Efésios 3:21 - Tradução Bíblica Pacaas Novos

²¹ Tomi' querec te xun ta. Tomi' querec te xun pain ca howa xun ca'. Tomi' querec te xun pain ca win cwere xun Cristo Jeju quem. Tama' tomi' querec te cara xun ta. Amém, iri'o' na ca tomi' ne ta.

Efésios 3:21 Iomraidhean Croise

Mateus 6:13

Narain ho' xut pain ca tomi' querec caparut Caxicon Jam quem. To' witan ca' xut con quem. Wum pan ara xi' na co Iri' Taramaxicon cara ma'. Tama' hwara' opa cara ma quem. Tama' awi tamana na ta cara nenem oro wari' cwa' quem. Amém, iri'o' na ca tomi' ne ta. Ac i ma' je pain ca tomi' xun hun Iri' Jam ta na ca tomi' tococwa ma'.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

Romanos 11:36

Xi wirico ara ca co tomi' ma' tomi' ma' pi' pin nain oro carawa ta. Mam' to' e' nain pain ca hwara' opa nucun. Ma' ta querec pin' mahu' ta napari'. Ma' ta awi tamana na Iri' Jam ta mahu' ta napari'. Amém, iri'o' na ca tomi' ne ta.

Romanos 16:27

Na e' na pain ca tomi' querec te xun Iri' Jam ta. Xica' pe na Iri' Jam co Iri' Jam cwa', co coromicat xo' cwa'. Na e' na pain ca tomi' querec te cara xun pain ca awi nucun ta. Xi ma' ara capari' Jeju Cristo ta. Amém, iri'o' na ca tomi' ne ta. Je i ca' ca xirao' ne ca'.

Gálatas 1:5

Hohot na pain ca tomi' querec te cara xun Iri' Jam co awi tamana ta! Amém, iri'o' na ca tomi' ne ta.

Efésios 1:6

Je ta tomi' querec te xun pain ca quep xiho' tamana capari' ta. Xi xiram pa' pan ara capari' pain ca mi' e' capari' pain ca win cwere pin xun Cristo co om noc ca ma'.

Efésios 2:7

Ac i ma' napari' Iri' Jam pane. Ma' ta querec pin' cara mahu' pain ca xiram pa' tamana xuhu' ca', pain ca mi' xuhu' pain ca win cwere pin hun Cristo Jeju ta napari'.

Efésios 4:1

Je ca tomi' xuhu' ca'. Wata' pain ca tao' pe pin cacapa' pain ca taramaja mi' ton Taramaxicon nexi' ca', hu ca' inuhu': Xuruxut xo' je ta inuhu'. Win ne ca xuruxut xo' je cuhu' Iri' Jam pain ca xo' howa xine qui' cuhu' pane.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Filipenses 2:11

Querec pin' totoron pain ca hwara' opa nucun quem. Iri' Taramaxicon na Jeju Cristo ta tatara oro wari' pain oro xijein macan'. Ac i ma' tara ca an hwet pe cacain ca awi nucun Cotere' Iri' Jam ma' quem.

Filipenses 4:20

Na e' na pain ca tomi' querec te xun Cotere' Iri' Jam co awi tamana cara ta! Amém, iri'o' na ca xirao' ne ta.

2 Timóteo 4:18

To' witan napa' Taramaxicon nexi'. To' witan ca' tarapa' pain oro carawa ca om awi ca ara xim napa' quem. Querec wet tarapa', querec wet querec wet an mao ac capa' tara pain ca taramaxicon pe ca pain pawin cain. Na e' na pain ca tomi' querec te cara xun co awi tamana ta! Amém, iri'o' na ca tomi' ne ta.

Hebreus 13:21

pain ca mi' cuhu' pain ca ara taxi' hwein ca awi wa ma', ma' ta ha' cuhu' pain ca ara hwein ca param nucun ma'. Param inon pain ca meo capari' pain iri' ximixi' ca', pain ca mi' capari' pain ca ara e' xin ca hohot pan non quem. Wirico Jeju Cristo ara xi' na co mi' napari' pain ca ara e' xin ca hohot pan non quem. Na e' na pain ca tomi' querec te cara xun co awi tamana ta! Amém, iri'o' na ca tomi' ne ta.

1Pedro 2:5

An xiho' hwein pacun ca e' ma' quem. Ac ca mam' quep xihwe na pain xirim ca pe pan ne Tamataracon Iri' Jam. Ac ca taramaja to hwein na pain ca taramaja mi' hun ma' quem. Win caca oro sacerdote ma'. To' sacerdote nuhu' Iri' Jam. Tora' inuhu' pain ca taramaja mi' mahu' ta nuhu', in ac taxipa' xine, an hwet mi' xine pain ca tomi' querec te nuhu' ta nuhu'. Je ca hohot capa' ta nuhu'. Wirico Jeju Cristo co mi' nuhu' pain ca taramaja mi' ac i ma' hun ta.

1Pedro 5:11

Na e' na pain ca tomi' querec te xun pain ca hwara' opa cara nucun ta. Amém, iri'o' na ca tomi' ne ta.

2 Pedro 3:18

Xuruxut xo' xuruxut xo' tiquin' e' je, ma' ta querec pin' hun Taramaxicon nexi' Jeju Cristo co to' witan napari' cwa', co xiram pa' e' napari' cwa'. Tomi' hwet xin ca awi nucun pain xocori ca', tomi' hwet cara xin ca awi nucun pain oro xec ca maqui' ta' ma' quem. Amém, iri'o' na ca tomi' ne ta. Je i ca' ca xirao' ne ca'.