Efésios 3:2 - Tradução Bíblica Pacaas Novos

² Om ca taxi' mahu' pain ca mi' capa' pain ca taramaja wa Iri' Jam cwa' ra, pain ca pijim' hwet roron pain ca xiram pa' tamana toton oro wari' co om judeu nana ta napa' pahu' ra? Taxi' mahu' pain ca tomi' ac i ma' capa' ca' ira.

Efésios 3:2 Iomraidhean Croise

Atos 13:2

Ac i ma' ac i ma' nana, cut in ac xucucun na pain ca tomi' xun cocon Iri' Jam. An to xin ca cao' wa, ma' ta momon tomi' e' xun Iri' Jam ta nana, ara ac cacain na. Pain ca tomi' cocon ma', tomi' ho' pan ac cocon na Tamataracon Iri' Jam: An to ni mi' xine con Barnabé con Saulo ma'. Ma' na ca taramaja wa ca ara je toton ta. Ac i ma' na ca tomi' cocon Tamataracon Iri' Jam.

Atos 13:46

Tomi' mip pan ac cocon na Paulo con Barnabé ma'. Om ca tomi' jin' camain' caca, tomi' ca' tata: Na e' na pain ca pijim' cain' xihwe pain ca judeu hwe ma'. Je ca pijim' urut pahu' ca', pijim' urut pahu' pain capijacon Iri' Jam con Jeju. Ane noc hwein ne. Je ca querec pin' xihwe pain ca om na ne pain ca mi' xihwe pain ca e' cara wa ta. Je ca in ca' xim urut pahu' ca'. An to pin xut pahu'. Pijim' e' xut cocon co om judeu nana cwa'.

Atos 22:21

Om na ta ac capa' na. Mao ra, mao rain pira inem. Tomi' hwet ne cocon oro wari' co om judeu nana inem ta napa'. Ac i ma' na ca tomi' cocon oro wari' Paulo ma'.

Atos 9:15

Om na ta Ananias ac con na Taramaxicon nexi'. Mo hwet ron Saulo cwain. Wara tora' inon. Mi' ton inon pain ca taramaja mi' capa'. Tomi' hwet tarapa' cocon oro wari' co om judeu nana, wiricoco oro taramaxicon nucucun quem. Tomi' hwet tarapa' cocon oro wari' nein Israel ma' quem.

Romanos 1:5

Tomi' hwet jein capija naparut Iri' Jam pane, pain ca taramaja mi' jun Jeju ta caparut pane. Awi tamana na ca taramaja mi' tocwa quem, pain ca tomi' hwet xine capijacon ca'! Wirico Jeju co mi' naparut pain ca taramaja mi' urut con ca'. Ma' ta howa cacapa' oro wari' pain oro xijein macan' ta naparut. Ma' ta tomi' ha' cacapa' quem naparut.

Romanos 11:13

Tomi' ho' xuhu' pain ca om judeu hwe ma' quem: Apóstolo ra napa' Iri' Jam pane, tomi' hwet rain ca tomi' ta' ta' ca' napa', pijim' hwet roron pain oro co om judeu nana ta napa' pane. Tomi' querec te tamana inon pain ca mi' capa' pain ca taramaja ne ca'. Tama' tomi' ca' inonon oro win ma' ta' cwa' quem: Tomi' napa' Iri' Jam pane, pijim' roron oro co om judeu nana ta napa' pane inonon oro win judeu ta' cwa'.

Romanos 12:3

Je ca tomi' xuhu' ca': Hu xim inuhu', hu hu pi' pin xim inuhu', xi om ne ca hu roron ara capa' Iri' Jam pahu'. Ta coromicat mi' xujuhu' pain ca awi ina, taxi' tamana ina wa me. Coromicat xo' je, querec pin' jein ca taramaja taxi' wa ca mi' cuhu' Iri' Jam ma', pain ca taramaja mi' taxi' hun ma'. Win ne ca mi' pan cuhu' pain ca howa hun ma' quem.

1 Coríntios 4:1

Je ca tomi' xuhu' ca'. Na e' na pain ca querec pin' querec pin' pi' pin maparut pain ca taramaja mi' urut con Cristo ta. Querec pin' xut pain ca mi' pan caparut pain ca taramaja nuxut pain ca tomi' hwet jein ca coromicat xo' nucun Iri' Jam ca om an hwet querec ca pane caparut quem.

Gálatas 1:13

Wara taraju mahu' pain oro ca ara ta' pain cara pane, pain ca tomi' ha' taxipa' tain oro ca tomi' ha' caca oro win judeu ta' pane. Taxi' mahu' pain ca ja' tequi' ja' tequi' quep em' toton oro wari' nucun Iri' Jam co cut in xucucun pain ca howa cocon Jeju pane. Om ca xiram pa' camain' toton, howa maho' jun Jeju ta inonon, to' om to' om pi' pin toton ta inonon ira.

Efésios 1:10

Ca' na ca param nucun ca om an hwet querec ca ira: Maqui' iri tara xec nein ca wara an pe xo' ta' ne, cut in xo' cut in xo' pi' pin ac toton tara oro wari' co to nanain pawin je macan' ma', querec joc mam' mi' ac toton tara con Cristo, taramaxicon pe ho' pan ac cocon tara quem. Ac i ma' tain oro carawa quem, cut in xo' pi' pin tain, querec joc mam' mi' ac tain tara con Cristo, taramaxicon pe ho' pan ac cain tara quem.

Efésios 3:7

Hwara' opa pe ho' napa' Iri' Jam pane, xi xiram pa' ara capa' pain ca mi' capa' pain ca taramaja ne ca', pain ca pijim' hwet roron pain capija con Panxita' oro wari' ta capa' pane.

Efésios 3:8

Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

Efésios 3:9

Tomi' napa' Iri' Jam co tomi' ma' tomi' ma' pi' pin nain oro carawa jimao pane: Om paxi' na ca an hwet mi' toton cocon oro hwanana ca coromicat an pe xo' ne con Cristo pain cara pane napa'. Ane tomi' ac i ca' capa' pain xocori ca' ne: Tomi' xo' ho' roron oro wari' pain ca ara pin tain ca coromicat xo' ne con ne napa'. Ma' ta taraju pa' taraju pa' pi' pin cacain ta napa'.

Efésios 4:21

Tomi' hwet ara xi' urut pahu' con, hu xo' ara xi' urut pahu' pain ca pijim' nucun Jeju ca iri'o' quem.

Efésios 4:7

Ane om xica' pe ne ca taramaja nexi' ca mi' capari' Cristo ne. Mi' mi' xam' napari' pain oro xijein ca taramaja taxi' wa. Mi' pan napari' pain ca param nucun. Om xi mi' capari' pain, xi iri' wari' iri' ta. Ane xiram pa' pan e' capari' ne. Mi' pan xuhu' pain napari'.

Colossenses 1:4

Xi om ne ca taraju ara urut pahu' pain ca howa hun Cristo Jeju ta. Taraju urut pahu' pain ca tomi' querec te tomi' querec te pi' pin huhun oro wari' nucun Iri' Jam quem.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

1 Timóteo 1:11

Ca pijim' nexi' ca', maqui' nain capijacon Iri' Jam con Jeju cwa', pain ca to' witan xim capari' ca'. Iri' Jam ma', co in ac iri' cwa', co awi tamana cwa', wirico co an hwet mi' napari' pain ca pijim' nexi'. Pijim' rain ta napa' quem.

1 Timóteo 1:4

Pijim' maho' jein oro ca pijim' ximama' wa ca pijim' caca oro hwanana ta roron inem cocon pane. Mam' pe wet ximama' maho' jein oro wixicocon quem roron ta inem cocon pane. Pain ca pijim' ximama' tococwa oro hwanana, je pain ca mam' pe wet ximama' xine oro wixicocon ma' quem, je ca maqui' ne ca mana' caracan ximama' wa. Oro ca pijim' ximama' nucucun ma', om ca to' querec pin' camain' capari' con Iri' Jam pain ca to' witan xim capari' ca'. Xica' pe na ca howa nexi' ca' con, je ca to' querec pin' capari' pain ca to' witan xim capari' ca'.

1 Timóteo 2:7

Je ca wari' ne capa' pain ca apóstolo ra capa' pane. Pijim' hwet mi' roron pain capija oro wari' co om judeu nana ta napa' pane. Je ca na e' ne pain ca pijim' hwet toton pain capijacon Iri' Jam. Na e' na pain ca ca' na toton pain capijacon ca iri'o' con Jeju ta. Om ca mixein ta', tomi' iri'o' ina ta.

2 Timóteo 1:11

Capijacon ca tomi' hwet napari' con Cristo Jeju ca', je ca pijim' ra capa'. Apóstolo ra, tomi' hwet roron pain capija oro wari' napa' pane. Tomi' xo' roron pain oro capija ca iri'o' quem napa' pane.