Efésios 2:14 - Tradução Bíblica Pacaas Novos

¹⁴ Wirico ara xi' na Cristo co mi' napari' pain ca noc noc om pin xijexi'. Warut pain ca judeu urut ca', wahu' pain ca om judeu hwe ma' quem, om ca tatirim hwe mami' xijexi'. Win ma' ne pin xijexi' con. To' om pin nain oro carawa ca to' noc pin xijexi' pane.

Efésios 2:14 Iomraidhean Croise

Lucas 1:79

Ac ca toha mi' tococwa tara oro wari' co to pira ca' nonon Iri' Jam ma', pain ca to cacain ca jitacat nein xim ca', pain ca jin' cacain ca cono' wa ca'. Mi' totoron pain ca taraju pa' wa, to' querec pin' totoron con Iri' Jam. Ca' na tarapari' pain ca xuruxut xo' wa quem. Ma' ta om toron ne xumuhu' ta napari'. Ac i ma' na ca tomi' ca Zacarias pane, pain ca tomi' hwet cain capijacon Iri' Jam con panxica pane.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

João 10:16

Ma' nanapa' oro xucucun wari' co om howa querec nanapa' quem. Wari' ne toton inonon. An xiho' nanain oro ovelha ca corom to nain xijein ca tao' caho' nein ma'. Na e' na pain ca cut qui' toton quem. Taraju wet tatarain ca tomi' ne. Jao jao ma' ac cocon tara co wara howa nanapa', querec wet querec wet pi' pin ac toton tara quem. Xica' pe ta' pain ca querec wet toton ta.

João 11:52

Pain ca mi' pin caho' totoron oro win ma' caca ma', om ca tomi' e' tococwa oro win judeu urut. Tomi' tata oro wari' nucun Iri' Jam co cut in toton ca ma' quem, co wawaran to nanain oro xijein macan' ma' quem. Ma' ta win ma' ne xucucun ta na. Ac ca nari xucucun tara ta na.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

Atos 10:28

Tomi' pan ac cocon na Pedro: Taxi' maparut pain ca judeu urut ca'. Moji'ac urut cocon oro wari' co om judeu nana. Om ca hwet urut cocon pain xiricocon quem, je curuxut. Taxi' maparut ma' ira. Ane tomi' pan capa' Iri' Jam ne: Ta moji'ac momon me ta. Ta caxicon wari' nana momon me ta napa'.

Atos 10:36

Taxi' hun Iri' Jam pain ca wara tomi' hwet caparut pain ca wari' nein Israel urut ca', pain ca ha' pin cuhu' pain ca toron toron om pin ne xumuhu' pain ca caracat nuhu', xi om ca Jeju Cristo co taramaxicon pe ho' taramaxicon pe ho' pi' pin nonon oro wari' ta caparut pane.

Romanos 5:1

Je ca tomi' xuhu' ca': To' hohot pin napari' Iri' Jam. Xi om ne ca howa ara xun ta. Je ca win ma' ne pin xun ca'. Je ca om toron ne ximixi' ca' quem. Wirico Taramaxicon nexi' Jeju Cristo co mi' napari' pain ca om toron ne ximixi'.

Gálatas 3:28

Pain ca win cwere pin xun ca', an xiho' pin xijexi', om ca querec jimama' ca' xijexi' con Iri' Jam. Warut pain ca judeu urut ca', wahu' pain ca om judeu hwe ma' quem, an an ari xijexi'. Co taramaja mi' e' nonon xucun wari' ma', co om taramaja mi' nonon xucun wari' ma' quem, an an ari xucucun. Ca tarama' nexi' ca', ca narima' nequequem oro narima' ma' quem, an an ari xijexi'. Ac ca xica' pe ne na ximixi' pain ca wari' nexi'. Xi om ne ca win cwere ara xun Cristo Jeju ta.

Efésios 2:15

Mi' pin iri na Cristo ne, to' om pin ac cain na ca hwara' opa nein ca xirao' nucun Moisés pain oro ca tomi' ha' je nucun. Ma' ta xucun wari' xucun wari' om pin hwe ta napari'. Win ma' ne pin xijexi' con. Mi' napari' pain ca nari pin xijexi' pain ca win cwere pin xun quem. Ac i ma' na ca to' om pin cain ca noc xijexi' pane.

Efésios 2:17

Maqui' nain macan' Cristo pane. Pijim' ac tococwa na oro wari'. Pijim' nuhu' pain ca to pira ca' hun Iri' Jam pain ca om judeu hwe ma', pijim' naparut pain ca wara to ja' pan urut con pain ca judeu urut ca' quem. Na pin nuhu' pain ca tomi' querec te pin xujuhu' pain ca win ma' ne pin xujuhu' ta, ac i ma' na ca pijim' capari' pane.

Efésios 3:15

Te Te pi' pin urun pain ca to to wet xin macan' ca', te te pi' pin nonon oro co to pin nanain pawin ma' quem.

Efésios 4:16

Ac curucun pan iri' quem. Noro jein iri' cwerexi' ca'. Je winaxi' ca taramaxicon pe ho' nain oro coximixi' ca'. Ac taramaxicon na winaxi'. Je oro carapitaxi' pain oro caramaxi' ca to' wi nain oro araxi' pain coximixi' ca' quem. Mo ta taramaja xo' ne oro coximixi' ca', horon xo' ac iri' na, hwara' opa pin ac iri' na quem. Ac i ma' na pain ca curucun Cristo iri' quem. Mo ta om noc xijexi', mo ta ara xo' xin ca taramaja nexi' ca ara je capari' quem, horon tiquin' ac iri' tara pain ca hwara' opa nucun Cristo.

Colossenses 1:20

Ao mao tara cocum pain ca mi' pin pe main pana, ma' ta in hwet in hwet pi' pin cacapa' oro wari', je oro carawa quem, in hwet in hwet pi' pin tatarapa' oro co to nanain macan' je pawin ta. Tomi' querec te mami' tatarapa', taxipa' taxipa' pi' pin ac cacapa' tara quem. Ac i ma' na ca tomi' con Cristo Iri' Jam ma'.

Colossenses 2:20

Wahu' pain ca howa hun Cristo ma', ac ca cono' wi hwe con na. Je ca cono' ca' hwein oro ca howa ximama' nucucun oro wari' nein macan' ca'. Om ca hwara' opa mami' cuhu' oro ca hu nucucun quem. Je xi miri'om huhun quem? Ac ca hwara' opa hwara' opa wet cucuhu' a xira ta. Para tomi' ha' tomi' ha' wet huhun pain ca hu cucuhu' quem?

Colossenses 3:11

Pain ca to' xocoricon wari' pin capari' Iri' Jam cwa', om ca jimama' ca' xijexi' pain ca wari' nexi' ca'. Wahu' pain ca om judeu hwe ma', pain ca om wac xirac xihwe ma', warut quem, pain ca judeu urut ca', pain ca wac xirac urut pain taparinain ca xirac nuxut ca' quem, om ca jimama' ca' xijexi' pain ca to' xocoricon wari' pin capari' Iri' Jam cwa'. Oro wari', oro tatirim co capija ni ca' nonon oro xucucun wari' ma', oro co om to xo' nana pain ca to e' cacain mi ma' quem, oro co taramaja mi' e' nonon xucun wari' ma', oro co taramaja mi' pan xucucun ma' quem, om ca jimama' ca' xucucun. Ac wiricoco ac wiricoco ari nana, xi om ne ca to' xocoricon wari' pin ara tococwa ta. Wirico pan ara xi' na Cristo co iri' taramaxicon. Om na xucun co win hwara' opa ca. Wirico co win cwere win cwere pi' pin napari' pain ca howa xun ca' quem.

Colossenses 3:15

Wirico Cristo co mi' nuhu' pain ca tomi' querec te xujuhu', je pain ca xin ne xujuhu' ma'. Tomi' ha' jun pain ca coromicat xo' je cuhu' pain oro ca ara xi' hwe ma' quem. Je ara xi' na ca param mi' cuhu' Iri' Jam pain ca xo' howa xine qui' cuhu' pane. Tomi' querec te xujuhu' pain ca jao jao ma' xujuhu', xi om ne ca xica' pe ara ne xumuhu' ta nuhu'. Tama' tomi' querec te jun pain oro ca ara mi' cuhu' quem.

Hebreus 13:20

Quicon Taramaxicon nexi' Jeju ma', ca ao mao pane, je ca mam' tomi' an pe xo' cain ca tomi' xo' nucun Iri' Jam ma'. Om ta xic am camain' cain ca tomi' xo' nucun, mao ac ne ma' tara, to wet cara tara ta. Je ca to' e' mami' con Jeju ma', co iri' co querec wet xo' napari' pain ca ac ovelha nucun iri' ca'. Je ca tomi' xuhu' ca'. Tomi' mi' inuhu' con Iri' Jam cwa', co to' om pin nain ca toron ne ximixi' ca'. Param inon

Hebreus 7:2

Abraão ma' iri na ne, mi' ac con na pain dízimo nein carawa ca cut ca' cocon pain oro taramaxicon ira. Ma' na ca tomi' mao ne wixicon Melquisedeque pane. Co taramaxicon xo' ta na ca tomi' mao ne wixicon. Wixinain cidade ca taramaxicon pe ca ma' iri na ne, je Salém ma', ma' na ca tomi' mao nein quem. Ca om toron ne ca xumu wa ta na ca tomi' mao ne Salém ma' quem. Je ca Taramaxicon co mi' nain ca om toron ne ca xumu wa ta na ca tomi' mao nein wixicon Melquisedeque pane.