Efésios 1:9 - Tradução Bíblica Pacaas Novos

⁹ Je ca ara pin cain ca wara coromicat an pe xo' ca pane. An hwet mi' ac capari' na pain ca param nucun ca om an hwet querec ca ira. Wirico Cristo tara co ara mi' nuhu' pain napari'.

Efésios 1:9 Iomraidhean Croise

Mateus 13:11

Tomi' ac caparut na: Wara coromicat xo' na Iri' Jam pane. Main taramaxicon pe ho' toton oro wari' co howa nanapa' ta na, ac i ma' paxi' na ca coromicat xo' nucun pane. Ane om tomi' hwet tococwa pain oro wari' ne. Wahu' pain ca taxipa' mahu' ca', an hwet mi' nuhu' pain ca coromicat xo' nucun. Mi' nuhu' pain ca taraju pa' wa. Oro xucucun wari' co om howa nanapa' ma' iri nana ne, om ca mi' tococwa pain ca taraju pa' wa quem.

Lucas 12:32

Wahu' pain ca taxipa' mahu' ca', om paxi' na ca mija hwe. Paric to hwe. Je ca tomi' xuhu' ca': Ta jin' hwe me, xi hohot tamana ara con Cotere' pain ca taramaxicon pe ho' cuhu' pain pawin cain ta.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

Atos 13:48

Taraju iri nanain i ma' co om judeu nana ma' ne, tomi' querec te tamana ac caca na. Awi tamana na capijacon Taramaxicon nexi' ta ac caca na, howa howa pi' pin ac caca na co wara tora' ca Iri' Jam ma', co ma' totoron ca om pi' ra ha' ne ca e' wa ca' ca ma'.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Atos 4:28

Pain ca tomi' xo' xucucun pain ca to' pa' pin xun cocon pane, ara e' nanain ca wara coromicat an pe xo' pan nem pane. Xi om ne ca hwara' opa pan ara ma ta. Wum co param mi' nonon pain, om ca tomi' caho' momon pain ca to' pa' pin cocon Panxima pane.

Romanos 11:25

Je ca tomi' xuhu' ca' xere: Ma' na ca coromicat nucun Iri' Jam ca om taraju pa' wa ira. Taraju pa' ho' jein inuhu'. Ma' ta om coromicat ximama' hwe pain ca awi tamana urut ximama' hwe ma'. Ca' na ca coromicat nucun Iri' Jam ca om an hwet querec ca ira: Oro judeu cwa', co waram winacon Israel nana cwa', om ta ari cara cacapa'. Ari ari ca' tatarapa'. Xam' iri tatara oro co om judeu nana ne, co howa xim nanapa' ma', ari ari om ac cacapa' tara oro judeu cwa', ac i ma' na ca coromicat nucun Iri' Jam.

Romanos 8:28

Taxi' irin i ca' quem: Oro carawa ca ara napari' ca', je ca mam' quep xiho' capari' Iri' Jam ta. Mam' quep xiho' quep xiho' pi' pin napari' pain oro carawa ca ara napari'. Pain ca om noc xun Iri' Jam cwa', mam' quep xiho' pan napari' pain oro carawa ca ara napari'. Wara tomi' ca' napari' Iri' Jam: Wari' ne inuhu' ta napari'. Ma' ta aram aram ara tain ca param ne pahu' ta napari'.

1 Coríntios 1:21

Om ca querec pin' pan ac cocon Iri' Jam oro wari', om ca mam' querec pin' ac cocon pain ca coromicat pan nucucun. Wirico Iri' Jam co narain ho' nonon pain, maqui' nain ximicon pain ca coromicat xo' nucun. Ca' na con: Pijim' ximama' hwe ta paxi' tata co pijim' nanain capija ca'. Je i ma' ira, hohot napa' pain ca pijim' mi' tococwa pain capija oro wari' ta, ma' ta to' witan toton co howa nanapa' ta na.

Gálatas 1:12

Om ca wari' ca co tomi' hwet napa' pain. Om ca wari' ca co tomi' xo' napa' pain. Wirico Jeju Cristo co an hwet mi' napa' pain ta.

Gálatas 1:15

Ane xiram pa' pan capa' Iri' Jam ne. Wara tora' napa' pain ca pe pe wet tain monocwam na' pane, pain ca om pan' querec ta' pane. Wara taramaja mi' ne ta napa' pane. Om xi tora' capa', xi iri' wari' ta' ta. Ane xiram pa' pan capa' ne. Maqui' pin iri na xec nein

Gálatas 1:16

ca an hwet mi' xim capa' con Panxica ne, mi' ac capa' na pain ca querec pin' ton pain iri' xumu ca'. Ma' ta pijim' hwet momon con oro wari' co om judeu nana ta napa'. Tomi' ac i ma' iri napa' ne, om ca pirao' camain' ton wari' pain ca cain' cain' xita' ne ton, om na.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.

Efésios 1:8

Mija na ca xiram pa' e' capari'. Taxi' tamana na. Ma' na ximicon.

Efésios 3:11

Wara coromicat xo' ac i ma' na Iri' Jam pain cara pane, pain ca om quep querec cain macan' pane. Ara nain quem, ara pin nain ca coromicat nucun pain ca mam' capari' con Taramaxicon nexi' Jeju Cristo.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

2 Timóteo 1:9

Wirico co to' witan napari', wirico co tora' napari', iri' wari' ne napari' quem. Om ca mam' to' witan capari' pain carawa ca awi ca ara xi' paxi' iri', om na. Mam' to' witan napari' pain ca param pan nucun. Mam' to' witan napari' pain ca xiram pa' pan capari' quem. Om xi xiram pa' capari', xi iri' wari' iri' ta. Ane wara xiram pa' qui' capari' pain cara pane ne, pain ca om tomi' ma' pin querec cain macan' pane, wara coromicat an pe xo' mi' napari' pain ca xiram pa' nucun. Main to' witan turuhu' Cristo Jeju cwa' napari', ac i ma' tara ca xiram pa' xuhu' ta napari' pane.