Efésios 3:8 - Tradução Bíblica Pacaas Novos

⁸ Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

Efésios 3:8 Iomraidhean Croise

Lucas 14:22

Mao ac ca na, o qui' ac tococwa na. Tomi' ac con na taramaxicon nucun: O qui' paxi' inonon ta. Win ne ca tomi' mapa' ne non. Ane ma' ma' wet ne ca xao pe ho' ac xine pana ca mam' cao' to wa ne non.

João 1:16

Om ca noc camain' capari'. Xiram pa' xiram pa' pi' pin napari'. Xiram pa' ho' xiram pa' ho' napari'.

Atos 5:41

Hwerehwet ca' iri tata pain ca cut in to nucucun ne, tomi' querec te tamana ac caca na. Ca' xucucun pain ca tomi' querec te nucucun: Ac ca hohot xun Iri' Jam na, xi om ne ca mi' ara capari' pain ca jain jain wa pain ca pijim' hwet xuxun con Jeju oro wari' ta xucucun.

Atos 9:15

Om na ta Ananias ac con na Taramaxicon nexi'. Mo hwet ron Saulo cwain. Wara tora' inon. Mi' ton inon pain ca taramaja mi' capa'. Tomi' hwet tarapa' cocon oro wari' co om judeu nana, wiricoco oro taramaxicon nucucun quem. Tomi' hwet tarapa' cocon oro wari' nein Israel ma' quem.

Romanos 11:33

Awi tamana na Iri' Jam ta! Coromicat xo' na pain ca taxi' tamana nucun je pain ca querec pin' tamana nucun quem. Om na wari' co tomi' hwet taxi' nain ca coromicat nucun. Om na wari' co taraju pa' nain ca ara nucun.

Romanos 12:10

Tomi' querec te xujuhu'. Win ne ca xere xujuhu' tara pain ca howa hun Iri' Jam ma'. Awi tiquin' ca' napa' co cwa' ta, ac i ma' tara ca coromicat nuhu'.

Romanos 2:4

Wa inem me. Ac ca coromicat ca' ma na: Xiram pa' tamana napa' Iri' Jam ta. Winim' cara napa'. Om ta wap hap capa', ac i ma' tara ca coromicat pan tem nem ra? Cain' cain' xima quem? Winim' cara paxi' nem. Je xi querec pin' mon pain ca awi nucun pain ca om wap hap quem ma' quem? Xiram pa' e' nem. Ma' ta cwirin' pin ma ta nem.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

1 Coríntios 15:9

Xi awi ta' pane ta. Awi tiquin' ca' nanapa' oro xucucun apóstolo. Om xi apóstolo ra capa' Iri' Jam pane, om xi pijim' hwet rain capija camain' capa' pane. Xi quep em' taxipa' ara toton oro co howa nonon Iri' Jam con Jeju pane ta.

1 Coríntios 2:9

Win ne ca xirao' pe xine pain capijacon pane. Ca' na con pane: Oro carawa ca awi ca an to xo' mi' capari' Iri' Jam ma', pain ca om noc xun ca', om na wari' co querec nain. Om na wari' co taraju nain. Om na wari' co coromicat nain quem. Ac i ma' na ca xirao' pe xine pain capijacon Iri' Jam ca'.

Gálatas 1:16

ca an hwet mi' xim capa' con Panxica ne, mi' ac capa' na pain ca querec pin' ton pain iri' xumu ca'. Ma' ta pijim' hwet momon con oro wari' co om judeu nana ta napa'. Tomi' ac i ma' iri napa' ne, om ca pirao' camain' ton wari' pain ca cain' cain' xita' ne ton, om na.

Gálatas 2:8

Iri' Jam ma', co quep xiho' non Pedro pain ca pijim' cocon co judeu nana ma', wirico co quep xiho' napa' pain ca pijim' toton co om judeu nana ma' quem.

Efésios 2:7

Ac i ma' napari' Iri' Jam pane. Ma' ta querec pin' cara mahu' pain ca xiram pa' tamana xuhu' ca', pain ca mi' xuhu' pain ca win cwere pin hun Cristo Jeju ta napari'.

Efésios 3:1

Je ca tomi' mi' xuhu' con Iri' Jam ca'. Wata' pain ca Paulo ta' ca', pe inain xirinain ca tao' to tao' to to wa ca'. Xi om ne ca taramaja mi' ara ton Cristo Jeju pain ca quep xiho' xuhu' pain ca om judeu hwe ma' quem.

Efésios 3:16

Ca' na ca tomi' mi' xuhu' con: Mi' roron pain ca hwara' opa caca pain iri' ximicocon, mam' to' hwara' opa roron pain Tamataram inon pahu'. Win ne ca hwara' opa tamana ma pain ca awi tamana ma ma' inon.

Efésios 3:19

Om paxi' na ca querec pin' ac urut con Cristo pain ca om noc camain' caparut. Xi noc camain' caparut ta inon pahu'. Ane tomi' cara xim cocon ne, mi' roron pain ca querec pin' cocon Cristo pain ca om noc caparut. Ma' ta an xiho' quequem pain iri' xumum ta, ac i ma' na ca tomi' ton Iri' Jam pahu'.

Efésios 3:2

Om ca taxi' mahu' pain ca mi' capa' pain ca taramaja wa Iri' Jam cwa' ra, pain ca pijim' hwet roron pain ca xiram pa' tamana toton oro wari' co om judeu nana ta napa' pahu' ra? Taxi' mahu' pain ca tomi' ac i ma' capa' ca' ira.

Filipenses 2:3

Ta win xumu e' hwein ca param nuhu' pain oro ca xuruxut nuhu' me. Ta coromicat ca' hwe me: Querec pin' tatarapa' oro wari' pain ca xut xo' ne ta, ta coromicat ac i ma' camain' hwe me ta. Ta xec xec hwe me. Coromicat ca' je: Awi ca' nanapa' oro win ma' ne cwa', ac i ma' tara ca coromicat nuhu' ta.

Filipenses 4:19

Iri' Jam ne cwa', co taramaja mi' ta' cwa', mija tamana na oro caramaxicon. Je ca ha' con pain ca mi' mi' pi' pin xim cuhu' pain oro ca param nuhu' pain ca ximin nuhu' ma'. Xi om ne ca win cwere ara hun Cristo Jeju ta.

Colossenses 1:27

Awi tamana na ca coromicat nucun Iri' Jam ca an hwet pin ca pain xocori ca'. Ac i ca' na ca coromicat mi' cuhu' pain ca om judeu hwe ma': Pe ho' turuhu' Cristo, win cwere turuhu' pain iri' xumuhu'. Wirico co to' taxi' nuhu' pain ca aram aram to ho' xun hun pain pawin cain.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

1 Timóteo 2:7

Je ca wari' ne capa' pain ca apóstolo ra capa' pane. Pijim' hwet mi' roron pain capija oro wari' co om judeu nana ta napa' pane. Je ca na e' ne pain ca pijim' hwet toton pain capijacon Iri' Jam. Na e' na pain ca ca' na toton pain capijacon ca iri'o' con Jeju ta. Om ca mixein ta', tomi' iri'o' ina ta.

2 Timóteo 1:11

Capijacon ca tomi' hwet napari' con Cristo Jeju ca', je ca pijim' ra capa'. Apóstolo ra, tomi' hwet roron pain capija oro wari' napa' pane. Tomi' xo' roron pain oro capija ca iri'o' quem napa' pane.

Apocalipse 3:18

Hu ca' inuhu': Cut xine pain ouro ne ca om em' camain' ca', ma' ta caramaju iri'o' pin hwe ta inuhu'. Cut jun wom co towo' cwa' quem, ma' ta to hun, ma' ta wixipa' wixipa' om pin hwe pain ca om cuhu' wom ma', pain ca hwet pe e' ne curuhu' ma' inuhu'. Cut jein aramao aramao toc ma', ma' ta aramao xio pin hwein tucuhu' ma', ma' ta querec iri'o' hwe ta inuhu'.