Efésios 3:11 - Tradução Bíblica Pacaas Novos

¹¹ Wara coromicat xo' ac i ma' na Iri' Jam pain cara pane, pain ca om quep querec cain macan' pane. Ara nain quem, ara pin nain ca coromicat nucun pain ca mam' capari' con Taramaxicon nexi' Jeju Cristo.

Efésios 3:11 Iomraidhean Croise

Romanos 9:11

Tomi' ac cam na Iri' Jam pain ca om camara' querec caca humaxicam pane. Ca' nam pane: Pije' co pan' cain' ma' pum, taramaja mi' toron coxa' ca co pan' qui' pa'ao', ac i ma' nam pane. Om ca camara' querec caca humaxicam, om ca ara querec cacain ca awi wa, om ca ara querec cacain ca pan tem wa quem. Tomi' ac i ma' e' nam Iri' Jam, ma' ta tora' ton co wara coromicat xo' ta' cwa', co wara tora' pe ta' cwa', ac i ma' nam. Je ca tora' con co pan' qui' pa'ao' pane. Param pan inon ta non Iri' Jam. Om ca param ton pain ca ara pan ca ma' non. Param pan inon ta na, je ca tora' ton ca' nam pane.

Gálatas 5:24

Wari' cwa', pain ca wari' ne pin capari' Cristo Jeju cwa', om ca ara mami' xin ca param pan nexi'. Ac ca to' pa' pin xin na ca param pan nexi'. Oro ca param ximama' nexi' ca', je oro ca win xumu ximama' xin ca om awi wa ca', ac ca tatatain mi' xin na pain panaxicon Cristo.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.

Efésios 1:4

Wara tora' napari' Iri' Jam pain cara pane, pain ca om tomi' ma' querec qui' cain macan' je oro carawa pane. Xi om ne ca win cwere ara xun Cristo ta. Tomi' ca' napari' pane: Iri' wari' ne inuhu'. Om ca ma' camain' cuhu' ca caracat wa pain ca querec joc mam' mi' xuhu' con Panxita' cwa' ta napari' pane. Om ca noc capari'.

Efésios 1:9

Je ca ara pin cain ca wara coromicat an pe xo' ca pane. An hwet mi' ac capari' na pain ca param nucun ca om an hwet querec ca ira. Wirico Cristo tara co ara mi' nuhu' pain napari'.

Efésios 3:1

Je ca tomi' mi' xuhu' con Iri' Jam ca'. Wata' pain ca Paulo ta' ca', pe inain xirinain ca tao' to tao' to to wa ca'. Xi om ne ca taramaja mi' ara ton Cristo Jeju pain ca quep xiho' xuhu' pain ca om judeu hwe ma' quem.

2 Timóteo 1:9

Wirico co to' witan napari', wirico co tora' napari', iri' wari' ne napari' quem. Om ca mam' to' witan capari' pain carawa ca awi ca ara xi' paxi' iri', om na. Mam' to' witan napari' pain ca param pan nucun. Mam' to' witan napari' pain ca xiram pa' pan capari' quem. Om xi xiram pa' capari', xi iri' wari' iri' ta. Ane wara xiram pa' qui' capari' pain cara pane ne, pain ca om tomi' ma' pin querec cain macan' pane, wara coromicat an pe xo' mi' napari' pain ca xiram pa' nucun. Main to' witan turuhu' Cristo Jeju cwa' napari', ac i ma' tara ca xiram pa' xuhu' ta napari' pane.