Efésios 2:22 - Tradução Bíblica Pacaas Novos

²² Wahu' pain ca om judeu hwe ma', win cwere pin hun Cristo. Quep wi nuhu' Iri' Jam cocon oro xucucun wari' co howa nonon quem. Ma' ta xuru hwe ta nuhu'. Xi om ne ca pe ho' ara cuhu' Tamataracon ta.

Efésios 2:22 Iomraidhean Croise

1 Coríntios 3:16

Om ca xiricon Iri' Jam hwe ra? Om ca corom pe ho' cuhu' Tamataracon ra? Xiricon Iri' Jam hwe ma' ira. Corom pe ho' nuhu' Tamataracon ma' quem, wara taxi' ara xi' hwein i ma' ta.

1 Coríntios 3:9

Je ca tomi' xuhu' ca': Taramaja wi urut con Iri' Jam cwa'. Wahu' iri na ne, ac totacon hwe pain ca taramaja mi' urut pahu'. Ac xiricon hwe quem.

1 Coríntios 6:19

Cain' cain' xihwe quem? Om ca taxi' hwein i ca' ra, pain ca ac xirinain Tamataracon Iri' Jam ne curuhu' ma'? Ac xuru mahu' ta cuhu' Tamataracon Iri' Jam ma' ira. Corom pe ho' nuhu'. Mi' nuhu' pain Iri' Jam. Om ca mene pan hwein curuhu'.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

Efésios 3:17

E' pe ho' tarain ximicocon Cristo ta inon pahu' quem. Win ne ca howa cocon ma' inon pahu'. Mi' roron pain ca om noc camain' quequem je pain ca om noc camain' xucucun quem. Hwara' opa tatara, om ta camara' caca pain ca caracat wa ta inon pahu'.

1João 3:24

Oro wari' co tomi' ha' taxipa' nonon Iri' Jam pain oro ca ara je tococwa ma', wiricoco nana co win cwere nonon ma'. Win cwere cara pan nonon Iri' Jam quem. Taxi' urun pain ca win cwere capari' quem, xi mi' ara capari' pain Tamataracon ta.

1João 4:13

Taxi' xijexi' pain ca win cwere xun Iri' Jam. Taxi' urun pain ca win cwere capari' quem, xi om ne ca mi' ara capari' pain Tamataracon ta.

1João 4:16

Querec pin' urun Iri' Jam pain ca om noc capari' ca'. Howa urun pain ca om noc ac i ma' capari' quem. Om ca noc camain' cocon oro wari' Iri' Jam, je curucun mao na. Oro co an xiho' nonon Iri' Jam pain ca om noc cocon oro wari' ma', win cwere ac cocon na Iri' Jam. Win cwere pan nonon Iri' Jam ma' quem.