Biblia Todo Logo
Bìoball air-loidhne

- Sanasan -




Efésios 3:19 - Tradução Bíblica Pacaas Novos

19 Om paxi' na ca querec pin' ac urut con Cristo pain ca om noc camain' caparut. Xi noc camain' caparut ta inon pahu'. Ane tomi' cara xim cocon ne, mi' roron pain ca querec pin' cocon Cristo pain ca om noc caparut. Ma' ta an xiho' quequem pain iri' xumum ta, ac i ma' na ca tomi' ton Iri' Jam pahu'.

Faic an caibideil Dèan lethbhreac




Efésios 3:19
24 Iomraidhean Croise  

Param mi' tata pain ca awi wa oro wari' co ac ca pe' caca na pain ca jain jain cacain ca awi nucun Iri' Jam ma', je pain ca tama' hohot xuxun Iri' Jam na caca ma'. Wiricoco ara xi' nana co mi' pan xun wawa pain ca hohot cocon ta.


Om ca noc camain' capari'. Xiram pa' xiram pa' pi' pin napari'. Xiram pa' ho' xiram pa' ho' napari'.


Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.


Ma' tara wari' co to' om pin taxi' nain ca om noc capari' Cristo ra? Om na ta. Om na wari', om na carawa ca to' om pin taxi' nain ca om noc capari' Cristo. Mo ta to' i'ina capari' oro carawa ma', je tara i ma' ca to' om pin taxi' nain ca om noc capari' Cristo ra? Mo ta jain jain iri' pain oro carawa ca ara napari' ca', mo ta ja' tequi' quep em' cacapari' oro wari' pain ca howa xun Iri' Jam cwa' quem, je tara i ma' ca to' om pin taxi' nain ca om noc capari' Cristo ra? Mo ta om capari' carawa ca cao' wa ca', mo ta om capari' wom cwa' quem, je tara i ma' ca to' om pin taxi' nain ca om noc capari' Cristo ra? Mo ta ma' capari' carawa ca to' cono' pin xim napari' ca', mo ta to' parapa' pin xim cacapari' quem, je tara i ma' ca to' om pin taxi' nain ca om noc capari' Cristo ra?


Oro carawa ca to nain pawin cain, oro carawa ca to nain macan' ca' quem, om ca to' om pin taxi' nein ca om noc capari' Iri' Jam. Om na carawa ca to' om pin taxi' nein ca om noc capari' Iri' Jam ta. Pain ca om noc capari' Iri' Jam cwa', wirico Taramaxicon nexi' Cristo Jeju co an hwet mi' napari' pain ca om noc capari' ta.


Ac ca cuc cuc caparut na Cristo cwa', pain ca pijim' xixi' na urut ca', xi querec pin' ara urut con pain ca om noc tamana capari' ta. Taxi' urut con pain ca mi' pin caho' capari'. Xica' pe xat paxi' na, ane mi' pin caho' mi' pin caho' xam' capari' ne. Je ca ac ca cono' cono' pi' pin iri' ne quem.


Ac ca mi' pin wi ta' na con Cristo quem, pain ca mi' pin pe cain panaxicon pane. E' e' wet paxi' ina, ane om e' pan ta' ne. Wirico Cristo co e' pe ho' napa' pain cwere. Tomi' ha' e' inain ca param nucun. Pain ca e' e' wet ta' pain macan' ca', howa cara inon Panxica Iri' Jam co om noc napa' cwa', co om nain ho' xucun pata' pain ca mi' pin caho' xim ta capa' ca'.


Curucun iri' pain ca howa xun ca'. Wirico co win cwere napari' pain ca mi' capari' pain ca hwara' opa tamana nucun, wirico co mi' napari' pain ca taxi' tamana nucun quem. Pe ho' pe ho' pi' pin nain oro carawa quem.


Mi' roron pain ca querec pin' cocon Cristo pain ca om noc camain' caparut ma' inon pahu'. Oro wari' nem quem, mi' mi' xam' roron pain inon pahu'. Querec pin' wi totoron Cristo pain ca om noc camain' caparut ma', pain ca tomi' querec te tomi' querec te xam' caparut ma' inon pahu'. Querec pin' totoron pain ca wara om noc caparut pain cara pane, pain ca tomi' querec te cara toton caparut quem, pain ca om tomi' querec te paxica' camain' caparut quem inon pahu'.


Ta noc camain' xujuhu' me. Win ca Cristo pain ca om noc qui' capari' pain ca om narain ho' qui' xucun pari' pane, ac i ma' je pain ca om noc xujuhu' me. Mi' pan xucun con Iri' Jam Cristo. Ma' ta mi' pin caho' toton ta non pari' pane. Hohot tamana non Iri' Jam quem, hohot tamana non pain ca mi' pin caho' capari'.


Wahu' quem, pain ca tarama' nuhu', tomi' inuhu' quem. Ta noc hwem manahu' me. Win ca Cristo pain ca om noc capari' pain ca howa xun ca', pain ca om narain ho' xucun pari' pane. Mi' pin caho' ara xi' napari' pane.


Ac i ma' na ca coromicat mi' coromicat mi' pi' pin xuhu' ca'. Hohot na quem, xi tomi' querec te ara xuhu' pain iri' xumu ta. Taramaja wi iri', xi om ne ca quep xiho' quep xiho' xam' ara mahu' pain ca taramaja ne ca mi' capa' Iri' Jam ta. Quep xiho' mahu' pain ca tao' pe cacapa' pain xirinain ca tao' to tao' to to wa ca', quep xiho' mahu' pain ca tomi' xo' toton co tomi' napat nanain capijacon Iri' Jam ca tomi' hwet napari' con Jeju cwa', je pain ca tomi' tomi' na pin toton pain ca iri'o' nein ca' quem.


Mo ta tomi' ac i ma' hun pain Iri' Jam ma', to' om pin ac cain tara ca toron ne xumuhu'. Om ca mam' camain' tocwa wari' co to' om ac i ma' nain ca toron ne ca xumu wa ta, om om na. To' om pin iri tarain ca toron ne xumuhu' ne, querec wet ac cain tara quem. Ac ca narain ho' cain tara pain oro ca toron ximao wa. Mi' turuhu' pain ca coromicat xo' wa quem, xi om ne ca win cwere ara hun Cristo Jeju ta.


Tomi' mi' ac i ma' urut pahu' con, ma' ta xuruxut xo' hwe pain ca howa hun Taramaxicon nexi' ma'. Ma' ta hohot hun pain oro ca ara hwe ma', pain ca ara cara hwein oro ca awi wa ta urut pahu'. Ma' ta horon horon tiquin' hwe pain ca querec pin' hun Iri' Jam ta urut pahu'.


Om paxi' na ca querec hun Jeju pane, ane om noc hun ne. Om paxi' na ca querec hun pain xocori ca' quem, ane howa hun ne. Tomi' querec te tamana hwe con. Mija na, om ca tomi' ac xine ca tomi' querec te tamana nuhu' con ta.


Xuruxut xo' xuruxut xo' tiquin' e' je, ma' ta querec pin' hun Taramaxicon nexi' Jeju Cristo co to' witan napari' cwa', co xiram pa' e' napari' cwa'. Tomi' hwet xin ca awi nucun pain xocori ca', tomi' hwet cara xin ca awi nucun pain oro xec ca maqui' ta' ma' quem. Amém, iri'o' na ca tomi' ne ta. Je i ca' ca xirao' ne ca'.


Lean sinn:

Sanasan


Sanasan