Efésios 3:16 - Tradução Bíblica Pacaas Novos

¹⁶ Ca' na ca tomi' mi' xuhu' con: Mi' roron pain ca hwara' opa caca pain iri' ximicocon, mam' to' hwara' opa roron pain Tamataram inon pahu'. Win ne ca hwara' opa tamana ma pain ca awi tamana ma ma' inon.

Efésios 3:16 Iomraidhean Croise

Mateus 6:13

Narain ho' xut pain ca tomi' querec caparut Caxicon Jam quem. To' witan ca' xut con quem. Wum pan ara xi' na co Iri' Taramaxicon cara ma'. Tama' hwara' opa cara ma quem. Tama' awi tamana na ta cara nenem oro wari' cwa' quem. Amém, iri'o' na ca tomi' ne ta. Ac i ma' je pain ca tomi' xun hun Iri' Jam ta na ca tomi' tococwa ma'.

Romanos 2:29

Om ca judeu ca wari' co tomi' ha' e' nain ca xirao' nucun Moisés ta. Judeu na wari' co iri' judeu pain iri' ximicon ma', co ac ca wac xirac xine na pain iri' ca coromicat nucun. Je Tamataracon Iri' Jam ca wac xirac non ma'. Wari' co wac xirac ac i ma' wa, wirico co hohot napa' ta ca Iri' Jam. Om na wari' co hohot na ta non.

Romanos 7:22

Xi om ne ca tomi' querec te ara tain oro capijacon Iri' Jam ca tomi' ha' ra capa' ta. Tomi' querec te paxi' inain pain ca coromicat ne ca'.

Romanos 9:23

Winim' cara napari', ma' ta an hwet mi' xuhu' pain ca awi tamana ne pain ca hwara' opa tamana ne ca' napari'. Xiram pa' xim napari' pane. Wara an to xo' xim napari' pane. Main mi' xuhu' pain ca awi ne pain ca hwara' opa ne ta napari' pane.

1 Coríntios 16:13

Ma' tara xumuhu' me, hwara' opa cara je pain ca howa hun Jeju Cristo. Ac ximicon hwanana je. Hwara' opa cara je con Iri' Jam.

2 Coríntios 12:9

Ane tomi' ca' capa' ne: Om na, hohot nem pain ca quep xiho' pan xim ca' napa'. Xi querec pin' pan ara xine ca hwara' opa ne pain ca quep xiho' ton wari' co om hwara' opa ta, ac i ma' na ca tomi' capa'. Je ca tomi' querec te ta' ca'. Tomi' xec xec ta' paxi' inain ca om hwara' opa ne ca', xi hwara' opa pe ho' ara capa' Cristo ta.

2 Coríntios 4:16

Je ca om naro urut ca'. Om paxi' na ca hwara' opa mami' ne curuxut ca', ane to' hwara' opa pan caparut pain xumuxut Iri' Jam ne. To' hwara' opa to' hwara' opa tiquin' naparut pain oro xijein xec quem.

Efésios 1:18

Tomi' mi' inuhu' con. Ma' ta mi' cuhu' pain ca taraju pa' wa pain iri' xumuhu' ma'. Ac ca toha mi' cuhu' tara pain ca coromicat nuhu'. Ma' ta querec pin' hwein oro ca howa iri' ca', ca mi' toton capari' pain ca xo' howa xine qui' capari' pain ca wari' ne capari' pane.

Efésios 1:7

To' witan ca' napari' pain ca caracat nexi' Cristo. Xi ao mao ara ne quicon pain ca mi' pin caho' capari' pane. Je ca xic am pin cain ca caracat nexi' Iri' Jam quem. Xiram pa' tamana e' napari' ta.

Efésios 2:7

Ac i ma' napari' Iri' Jam pane. Ma' ta querec pin' cara mahu' pain ca xiram pa' tamana xuhu' ca', pain ca mi' xuhu' pain ca win cwere pin hun Cristo Jeju ta napari'.

Efésios 3:15

Te Te pi' pin urun pain ca to to wet xin macan' ca', te te pi' pin nonon oro co to pin nanain pawin ma' quem.

Efésios 3:8

Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

Efésios 6:10

Tomi' xim inuhu' pain i ca' quem: Win cwere cara jun Taramaxicon nexi' ta, ma' ta to' hwara' opa cuhu' ca hwara' opa tamana nucun.

Filipenses 4:13

Quereme quereme pi' pin inain oro ca ara napa', xi om ne ca wirico ara ca co to' hwara' opa napa' ta.

Filipenses 4:19

Iri' Jam ne cwa', co taramaja mi' ta' cwa', mija tamana na oro caramaxicon. Je ca ha' con pain ca mi' mi' pi' pin xim cuhu' pain oro ca param nuhu' pain ca ximin nuhu' ma'. Xi om ne ca win cwere ara hun Cristo Jeju ta.

Colossenses 1:11

Param urut con Iri' Jam pain ca to' hwara' opa cuhu' ma', mam' to' hwara' opa turuhu' pain ca hwara' opa pan nucun. Ma' ta tomi' querec te cara hwe pain ca quereme hwein oro ca to' i'ina nuhu', je pain ca om toron ne xumuhu' pain quem urut pahu'.

Colossenses 1:27

Awi tamana na ca coromicat nucun Iri' Jam ca an hwet pin ca pain xocori ca'. Ac i ca' na ca coromicat mi' cuhu' pain ca om judeu hwe ma': Pe ho' turuhu' Cristo, win cwere turuhu' pain iri' xumuhu'. Wirico co to' taxi' nuhu' pain ca aram aram to ho' xun hun pain pawin cain.

Colossenses 2:2

Jain jain inuhu', ma' ta hwara' opa hwe pain xumuhu' ta inuhu'. Ma' ta xica' pe ne xumuhu' pain ca tomi' querec te caracan xujuhu' ma' inuhu'. Ma' ta taraju pa' taraju pa' pi' pin hwein ca coromicat nucun Iri' Jam ca om taraju pa' hwe con Cristo ira inuhu'. Ma' ta querec pin' iri'o' hun ta inuhu'.

2 Timóteo 4:17

Paca' pin paxi' nanapa' pane, ane pe ho' pan capa' Taramaxicon nexi' ne. To' hwara' opa napa' quem. Ma' ta ara ara pi' pin main ca taramaja nem pain ca pijim' main oro capija ta napa', ma' ta taraju cacain ca pijim' nem oro wari' co om judeu nana ta napa' quem. To' witan napa' quem. Om ca to' pa' pin cacapa'. Ac ca to' witan ca' capa' na con copacao' ta.

Hebreus 11:34

Ma' nana xucucun co wap jo' pin nanain cote ne xe. Ma' ac caca na xucucun co witan ca' nonon wari' co to' parapa' pin xun nonon pain cote ne quit. Ma' ac caca na xucucun co om hwara' opa nana, aram aram hwara' opa pin ac caca na quem. Mi' tata pain ca to' quiji' pin cocon oro soldado nucucun tatirim co mixita xun nonon, ja' wawaran pin ac tococwa na quem.

1Pedro 3:4

Ca awi nuhu' ma', maqui' pan tarain xumuhu' ma', pain ca om xec xec nuhu' je pain ca tacana pe ne iri' xumuhu' ma'. Om ca pi' ra ha' ne ca awi nequem narima' co awi ac i ma' ma'. Querec awi tamana non Iri' Jam quem.