tomi' ac i ma' inuhu', ma' ta om howa huhun co ac ca iri'o' xi' ca' tara me nana pain ca tomi' ximama' nucucun pain ca tomi' tomi' na xun paxi' cucuhu' ma'.

1 Tessalonicenses 4:6

Ta mam' ara cup xujuhu' pain ca param ximama' wa me. Ta mam' mixein camain' xujuhu' pain me. Ma' tara xumuhu' me. Taramaxicon nexi' ma', wap toton nonon oro wari' co quep nanam xequem narima'. Wap tatam nanam oro narima' co quep ne nonon xucun tarama' ma' quem. Wara tomi' ac i ma' urut pahu' pain ca hu mip urut pahu' pane ta.

1 Timóteo 5:21

Je ca tomi' xim ca': Tomi' ha' ne pain oro ca hu xim pain ca xirao' ne ca'. Pain oro carawa ca ara ma ma', pain ca tomi' main taraxicocon co querec wet nonon co howa nana ma', ta xiram pa' paxica' momon me ta. Om ca na camain' ne pain ca tomi' querec te paxica' momon. Tomi' mip inem ta. Taraju na Iri' Jam con Cristo Jeju cocon oro jam co tora' ca ma', pain ca taramaja mi' xine cocon ma', taraju nanapa' pain ca tomi' mip xim ca'.

1 Timóteo 6:13

Je ca tomi' xim ca', tomi' mip inem. Taraju napa' Iri' Jam co to' e' nain oro carawa ma', co to' e' napari' quem. Taraju napa' Cristo Jeju co om tomi' jin' non taramaxicon Pôncio Pilatos pain ca tomi' hwet con pain ca Taramaxicon ina con pane quem. Taraju nanapa' pain ca tomi' mip xim ca':

2 Timóteo 4:1

Maqui' iri tara Cristo Jeju pain ca taramaxicon pe pin tain cain macan' ca' ne, tomi' hwet tomi' hwet xam' ac tococwa tara oro wari' pain oro carawa ca ara caca ma'. Co e' e' wet nana ma', co wara cono' pin nana ma' quem, tomi' xo' tomi' xo' xam' totoron. Hohot hwe ta totoron co hohot nana ma', em' hwe ta totoron co em' nana ma' quem. Je ca tomi' xim ca'. Taraju napa' Iri' Jam con Cristo Jeju pain ca tomi' mip xim ca':

1Pedro 1:18

Xi taxi' ara hwein carawa ca mam' to' witan cuhu' Iri' Jam pane ta. Taraju pa' je: To' witan ca' iri nuhu' pain oro ca xuruxut pan teretem ximama' nuhu' ca ca' na cucuhu' oro hwanana nuhu' pane ne, om ac ne na ca mam' to' witan cuhu' pain carawa ca main om pin ta' ma', je prata, je ouro ma' quem, om na.

2 Pedro 2:18

Xi tomi' xec xec ximama' ara cocon oro co witan ca' xun paxi' nonon oro win ma' caca co pan teretem nana ma'. Hohot na pain ca ara hwein ca param ximama' ne curuhu' ta tata.