Efésios 1:8 - Tradução Bíblica Pacaas Novos

⁸ Mija na ca xiram pa' e' capari'. Taxi' tamana na. Ma' na ximicon.

Efésios 1:8 Iomraidhean Croise

Mateus 11:19

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'. Tomi' ximama' ac i ma' paxi' maparut, ane tomi' iri'o' urut pain ca pijim' nuxut ne. Oro wari' co taraju nanapa' pain ca pijim' ne ca', mo ta querec cocon oro co xuruxut xo' nana pain ca tomi' ha' cacapa' ma', querec pin' ac cacapa' tara pain ca tomi' iri'o' ta' ca' na ca tomi' tococwa ma'.

Romanos 11:33

Awi tamana na Iri' Jam ta! Coromicat xo' na pain ca taxi' tamana nucun je pain ca querec pin' tamana nucun quem. Om na wari' co tomi' hwet taxi' nain ca coromicat nucun. Om na wari' co taraju pa' nain ca ara nucun.

Romanos 5:15

Ca caracat nucun Adão cara pane, jimao ca' nain carawa ca awi ca mi' e' capari' Iri' Jam ca'. Caracat iri na wari' co xica' xat pane ne, wirico Adão cara pane, cono' mija ac caca na oro wari'. Ane tiquin' mao ne ca xiram pa' e' nucun Iri' Jam ma' ne. Xiram pa' e' iri na xucun wari' co xica' xat ma' ne, wirico Jeju Cristo ma', pain ca mi' e' capari' pain carawa ca awi ma', ma' mija ac iri' na pain ca xiram pa' e' capari' ca'.

1 Coríntios 2:7

Je ca tomi' xuhu' ca': Tomi' hwet jein ca coromicat ne naparut Iri' Jam ma', pain ca param mi' capari' pain carawa ca awi tamana ca quep xiho' xim napari'. Om ca an hwet querec cain ira. Wara coromicat xo' qui' nain pain cara pane, pain ca om ma' querec ne macan' pane.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.

Efésios 1:7

To' witan ca' napari' pain ca caracat nexi' Cristo. Xi ao mao ara ne quicon pain ca mi' pin caho' capari' pane. Je ca xic am pin cain ca caracat nexi' Iri' Jam quem. Xiram pa' tamana e' napari' ta.

Efésios 1:9

Je ca ara pin cain ca wara coromicat an pe xo' ca pane. An hwet mi' ac capari' na pain ca param nucun ca om an hwet querec ca ira. Wirico Cristo tara co ara mi' nuhu' pain napari'.

Efésios 3:10

Ca' na ca coromicat nucun cocon oro jam cocon oro taramaxicon nucucun co hwara' opa to nanain pawin ma': Mo ta querec cocon co howa nonon Panxita' cwa', pain ca win ma' ne pin xucucun ca', querec pin' ac cacapa' tara pain oro ca taxi' tamana ne ca' na ca coromicat nucun.

Colossenses 2:3

Wirico Cristo co an hwet mi' napari' pain ca taxi' tamana nucun Iri' Jam ca awi, wirico co an hwet mi' napari' pain ca taraju pa' xin quem.

Apocalipse 5:12

Com mip ac caca na: Awi tamana na co ma' co ac Wijimain Taramaji Ovelha ma', co to' pa' pin wa pane. Na e' na pain ca querec pin' xun pain ca iri' Taramaxicon ca ma'. Na e' na pain ca caramaju tamana ca ma'. Na e' na pain ca querec pin' xun pain ca taxi' tamana ca ma'. Na e' na pain ca querec pin' xun pain ca hwara' opa tamana ca ma', je pain ca awi tamana ca ma'. Na e' na pain ca tomi' hwet xin ca awi tamana nucun. Na e' na pain ca in ac xun quem. Ac i ma' na ca com mip nucucun ma'.