Efésios 2:3 - Tradução Bíblica Pacaas Novos

³ Je cwerexi' pane quem. Ac i ma' ac i ma' pi' pin iri' pane ira. Ara e' irin ca param ne cwerexi'. Tomi' ha' e' irin ca param pan teretem ne cwerexi' pain ca coromicat pan teretem nexi'. Wap xim napari' Iri' Jam pane quem. Win ne ca wap wap pi' pin tococwa oro wari' co pan teretem nana ma'.

Efésios 2:3 Iomraidhean Croise

Marcos 4:19

Ane coromicat ni ca' cacain ne. Ma' pin iri na oro ca to' i'ina nonon ne, toron ximama' ac ne na ximicocon. Caramaju xixi' na nana quem. Mo xi quep xiho' cocon oro caramaji macan' ca', ane om quep xiho' cocon ne, mixein e' nonon. Win xumu e' nanain oro ca param nucucun quem. Ac ca mo' nein na capijacon Iri' Jam oro caramaji macan' pain ximicocon. Ac ca om wina ne na, xi to' xucun wari' tococwa pain ta.

João 1:13

Om ca to' mana panxica Iri' Jam tococwa cocon oro hwanana nucucun. Om ca to' mana panxica Iri' Jam tococwa cocon cote caca cacam jicocon pain ca ma' xirapari' pije' na cacama. Om ca to' mana panxica Iri' Jam tococwa cocon cote caca pain ca wanxi' tococwa quem. Wirico Iri' Jam pan na co mi' nonon pain ca mana panxica pin caca ma'.

João 8:44

Te hun Caxicon Jam ma' ira. An xiho' hun quem. Wara to' pa' taxipa' non wari' pain ca xo' quep qui' xine macan' pane, mao ac ne ma' na con, je curucun mao na. Noc nain ca tomi' iri'o' wa. Om ca tomi' iri'o' taxi' ca. Tomi' mixein iri na ne, ara e' nain carawa ca maqui' nain ximicon. Xi tomi' mixein taxipa' ara ca ta. Wirico co ja' tomi' mixein nonon oro wari' co tomi' mixein nana ma' quem.

Atos 14:16

Om paxi' na ca tomi' in pin cocon oro wari' pain oro xijein macan' Iri' Jam pain cara pane. Om ca narain ho' tococwa pain ca howa ximama' nucucun pane. Xi querec pin' pan cocon pane ta.

Romanos 1:24

Je ca pin caca ma' ne cocon Iri' Jam ma'. Mo ta param ximama' hwein oro ca om awi wa ma', je i ma' pahu' ta nonon, quep ximama' ac caca na, mija nana. Wixipa' ara xi' wa pain ca ara caracan xucucun.

Romanos 11:30

Wahu' pain ca om judeu hwe ma' quem, om ca tomi' ha' hun Iri' Jam pain cara pane, ari hun pane. Ane xiram pa' pin cuhu' pain xocori ca' ne, xi om ne ca ari pan ara caca oro win judeu ta' cwa'.

Romanos 13:14

An xiho' xun Taramaxicon nexi' Jeju Cristo. Win cwere xun, ac ca to xun tara. Win ne ca to xun wom cwa', ac ca to xun tara pain ca an xiho' xun pain oro ca ara nucun, je pain oro ca coromicat nucun. Maho' xin ca coromicat an to xo' wa oro ca param ximao wa ta.

Romanos 2:14

Ma' na xijein quem, cocon oro co om judeu nana ma'. Om paxi' na ca taxi' cacain ca xirao' nucun Moisés. Tomi' ha' ximama' iri nanain ne, pain ca taxi' ximama' ne ximicocon pain ca coromicat nucucun ma', tomi' ha' ximama' iri nanain ne, je ximicocon pain ca coromicat nucucun ca tomi' ha' je nonon ma'. Om paxi' nonon ca xirao' nucun Moisés, ane maqui' nein ximicocon ca tomi' ha' nucucun ne.

Romanos 5:10

Noc paxi' urun Iri' Jam pane ira, ane cut in pan capari' ne. Taxipa' pin ac urun na. Xi mi' pin ara ca Panxica ta. Wirico Panxica co to' taxipa' pin napari' con, taxi' urun. Je ca taxi' mip xun pain i ca' quem, pain ca main to' witan pin xim capari' ca', xi e' ara ca ta.

Romanos 5:9

Je ca tomi' xuhu' ca'. Tomi' ca' napari' Cristo: To' hohot pin nuhu' Te, xi om ne cocu ca ao mao ca' pahu' napari'. Ac i ma' napari' pain ca to' hohot pin capari' ca'. Je ca taxi' xun pain ca narain ho' xim capari' pain ca mana' nucun Cote ca pain ca aram aram mana' toton cocon oro caracat ma'.

Romanos 6:12

Je ca tomi' xuhu' ca': Ta hwara' opa pe ho' cuhu' ca caracat wa pain curuhu' me ta. Ta hwara' opa hwara' opa to' i'ina pin cuhu' pain ca tomi' ha' pin hwein oro ca param ximama' nuhu' me ta.

Romanos 7:18

Taxi' pan xije. Om ca pe ho' camain' capa' ca awi wa, om ca pe ho' camain' capa' ca awi wa pain cwere pain xumu ca'. Ara xo' ta' paxi' ina, ane om ara xo' ta' ne. Om ca ara xo' ac ta'.

Romanos 9:22

Je ca ara ca Iri' Jam quem. An hwet pe tain ca mana' ne pain ca wap toton oro caracat ta paxi' na. Querec tatarapa' pain ca hwara' opa ne oro wari' ta paxi' na quem. Ane winim' cara tococwa oro wari' co wara mana' ta' ca cwa' ne, co wara to' om pin ta' ca cwa' ne. Om ca wap hap tococwa.

1 Coríntios 4:7

Xi awi tiquin' ca' xujuhu' ta. Oro caramaxicon Iri' Jam ca', wirico co mi' nuhu' pain. Je xi om tomi' xec xec qui' hwe quem? Ac ca om querec pin' hun a xira pain ca mi' cuhu' pain ta.

2 Coríntios 7:1

Je ca tomi' urut pahu' pain ca tomi' querec te urut pahu' ca'. Tomi' ac i ma' napari' Iri' Jam pain ca tomi' an pe mi' capari' pain ca tomi' nucun ca'. Na e' na pain ca an to pin xin oro ca to' pan teretem napari' pain cwerexi', je pain ca coromicat nexi' ca'. Na e' na pain ca tomi' ha' xun pain ca in ac xun quem. Win xumu xun pain ca to' hohot pin xim capari' ca'. Ca win xumu ac xun tara, ca win xumu ac xun tara, to' hohot mip ac capari' tara quem.

Gálatas 3:22

Ane xirao' pe ca' xine capijacon Iri' Jam ne: Caracat caracat pi' pin nana oro wari' ta napari'. Ac ca quep xat capari' na ca hwara' opa nein ca caracat wa. Ma' ta ara mi' xuhu' pain ca wara tomi' pe mi' xuhu' ca' napari' Iri' Jam. Mo ta howa hun Jeju Cristo, ara mi' ac xuhu' tara pain ca wara tomi' pe mi' xuhu' ca' napari'.

Efésios 2:2

Pan teretem taxipa' hwe, je curuhu' pane. An xiho' e' huhun oro wari' co om howa nonon Iri' Jam. Tomi' ha' taxipa' hun Caxicon Jam co taramaxicon pe ho' nonon oro caxicon jam co taramaja mi' nonon pain nanawin ma'. Wirico Caxicon Jam co taramaja pe ho' nain ximicocon oro wari' co om tomi' ha' camain' nana cwa', wirico co tomi' ha' hwe pane.

Efésios 4:22

Ca' na ca tomi' urut pahu' pane: An to pin jein wara curuhu' ca ara taxipa' hwe pain ca om howa querec hun Iri' Jam pane. Oro ca param ne wara curuhu' ma', mixein nuhu'. To' em' nuhu'.

Colossenses 1:21

Wahu' ma', pain ca om howa querec hwe pane, to pira ca' hun Iri' Jam. Noc hun pane. Xi om ne ca pan teretem ara hwe pain ca coromicat nuhu', je pain ca xuruxut nuhu' pane ta.

1 Tessalonicenses 4:13

Tomi' xo' xim urut pahu' cocon oro xerexi' co wara cono' nana quem xere. Taraju pa' je e'. Ma' ta om an xiho' huhun oro wari' co om coromicat xo' nana ma', co tara ta'a nana pain ca e' mami' xi' caca co wara cono' nana ma'.

1 Tessalonicenses 5:6

Je ca tomi' urut pahu' ca': Ma' tara ximixi' me. Om ta ara e' xin ca param pan nexi'. Om ta an xiho' xuxun oro wari' co om howa nana ma', co ac ca pi'am caca na pain ca om querec pin' cacain carawa ca maqui' pa' cocon ma'.

1 Timóteo 6:9

Oro wari' co caramaju tamana xixi' na nana ma', caracat ac caca na pain ca tomi' querec tococwa pain oro ca om awi wa. Ac ca quep cocon na oro carawa ca param ximama' caca ma'. To' ara nonon, to' i'ina nonon, aram aram to' om pin ac cocon na quem.

Tito 3:3

Tomi' ac i ca' inem, xi coromicat xo' iri' pain cara pane ta, pain ca om howa querec iri' pane. Win caca oro wari' co om howa nana pain xocori ca' quem. Om na ximixi' pane. Om ca tomi' ha' xun Iri' Jam quem. Hehe e' ururun co mixein nanapari', om ca ari xuxun. Ac ca quep xat capari' na oro ca param pan teretem nexi' pain oro ca waraju nexi' ca hohot napari' pane, om ca miri'om ac xixin. Ximin iri'. Pan teretem e' iri' pane, tama' noc mi' xijexi' pain oro ca ara iri' quem. Noc nanapari' oro wari', noc ururun pane quem.

1Pedro 1:14

Tomi' ha' jun Iri' Jam, win ne ca mana panxita' cuhu' ma'. Ta tomi' ha' mami' hwein oro ca param pan teretem nuhu' ca ara taxipa' hwe pane, pain ca om querec pin' querec hun Iri' Jam pane.

2 Pedro 2:14

Tama' querec param nanam oro narima' ma', quep xitatam na nanam, om ca maho' camain' cacain ca caracat wa. Mixein nonon co om hwara' opa nana pain ca howa nucucun, hohot na pain ca caracat hwe ta tata. Param taxipa' nanain oro caramaxicocon oro win ma' caca, win xumu nanain. Iri' caxicon wari' nana! Wap pan totoron Iri' Jam ta.

2 Pedro 2:18

Xi tomi' xec xec ximama' ara cocon oro co witan ca' xun paxi' nonon oro win ma' caca co pan teretem nana ma'. Hohot na pain ca ara hwein ca param ximama' ne curuhu' ta tata.

1João 2:16

Xi maqui' con Cotere' oro ca param ximama' wa ta. Oro ca param ximao ne ca cwere wa ma', oro ca querec param ximao xine oro carawa ma', oro ca xec xec ximao wa pain oro ca cut xine ma' quem, om ca maqui' con Cotere', om na. Maqui' nonon oro co om howa nonon Iri' Jam.

1João 2:8

Ane xocori ne ca hu nucun ca xirao' mi' xuhu' ca' ne, ac je na. Querec pin' urun Cristo pain ca om noc iri'o' capari', querec pin' xihwe pain ca om noc iri'o' xujuhu' ma' quem. To' om pin ara xi' nain ca jitacat nein xim pain xumuhu' ta. Toha pin nuhu' iri' naran ca iri'o' ta.