Efésios 1:7 - Tradução Bíblica Pacaas Novos

⁷ To' witan ca' napari' pain ca caracat nexi' Cristo. Xi ao mao ara ne quicon pain ca mi' pin caho' capari' pane. Je ca xic am pin cain ca caracat nexi' Iri' Jam quem. Xiram pa' tamana e' napari' ta.

Efésios 1:7 Iomraidhean Croise

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Mateus 26:28

Comi memem ca', an xiho' nain cocu ta ac caparut na. Je ca to' querec pin' cuhu' pain ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin ta' ne ca' ne, je win ara pin tain cain ca wara tomi' an pe nucun. Mija tara oro wari' co mi' pin caho' ta' ta' quem. Xic am pin ac xine tara ca caracat nucucun pata'.

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Marcos 14:24

Comi memem ca', an xiho' nain cocu ta ac tococwa na. Je ca to' querec pin' cuhu' pain ca tomi' an pe xo' mi' cuhu' Iri' Jam cwa', pain ca to' witan xim cuhu' ca'. Ao mao iri tara cocu pain ca mi' pin ta' ne ca' ne, je win ara pin tain cain ca wara tomi' an pe nucun. Mija tatara oro wari' co mi' pin caho' ta' ta' quem.

Lucas 1:77

To' taraju pa' ac momon tara pain ca mam' to' witan ton cocon Iri' Jam pain ca xic am pin tain cain ca caracat nucucun.

Lucas 24:47

Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

João 20:23

Mo ta tomi' ca' hun wari' ma': Xic am pin nain ca caracat nem Iri' Jam ta, mo ta tomi' ac i ma' hun. Wara xic am pin nain Cotere' Iri' Jam quem. Mo ta tomi' ca' hun quem: Om ca xic am pin cain ca caracat nem Iri' Jam ta, mo ta tomi' ac i ma' hun. Om ca xic am pin cain quem na ca tomi' caparut ma'.

Atos 10:43

Wara tomi' nonon oro wari' oro profeta pane quem, pain ca tomi' hwet tomi' hwet xam' tococwa con wari' nucun Iri' Jam co wara tomi' pe ca pane. Ca' na ca tomi' hwet tococwa pane: Oro wari' co howa xun nonon ma', xic am pin ac xine tara pain ca caracat nucucun ta, xi om ca wari' nucun Iri' Jam co wara tomi' pe ca pane nana oro profeta pane. Ac i ma' na ca pijim' cocon Pedro ma'.

Atos 2:38

Cwirin' pin jein ca caracat nuhu' ta ac cocon na Pedro. Ja' ja' pi' pin ac xihwe tara pain com quem. Ma' ta querec pin' xihwe pain ca howa pin hun Jeju Cristo. Ma' ta xic am pin cain ca caracat nuhu' Iri' Jam ma' quem. Mi' ac cuhu' tara pain Tamataracon.

Atos 20:28

Ma' tara xumuhu' me, ara xite xujuhu' pain ca xuruxut xo' hwe ma' ac tococwa na. Querec wet jujun oro wari' co howa nonon Jeju pain Éfeso ma'. Win ne ca querec wet jujun ta cuhu' Tamataracon Iri' Jam ca'. Ac oro ovelha nuhu' ara xi' nana. Ac pastor co querec wet taxipa' nain winacon je, querec wet jujun, pa' mi' jujun pain ca cut in xucucun pain ca wari' nucun Iri' Jam caca ma'. Mam' to' witan ara xi' tata pain quicon Panxica pane ta.

Atos 3:19

Je ca tomi' xuhu' ca' ac tococwa na. Cwirin' pin je. Coromicat ni pin je. Howa jun Iri' Jam, ma' ta xic am pin cain ca caracat nuhu'.

Romanos 2:4

Wa inem me. Ac ca coromicat ca' ma na: Xiram pa' tamana napa' Iri' Jam ta. Winim' cara napa'. Om ta wap hap capa', ac i ma' tara ca coromicat pan tem nem ra? Cain' cain' xima quem? Winim' cara paxi' nem. Je xi querec pin' mon pain ca awi nucun pain ca om wap hap quem ma' quem? Xiram pa' e' nem. Ma' ta cwirin' pin ma ta nem.

Romanos 3:24

To' hohot e' napari'. Om ca pagar xine pain capari'. Xi xiram pa' ara capari' pain ca quep xiho' capari' ta. To' hohot pin e' napari', xi om ne ca to' witan pin ara capari' Cristo Jeju ta.

Romanos 3:25

Pain cara pane, om ca wap hap cocon oro hwanana Iri' Jam pane. Mana' paxi' nain ca caracat nucucun pane, ane winim' cocon ne. Om ca wap hap cocon. Xiram pa' e' nonon pain ca miri'om paxi' cain ca caracat nucucun pane. Pain xocori ca' iri na ne, an hwet mi' ac capari' na pain ca ara xo' nucun pain ca mam' capari' con Jeju Cristo co mi' pin caho' napari' cwa'. Tomi' ca' non: Mi' pin pe rain maxicocon oro wari' ta non. Mo ta howa quequem pain ca mi' pin pe main maxicocon ma', pain ca ao mao ne cocum ma', to' hohot pin ac toton tara, xic am pin ac tain tara ca caracat nucucun ta non pari'. Ac i ma' na ca querec pin' xun pain ca om miri'om mami' cain ca caracat wa pain ca ara xo' ca pain ca wap capari' pain ca caracat nexi' ca'.

Romanos 9:23

Winim' cara napari', ma' ta an hwet mi' xuhu' pain ca awi tamana ne pain ca hwara' opa tamana ne ca' napari'. Xiram pa' xim napari' pane. Wara an to xo' xim napari' pane. Main mi' xuhu' pain ca awi ne pain ca hwara' opa ne ta napari' pane.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

2 Coríntios 8:9

Win ca Taramaxicon nexi' Jeju Cristo cwa'. Taxi' ara xi' hun pain ca xiram pa' tamana capari'. Caramaju tamana paxi' na pain ca hwara' opa tamana nucun pain ca taramaxicon nucun pane, je pain ca Iri' Jam nucun pane. Ane an pe pin tain pahu' ta capari' ne. An pe pin iri nain ne, wari' pin ac ca na, ximin pin ac ca na quem. Ma' ta to' caramaju pin xuhu' pain ca mi' xim xuhu' pain oro ca awi wa con Te ta napari'.

Efésios 1:14

Tamataracon ca pe ho' napari' pain ximixi' ca', je ca to' taxi' napari' pain ca aram aram mi' toton capari' pain ca tomi' pe mi' capari' Iri' Jam pain ca wari' ne capari' ca'. Je ca taxi' xun pain ca aram aram to' witan pin toton capari' ca' quem. Je ca na e' ne pain ca tomi' hwet xin ca awi tamana nucun ta.

Efésios 1:18

Tomi' mi' inuhu' con. Ma' ta mi' cuhu' pain ca taraju pa' wa pain iri' xumuhu' ma'. Ac ca toha mi' cuhu' tara pain ca coromicat nuhu'. Ma' ta querec pin' hwein oro ca howa iri' ca', ca mi' toton capari' pain ca xo' howa xine qui' capari' pain ca wari' ne capari' pane.

Efésios 1:6

Je ta tomi' querec te xun pain ca quep xiho' tamana capari' ta. Xi xiram pa' pan ara capari' pain ca mi' e' capari' pain ca win cwere pin xun Cristo co om noc ca ma'.

Efésios 1:8

Mija na ca xiram pa' e' capari'. Taxi' tamana na. Ma' na ximicon.

Efésios 2:4

Ane xiram pa' tamana capari' Iri' Jam ne. Om ca noc camain' capari'.

Efésios 2:7

Ac i ma' napari' Iri' Jam pane. Ma' ta querec pin' cara mahu' pain ca xiram pa' tamana xuhu' ca', pain ca mi' xuhu' pain ca win cwere pin hun Cristo Jeju ta napari'.

Efésios 3:16

Ca' na ca tomi' mi' xuhu' con: Mi' roron pain ca hwara' opa caca pain iri' ximicocon, mam' to' hwara' opa roron pain Tamataram inon pahu'. Win ne ca hwara' opa tamana ma pain ca awi tamana ma ma' inon.

Efésios 3:8

Om paxi' na ca awi ta' pane. Awi tiquin' ca' paxi' nanapa' oro xucucun wari' nucun Iri' Jam cwa'. Ane mi' pan capa' pain ca pijim' mi' wa capijacon ne. Xiram pa' napa' pain ca pijim' mi' roron pain capija oro wari' co om judeu nana ta capa' pane. Pijim' hwet roron pain carawa ca awi tamana ca mi' toton capari' Cristo ta napa'. Xi na capari' pain ca querec pin' pi' pin xin ta.

Filipenses 4:19

Iri' Jam ne cwa', co taramaja mi' ta' cwa', mija tamana na oro caramaxicon. Je ca ha' con pain ca mi' mi' pi' pin xim cuhu' pain oro ca param nuhu' pain ca ximin nuhu' ma'. Xi om ne ca win cwere ara hun Cristo Jeju ta.

Colossenses 1:14

Wirico Panxica co to' witan napari' cwa'. Wirico co xic am pin nain ca caracat nexi' ca'.

Colossenses 1:27

Awi tamana na ca coromicat nucun Iri' Jam ca an hwet pin ca pain xocori ca'. Ac i ca' na ca coromicat mi' cuhu' pain ca om judeu hwe ma': Pe ho' turuhu' Cristo, win cwere turuhu' pain iri' xumuhu'. Wirico co to' taxi' nuhu' pain ca aram aram to ho' xun hun pain pawin cain.

Colossenses 2:13

Wahu' pain ca om judeu hwe ma', pain ca om an ca' querec xihwe pain wara curuhu' ca to' caracat nuhu' pane, ac ca cono' hwe na pain xumuhu' pane, xi om ne ca caracat taxipa' ara hwe ta. Ane to' e' cuhu' Iri' Jam ne. To' e' wi nuhu' con Cristo. Xic am xic am pi' pin nain oro ca caracat nexi' quem.

Colossenses 2:2

Jain jain inuhu', ma' ta hwara' opa hwe pain xumuhu' ta inuhu'. Ma' ta xica' pe ne xumuhu' pain ca tomi' querec te caracan xujuhu' ma' inuhu'. Ma' ta taraju pa' taraju pa' pi' pin hwein ca coromicat nucun Iri' Jam ca om taraju pa' hwe con Cristo ira inuhu'. Ma' ta querec pin' iri'o' hun ta inuhu'.

1 Timóteo 2:6

Om ca narain ho' xucun pari'. To' pa' pin ma' tatarapa' ne na pane. Ma' ta to' witan ca' toton pain ca caracat nucucun ta napari'. Maqui' iri na xec nein ca wara coromicat an pe xo' ca Cote ca pane ne, je i ma' xec nein ca to' querec pin' capari' pain ca to' witan xuhu' ta capari' ca'.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Tito 3:6

Mi' napari' pain Tamataracon, om ca narain ho' camain' capari' pain. Xi om ca Jeju Cristo co to' witan napari' ta.

Hebreus 9:22

Ac i ma' na ca to' om pin xine ca em' nein oro carawa quem. Oro carawa paxi' na, je wic ca to' om pin nain ca em' nein. Mo ta om ao mao ne wic, om ca xic am pin ac xine ca caracat wa ta na. Tomi' ac i ma' ara xi' na ca xirao' nucun Moisés.

1Pedro 2:24

Wirico co quereme ma', pain ca tatatain pe tocwa pain pana pane. Cut pi' pin nain ca caracat nexi' pain curucun. Ma' ta caracat caracat om pin hwe ta napari'. Ma' ta xuruxut xo' hwe pain ca ara e' hwein ca awi wa ta napari' quem. To' xio pin nuhu', xi om ne ca wap wein pin ara xine curucun pane ta.

1Pedro 3:18

Xi jain jain ara ca Cristo pain ca mi' pin caho' capari' pain ca caracat nexi' pane ta. Pain ca mi' pin nucun pane, mi' pin na. Om ta mi' pin mami' ca. Om ca caracat camain' ca, xut xo' na, awi na. Ane mi' pin caho' pan capari' pain ca pan teretem nexi' pain ca om xuruxut xo' nexi' ne. Ma' ta o mi' xuhu' con Iri' Jam ta napari'. To' pa' pin iri ta pane ne, mi' pin ac ne na curucun. To' e' mami' iri ta ne, je Tamataracon Iri' Jam ac ne na ca to' e' mami' non quem.

1João 2:12

Xirao' mi' inuhu' pain ca ac ca mana panxita' xuhu' ne ca'. Xi om ne ca xic am pin ara xine ca caracat nuhu' pain ca mi' pin caho' cuhu' Jeju ta.

1João 2:2

Wirico co pe nain maxixi' pain ca mi' pin caho' capari' pane. Ma' ta xic am pin cain ca caracat nuhu' Iri' Jam ta napari'. Om ca xica' mi' pin caho' capari' pain ca caracat nexi' quem, om na. Mi' pin caho' mi' pin caho' pi' pin tata pain ca caracat nucucun oro wari' pain oro xijein macan' ta.

1João 4:10

Pain ca om noc xun Iri' Jam ma', tomi' querec te paxi' urun. Ane om noc iri'o' pan capari' ne. Je ca mam' capari' con Panxica pane. Pe rain maxicocon, mi' pin caho' roron, xic am pin rain ca caracat nucucun ta non pari'. Je ca querec pin' xun pain ca om noc iri'o' capari' ta.

Apocalipse 14:4

Xumu xo' nana, an xiho' nanam xojam' co om quep camain' wawa ma', om ca ara em' xucucun, om na. Win xumu e' nonon co ma' co ac Wijimain Taramaji Ovelha ma', taxipa' e' nonon. Tora' tata pain ca to' witan ca' tococwa cocon oro caracat co to nanain oro xijein macan' ma'. Wari' ne pan nonon Iri' Jam con co ma' co ac Wijimain Taramaji Ovelha ma'. Ac ca mi' cain' tococwa cocon na. Win ne ca mi' cain' tocwa pain oro tocwi trigo ca cat caca oro hwanana pain totacocon Iri' Jam pane, ac i ma' na ca mi' cain' tococwa cocon Iri' Jam con co ma' co ac Wijimain Taramaji Ovelha ma'.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.