Efésios 2:17 - Tradução Bíblica Pacaas Novos

¹⁷ Maqui' nain macan' Cristo pane. Pijim' ac tococwa na oro wari'. Pijim' nuhu' pain ca to pira ca' hun Iri' Jam pain ca om judeu hwe ma', pijim' naparut pain ca wara to ja' pan urut con pain ca judeu urut ca' quem. Na pin nuhu' pain ca tomi' querec te pin xujuhu' pain ca win ma' ne pin xujuhu' ta, ac i ma' na ca pijim' capari' pane.

Efésios 2:17 Iomraidhean Croise

Mateus 10:13

Mo ta tomi' querec te cucuhu', mi' ac tococwa tara pain ca om toron ne ximicocon, mi' ac tococwa tara pain oro ca awi wa quem. Mo ta om tomi' querec te cucuhu', om ta mi' tococwa pain ca om toron ne ximicocon, om ta mi' tococwa pain oro ca awi wa quem.

Lucas 15:8

Am ma' cama narima' ma', co ma' 10 nam moeda nein dracma ma' ac tococwa na. Pan' am xica' pe ac ne na cam. Cain' cain' xira quem? Om ta pirao' camain ra? Pirao' tain tara. Tom tarain naran, ton ho' ac camain tara xiricam, pirao' pirao' mam' ac camain tara quem.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

Atos 10:36

Taxi' hun Iri' Jam pain ca wara tomi' hwet caparut pain ca wari' nein Israel urut ca', pain ca ha' pin cuhu' pain ca toron toron om pin ne xumuhu' pain ca caracat nuhu', xi om ca Jeju Cristo co taramaxicon pe ho' taramaxicon pe ho' pi' pin nonon oro wari' ta caparut pane.

Atos 2:39

Je ara xi' na ca wara tomi' pe cuhu' ta. Wahu', mana panxihwe cocon waram winahu', oro wari' pain oro xijein macan' quem, wara tomi' pe mi' nuhu' pain Tamataracon. Wara tomi' pe wara tomi' pe pi' pin tata pain Tamataracon oro wari' co howa xine pan ca Taramaxicon Iri' Jam ta. Ac i ma' na ca tomi' cocon oro wari' Pedro ma'.

Romanos 10:14

Je ca tomi' xuhu' ca': Ma' tara wari' co quep xiho' ne ta ac non pain ca om howa querec con ra? Ma' tara wari' co howa ac non pain ca om taraju querec con ra? Ma' tara wari' co taraju ac na pain ca om pijim' tocwa ra?

Romanos 5:1

Je ca tomi' xuhu' ca': To' hohot pin napari' Iri' Jam. Xi om ne ca howa ara xun ta. Je ca win ma' ne pin xun ca'. Je ca om toron ne ximixi' ca' quem. Wirico Taramaxicon nexi' Jeju Cristo co mi' napari' pain ca om toron ne ximixi'.

2 Coríntios 5:20

Je ca tomi' hwet jujun pain capija oro wari' ta caparut Cristo cwa'. Ac ca mam' tomi' caparut na Iri' Jam cwa', pain ca tomi' mip urut pahu' ca'. Ac ca tomi' mip pan cuhu' na Cristo pain ca tomi' urut pahu' ca'. Ha' jun Iri' Jam pain ca taxipa' xijexi' ta cuhu' ta.

Efésios 4:21

Tomi' hwet ara xi' urut pahu' con, hu xo' ara xi' urut pahu' pain ca pijim' nucun Jeju ca iri'o' quem.