Efésios 3:17 - Tradução Bíblica Pacaas Novos

¹⁷ E' pe ho' tarain ximicocon Cristo ta inon pahu' quem. Win ne ca howa cocon ma' inon pahu'. Mi' roron pain ca om noc camain' quequem je pain ca om noc camain' xucucun quem. Hwara' opa tatara, om ta camara' caca pain ca caracat wa ta inon pahu'.

Efésios 3:17 Iomraidhean Croise

Mateus 13:6

Hwet iri na xina ne, nonoc ac cain na, cono' pin ac ne na quem, xi mama' nein pira caximain ta.

Lucas 6:48

An xiho' non wari' co quep ta' na xirim. Xe' corom ac ca na pain iri' paxicom. Xe' corom xe' corom hwet iri nain pacun ne, cut in xo' ac cain na oro pacun nein caximain xiricon. Ma' ta teren ne nain. Je ca quep pe cain xiricon. Aram aram pan' ac ne na xowi'. Pan' tamana pan' tamana, we' pin iri na com ne, cote ne com pin ac ne na quem. Weweweo in paxi' nain xirim com ma', ane om meo camain' ne ne. Xi tara quep pe ara xine pain pacun ta.

João 14:17

Mam' turuhu' pain Tamataracon. Je tara Tamataracon ca an hwet mi' nuhu' pain oro ca iri'o' wa con Te Iri' Jam. Om ca mi' ac tococwa pain Tamataracon Te oro wari' co om howa nanapa' ma'. Xi querec cacain ta. Om ca querec pin' camain' cacain. Wahu' iri na ne, querec pin' hwein. Xi om ne ca pe ho' ara cuhu' ta. Win cwere turuhu' quem.

João 14:23

Om na ta Judas ac con na. Wari' co om noc napa' ma', tomi' ha' ac cain tara ca tomi' ne. Te ma', om ta noc con quem. Wata', Te quem, hwet ac xut con tara, to ho' ac xut con tara quem.

João 17:23

Win cwere inonon. Win cwere mapa' quem. Ma' ta xica' pe pin ne ximicocon. Ma' ta querec pin' quequem oro wari' co noc nenem ma', ma' ta querec pin' quequem pain ca hwet roron oro wari' pain macan' ta mapa' pane. Ma' ta querec pin' quequem pain ca om noc momon ma' quem. Win ne ca om noc mapa' quem non.

João 6:56

Wari' co cao' nain cwere ca', wari' co toc nain cocu ca' quem, win cwere ac capa' na, win cwere ac ton na quem.

Romanos 5:5

Winim' cara urun. Taxi' urun pain ca om mixein capari' quem. Main mi' xim napari' pain ca wara tomi' pe nucun, xi noc camain' capari' ta. Taxi' urun pain iri' ximixi' ca', pain ca om noc capari' ca'. Tamataracon ca mi' capari' ca', je ca to' taxi' napari' pain ca om noc capari' ca'.

1 Coríntios 3:6

An xiho' urut cocon oro wari' co taramaja nanain xitot ma'. Wata' co oin' nain tocwi pain xumuhu'. Apolo ma' iri na ne, wirico co cam xo' nain. Ane Iri' Jam pan ca co to' tarama' nain ne.

1 Coríntios 8:1

Pain ca xirao' mi' mahu' pane, tomi' querec mahu' pain cwerein carawa ca mi' xine oro caji pacun ca Iri' Jam xi' ma caca oro wari' ma'. Tomi' xo' ho' xim inuhu' pain quem. Taxi' taxi' pi' pin paxi' irin oro caji pacun ca Iri' Jam xi' ma caca oro wari' ma', taxi' irin pain ca om hwara' opa nein. Taraju pa' je e': To' xec xec napari' ca taraju pa' nexi' ca'. Ane to' hwara' opa xijexi' pain ca om noc xijexi' ne.

2 Coríntios 13:5

Noro pan jein xumuhu' ta. Am howa iri'o' hun Jeju, querec pin' pan ac xujuhu' tara. Am xuruxut xo' hwe, am tomi' ha' hun. Om ca querec pin' hun Cristo Jeju pain ca pe ho' cuhu' pain xumuhu' ra? Tara pahu', am om howa iri'o' hun, am om hohot hun quem.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

Gálatas 2:20

Ac ca mi' pin wi ta' na con Cristo quem, pain ca mi' pin pe cain panaxicon pane. E' e' wet paxi' ina, ane om e' pan ta' ne. Wirico Cristo co e' pe ho' napa' pain cwere. Tomi' ha' e' inain ca param nucun. Pain ca e' e' wet ta' pain macan' ca', howa cara inon Panxica Iri' Jam co om noc napa' cwa', co om nain ho' xucun pata' pain ca mi' pin caho' xim ta capa' ca'.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

Colossenses 1:23

Mo ta howa tiquin' howa tiquin' hun Cristo ma', mo ta hwara' opa cara hwe pain ca howa nuhu' ma', mi' ac cuhu' tara pain ca om ma' camain' cuhu' ca to' em' nuhu' ma'. Ta howa ni ca' camain' hwein capijacon Iri' Jam con Cristo me ta. Howa howa tiquin' jein oro ca wara tomi' pe nucun ca ara mi' xim cuhu' con. Wara pijim' xihwe pain pane, taraju hwein. Pijim' hwet pijim' hwet xam' tata pain oro xijein macan' oro wari' quem. Je ca taramaja ne ca' quem. Wata' pain ca Paulo ta' ca', pijim' hwet taxipa' inain capijacon Iri' Jam con Cristo.

Colossenses 1:27

Awi tamana na ca coromicat nucun Iri' Jam ca an hwet pin ca pain xocori ca'. Ac i ca' na ca coromicat mi' cuhu' pain ca om judeu hwe ma': Pe ho' turuhu' Cristo, win cwere turuhu' pain iri' xumuhu'. Wirico co to' taxi' nuhu' pain ca aram aram to ho' xun hun pain pawin cain.

Colossenses 2:7

Win ne pana ca hwara' opa ma', pain ca corom mama' nein paxicom caximain ma', ac i ma' tara pain ca hwara' opa hwe con Taramaxicon nexi'. Horon horon tiquin' je pain ca win cwere hun ma'. Howa mip jein oro ca pijim' xihwe con pane. Tama' tomi' hwet tomi' hwet tiquin' jein ca tomi' querec te nuhu' con Iri' Jam quem.

1João 4:16

Querec pin' urun Iri' Jam pain ca om noc capari' ca'. Howa urun pain ca om noc ac i ma' capari' quem. Om ca noc camain' cocon oro wari' Iri' Jam, je curucun mao na. Oro co an xiho' nonon Iri' Jam pain ca om noc cocon oro wari' ma', win cwere ac cocon na Iri' Jam. Win cwere pan nonon Iri' Jam ma' quem.

1João 4:4

Je ca tomi' xuhu' ca', pain ca ac ca mana panxita' xuhu' ne ca'. Wari' nucun Iri' Jam hwe ta. To' quiji' pin huhun oro co pijim' mixein nana ma'. Xi om ne ca hwara' opa ara ne Tamataracon Iri' Jam ca win cwere nuhu' ta. Hwara' opa tiquin' ca' non Caxicon Jam co win cwere nonon oro co om howa nonon Jeju ma'.

Apocalipse 3:20

Taraju wet xine me. Xat pe inain manain xuruhu'. Tataca ina quem. Mo ta taraju mahu' pain ca corom hwet xim xuhu' ca', mo ta pa mahu' pain, corom hwet ac xuhu' tara, cao' wi ac xijexi' tara ta.