Efésios 2:8 - Tradução Bíblica Pacaas Novos

⁸ Je ca tomi' xuhu' ca': To' witan e' nuhu' Iri' Jam pain ca xiram pa' nucun pahu'. Xi om ne ca howa ara hun ta. Om ca mam' to' witan cuhu' pain carawa ca awi ca ara xi' paxi' hwe ma', om na. To' witan e' pan nuhu' ta.

Efésios 2:8 Iomraidhean Croise

Mateus 16:17

Param mi' nem pain ca awi wa Iri' Jam ta Simão panxica João ac con na Jeju. Xi wari' ca co an hwet mi' nem pain ca tomi' nem ma', pain ca Cristo ma ta mapa' ma', pain ca Panxica Iri' Jam ma ta mapa' ma'. Te ma', co pe pawin cain, wirico co an hwet mi' nem pain ca tomi' nem.

Mateus 20:9

Caram ma' co xo' taramaja nanain irawin ma', an xica' an xica' xam' ac cacain na denário.

Marcos 16:16

Tomi' ac tococwa na: Wari' co howa ma', co ja' com ma' quem, to' witan ca' ac tocwa tara pain ca caracat nucun. Wari' co om howa ma' iri na ne, em' ma ta ac tocwa tara, wap tamana ac tocwa tara ta.

Lucas 7:50

Tomi' ac cam na narima' Jeju: To' witan ca' xima pain ca caracat nem ta, xi om ne ca howa ara mapa' ta. In mao ra. Ta toron mami' ne xumum me ta nam.

João 3:36

Om ta pi' ra ha' ne ca e' nucucun oro wari' co howa nonon Panxica. To ho' cara totoron Iri' Jam pain pawin. Oro wari' co om tomi' ha' nonon Panxica cwa' iri nana ne, om ta to ho' cocon Iri' Jam pain pawin. Mana' pan ac tococwa tara, wap tamana cara ac tococwa tara quem.

João 4:10

Om na, mo xi querec pin' main carawa ca mi' xim quem Iri' Jam ca', mo xi querec pin' mapa' pain ca cam mi' ne pain com xim ca' quem, cam mi' ne pain com pan ac mapa' xira, mi' ac xim xira pain iri' com ca to' e' cara nain ca wari' wa ta ac cam na.

João 5:24

Je ca tomi' xuhu' ca', tomi' iri'o' inuhu' ta ac tococwa na. Oro wari' co taraju wet nanain capija ca', oro wari' co howa nonon Te pain ca hwet roron oro wari' ta capa' ca', ma' ac cocon na ca om pi' ra ha' ne ca e' wa pain pawin cain. Om ta wap tococwa pain ca caracat nucucun. Wara witan ca' nanain ca cono' wa. Wara ma' nonon ca om pi' ra ha' ne ca e' wa pain pawin cain.

João 6:35

Om na, wata' co Iri' Capam' ca mi' nain ca e' cara wa ta. Win ne ca to' e' cuhu' capam' pain ca cao' hwein ma', ac i ma' ina pain ca to' e' cara xuhu' ca' quem ac tococwa na. Wari' co hwet napa' ma', wari' co howa napa' ma', om ta jain jain mami' cain oro caramaji macan' ca to' e' non ma'. Ac ca om cao' xita' na mami' ca tara, ac ca om toc xita' na mami' ca tara pain ca mi' pan ton pain carawa ca to' hohot non con Te ta.

João 6:37

Mi' xim iri tarapa' cocon oro wari' Te ne, howa howa pi' pin ac cacapa' tara. Om ta tomi' in pin camain' toton co howa xim nanapa' ma'.

João 6:40

Je ara xi' na ca param pan ca Te ma': Oro wari' co querec pin' nanapa' pain ca panxita' capa' ca', oro wari' co howa nanapa' cwa' quem, param tata pain ca e' cara caca pain pawin. Maqui' pin iri tara xec nein ca pi' pin ta' ne macan' ca' ne, to' e' mami' ac toton tara quem na ca tomi' tococwa ma'.

João 6:44

Te ma', co hwet roron oro wari' ta napa' pane, wirico co tomi' tomi' na nonon oro wari' pain ca howa jun Panxita' cocon ma'. Mo ta om tomi' tomi' na cocon pata', om ta howa cacapa'. Om om tatara oro wari' co howa nanapa' pain ca om howa jun Panxita' tococwa ma'. Co howa xim nanapa' ma', to' e' mami' ac toton tara pain xec nein ca pi' pin ta' ne macan' ta.

João 6:65

Je ca tomi' xuhu' ne ac tococwa na. Oro wari' co howa xim nanapa' ma', mo ta om mi' cocon pain ca howa wa Te Iri' Jam ma', om ta howa ac cacapa' ta ac tococwa na.

Atos 13:39

Taraju pa' jein i ca' quem: Wari' co howa non Jeju ma', to' hohot pin ac tocwa na. Ac ca tomi' pan con na Iri' Jam: Hohot pin mapa'. Querec querec ac wari' co om caracat ta mapa', xi om ne ca howa ara mon Jeju ta non. Oro ca xirao' nucun Moisés cara pane, tomi' ha' cara paxi' xixin. Ane om to' hohot taxi' capari' ne. To ho' cara napari' ca caracat nexi' ta.

Atos 14:27

Tan' mama' iri nanain Antioquia ne, tomi' cut in ac tococwa na co howa nonon Jeju ma'. Tomi' hwet ac tococwa na pain oro ca ara pan ca Iri' Jam ma', pain ca quep xiho' cocon pain ca pijim' cacain capijacon ma', je pain ca mi' pan tococwa pain ca howa wa oro wari' co om judeu nana ma' quem.

Atos 15:11

Om ca to' witan camain' capari' ca tomi' ha' wa oro ca xirao' nucun Moisés ta. Ca' na ca howa iri' ca': To' witan pan napari' Taramaxicon nexi' Jeju ma', xi om ne ca xiram pa' pan ara capari' ta. Om xi to' witan capari', xi iri' wari' iri' ta. Ane xiram pa' e' capari' ne. Je ca witan iri' ca'. Je ca witan caca oro xerexi' co om judeu nana ma' quem. Ac i ma' na ca tomi' cocon Pedro ma'.

Atos 16:14

Pe nain i ma' narima' co taraju wet naparut quem. Lídia na wixicam. Maqui' nain Tiatira, je i ma' wixinain cidade nequem. Vender taxipa' non wom co awi tamana. Iri' wom cam, ca paca' nucun womicocon co caramaju nana ma', wirico co vender taxipa' cama ma'. Wara tomi' ha' paxi' non Iri' Jam Lídia ma'. Taraju iri nain ca tomi' nucun Paulo ne, mi' pan ac cam na pain ca taraju pa' wa Taramaxicon nexi', howa pin ac cama na.

Atos 16:31

Om na, howa ron Taramaxicon nexi' Jeju ta. Witan ac ma tara ta ac cocon na. Ac i ma' tatara oro win ma' ma co to ho' nenem pain xurum ma' quem, mo ta howa cocon Taramaxicon nexi' ma', witan ac caca tara quem nonon.

Romanos 10:14

Je ca tomi' xuhu' ca': Ma' tara wari' co quep xiho' ne ta ac non pain ca om howa querec con ra? Ma' tara wari' co howa ac non pain ca om taraju querec con ra? Ma' tara wari' co taraju ac na pain ca om pijim' tocwa ra?

Romanos 10:17

Je ca tomi' xuhu' ca': Howa urun Cristo, xi om ne ca ma' ara ca wari' co pijim' mi' napari' con. Oro wari' co taraju nanain ca pijim' tocwa Cristo ma', taraju e' nana pain ca pijim' mi' tococwa pain capijacon Iri' Jam ta.

Romanos 4:16

Je ca wara tomi' pe con Abraão Iri' Jam pane. Howa iri non ne, wara tomi' pe ac con na. Ma' ta querec pin' mapa' pain ca tomi' iri'o' xim ca', pain ca ara mi' e' xim pain ca wara tomi' pe ne ca' non pane. Ara mi' e' xim pain, xi om ne ca param ara tain pum, ac i ma' na ca wara tomi' pe con pane. Ara mi' e' toton pain waram winam ma' quem, ac i ma' non pane. Je ca tomi' xuhu' ca'. Om ca tomi' e' tococwa waram winacon co judeu nana ma', co tomi' ha' nanain ca xirao' nucun Moisés ma'. Tomi' napari' pain ca an xiho' xun Abraão pain ca howa nucun ma' quem. Hwanana ne hwanana ne pi' pin ara xi' urun Abraão ta.

Romanos 4:5

Ane om ac i ma' ne con wari' co howa e' non Iri' Jam ne, co om howa nain ca ara ara pan nucun ma'. Tomi' ca' na: Howa inon Iri' Jam. Wirico co to' hohot pin non wari' co caracat pain ca miri'om con ma', ac i ma' na ca tomi' nucun. Tomi' ac tocwa na quem, tomi' non Iri' Jam: To' hohot pin inem, xi om ne ca howa ara mapa' ta non.

Romanos 9:16

Je ca tomi' xuhu' ca': Mo ta tora' ton wari' ca Iri' Jam, tora' ac con na co param pan ca. Wari' co tora' wa ma', om ca tora' tocwa pain ca param pan nucun. Om ca tora' tocwa pain ca ara pan nucun quem. Wirico Iri' Jam co tora' pan non, maqui' pan nain ximicon, xi om ne ca quep xiho' pan ton ta ara ca ta.

Gálatas 3:14

To' witan ca' napari' pain ca tomi' noro nucun Iri' Jam Jeju Cristo, ma' ta hwet cocon ca wara param mi' tocwa Abraão oro wari' co om judeu nana ta na pain ca param mi' toton pain ca awi wa oro co howa nanapa' ta tococwa. Ma' ta mi' xuhu' pain ca wara tomi' pe ne ca', pain ca mam' mi' xuhu' pain Tamatara pain ca howa hun Cristo ta napari' Iri' Jam quem.

Gálatas 3:22

Ane xirao' pe ca' xine capijacon Iri' Jam ne: Caracat caracat pi' pin nana oro wari' ta napari'. Ac ca quep xat capari' na ca hwara' opa nein ca caracat wa. Ma' ta ara mi' xuhu' pain ca wara tomi' pe mi' xuhu' ca' napari' Iri' Jam. Mo ta howa hun Jeju Cristo, ara mi' ac xuhu' tara pain ca wara tomi' pe mi' xuhu' ca' napari'.

Efésios 1:19

Ma' ta querec pin' hwein ca hwara' opa tamana nucun ca taramaja pe ho' napari' pain ca howa xun ca' quem. Ca hwara' opa nucun ca', ca pe ho' napari' ca', je ca mam' to' e' pin con Cristo pane. Je ca mam' mi' con pain ca xao pe ho' pin con pain iri' curucun pain pawin cain.

Efésios 2:10

Wirico ara xi' na Iri' Jam co to' xocoricon wari' pin napari' pain ca win cwere pin xun Cristo Jeju. Ma' ta ara hwein ca awi wa ca wara coromicat an pe mi' xuhu' pane napari' pain ca ara tatarain ta capari' pain cara pane.

Efésios 2:5

Cono' pin paxi' iri' pane, xi tomi' ha' xun ta. Ane to' win cwere pin capari' con Cristo ne. Mi' ac capari' na pain xocori ca e' wa. Om xi to' witan cuhu', ane xiram pa' e' cuhu' ne. To' witan e' nuhu' pain ca xiram pa' cuhu' Iri' Jam ta.

Filipenses 1:29

Xi om ne ca xiram pa' ara cuhu' pain ca mi' cuhu' pain ca howa hun Cristo ta. Om ca xiram pa' e' cuhu' pain ca mi' cuhu' pain ca howa hun, xiram pa' nuhu' pain ca mi' cuhu' pain ca to' i'ina cuhu' oro carawa pain ca howa hun quem.

Colossenses 2:12

Ja' iri xihwe pain com pane ne, ac ca cut corom to wi xihwe con na, ac ca e' mami' wi hwe con na quem. Xi om ne ca howa ara hun Iri' Jam pain ca hwara' opa nucun ma', pain ca ha' con pain ca to' e' mami' con Cristo pane.

2 Tessalonicenses 1:9

Em' hwe, mama' jein cote ne xe cain xun iri tata ne, jain jain cara ac caca tara. Om ta pi' ra ha' ne cocon. To ni ca' totoron Taramaxicon nexi'. Om ta querec camain' cacain ca toc meremem nucun ca to' querec pin' napari' pain ca hwara' opa tamana nucun.

Hebreus 6:4

Tomi' xuxun oro wari' co wara taraju pa' paxi' nanain capijacon Iri' Jam ma', xi om ne ca toha mi' ara tococwa pain naran nucun pain ca coromicat nucucun ta. Wara querec pin' paxi' nanain oro ca mi' xim capari' Iri' Jam. Wara meo paxi' nonon Tamataracon quem.

1Pedro 1:5

Querec wet xo' nuhu' quem, xi om ne ca howa ara hun ta. Mam' querec wet xo' nuhu' pain ca hwara' opa nucun. Querec wet xo' querec wet xo', aram aram maqui' pa' ac cuhu' tara xec nein ca to' witan pin toton cuhu' ma'. Wara awori xo' na, winim' e' nain xec nein ca an hwet mi' toton cuhu' pain ca param nucun ma', pain ca to' witan pin toton cuhu' ma'.