Efésios 1:5 - Tradução Bíblica Pacaas Novos

⁵ Je ca an pe xo' mi' capari' pain ca coromicat nucun pane. Wara tora' napari'. Mana panxita' xuhu', xi win cwere pin ara hun Jeju Cristo ta napari'. Je ca param mi' xuhu' ca' napari' pane.

Efésios 1:5 Iomraidhean Croise

Mateus 1:25

An paxi' nam, ane om quep cam ne. Pain ca om pan' querec ca cawinacam ma', om ca quep cam. Om om, pan' qui' ho' na cawinacam. O' ma' ac con na, Jeju ac con na quem.

Mateus 11:26

Je ca param nem ma' quem Te. Hohot nem pain ca xiram pa' momon ta na ca tomi' con Iri' Jam.

Lucas 10:21

Tomi' querec te pan ac ca na Jeju. Je Tamataracon Iri' Jam ca ja' tomi' querec te non ma'. Tomi' ac ca na: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'. Je ca param nem ma' quem Te. Hohot nem pain ca an hwet mi' momon pain ta na ca tomi' con Iri' Jam.

Lucas 11:32

Ac i ma' tuturuhu' oro wari' nein Nínive ma' quem. Main maqui' tara xec nein ca wap xim cuhu' pain ca wari' nuhu' ta napari' Iri' Jam pain oro xec nexi' ca'. Wap xim iri turuhu' pain oro ca caracat nuhu' ne, coco' ja' pan ac cucuhu' tara oro wari' nein Nínive cara pane. Tomi' em' ac cucuhu' tara: Em' nana caram cwa' ta tuturuhu'. Tomi' ac i ma' tatara, xi cwirin' pan ara caca pain ca hu qui' cocon Jonas pane. An to pin ac cacain na ca caracat nucucun pane. Je ca tomi' xuhu' quem: Je xi cwirin' qui' hwein ca hu pan xuhu' pain xocori ca' quem? Xi hwara' opa tiquin' ca' ara ton Jonas cara pane. Hwara' opa tiquin' ca' ton ca' ira inuhu' ta na ca tomi' tococwa ma'.

Lucas 12:32

Wahu' pain ca taxipa' mahu' ca', om paxi' na ca mija hwe. Paric to hwe. Je ca tomi' xuhu' ca': Ta jin' hwe me, xi hohot tamana ara con Cotere' pain ca taramaxicon pe ho' cuhu' pain pawin cain ta.

João 1:12

Oro wari' co tomi' querec te nonon ma' iri nana ne, co howa nonon ma', mi' tata pain ca mana panxica Iri' Jam pin caca.

João 11:52

Pain ca mi' pin caho' totoron oro win ma' caca ma', om ca tomi' e' tococwa oro win judeu urut. Tomi' tata oro wari' nucun Iri' Jam co cut in toton ca ma' quem, co wawaran to nanain oro xijein macan' ma' quem. Ma' ta win ma' ne xucucun ta na. Ac ca nari xucucun tara ta na.

João 20:17

Ta quep mapa' me ta Maria ac cam na. Xi hwet querec ton Te ta. Mo hwet roron xere ma', co taxipa' ta' ma'. Tomi' ca' roron: Piri' hwet ton Te co Iri' Jam ne ta' ca', co Iri' Jam ne hwe ma' quem nuhu'. Wirico co Te ta' ca' quem, co Te hwe ma' quem nuhu', ac i ma' na ca tomi' cuhu' ta roron na ca tomi' cam ma'.

Atos 13:48

Taraju iri nanain i ma' co om judeu nana ma' ne, tomi' querec te tamana ac caca na. Awi tamana na capijacon Taramaxicon nexi' ta ac caca na, howa howa pi' pin ac caca na co wara tora' ca Iri' Jam ma', co ma' totoron ca om pi' ra ha' ne ca e' wa ca' ca ma'.

Romanos 8:23

Om ca toron xica' to ne ximi oro carawa ma'. Toron iri' quem. Wara mi' paxi' napari' pain Tamataracon Iri' Jam pane, pain ca xo' mi' xim pain oro ca param ne qui' capari' pane. Ane toron ne iri' ximixi' ca' ne. Winim' irin xec nein ca aram aram iri' mana panxita' pin xim capari' pain ca aram aram to' e' mami' xim capari' ca'.

1 Coríntios 1:1

Paulo ina pain ca xirao' mi' xuhu' ca'. Tora' napa' Iri' Jam pain ca apóstolo ra capa' pane, pain ca tomi' hwet rain capija ca tomi' xim ta capa' pane. Xi om ne ca param mi' ara capa' pain pane. Wata', wirico coxari' Sóstenes, ca' urut pain ca xirao' mi' urut pahu' ca'.

1 Coríntios 1:21

Om ca querec pin' pan ac cocon Iri' Jam oro wari', om ca mam' querec pin' ac cocon pain ca coromicat pan nucucun. Wirico Iri' Jam co narain ho' nonon pain, maqui' nain ximicon pain ca coromicat xo' nucun. Ca' na con: Pijim' ximama' hwe ta paxi' tata co pijim' nanain capija ca'. Je i ma' ira, hohot napa' pain ca pijim' mi' tococwa pain capija oro wari' ta, ma' ta to' witan toton co howa nanapa' ta na.

2 Coríntios 6:18

Xirao' pe ca' na quem: Te ac mahu' tara, mana panxita' ac xuhu' tara pain ca tarama' nuhu' ma', je pain ca narima' hwe ma' quem. Je ca tomi' xuhu' pain ca Taramaxicon Iri' Jam ta' ca', pain ca hwara' opa pan ta' ca'. Ac i ma' na ca xirao' pe xine pain capijacon.

Gálatas 3:26

Je ca tomi' xuhu' ca'. Wahu' pain ca judeu hwe ma', wahu' pain ca om judeu hwe ma' quem, mana panxica Iri' Jam mana panxica Iri' Jam pi' pin hwe, xi om ne ca howa ara hun Cristo Jeju ta.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.

Efésios 1:9

Je ca ara pin cain ca wara coromicat an pe xo' ca pane. An hwet mi' ac capari' na pain ca param nucun ca om an hwet querec ca ira. Wirico Cristo tara co ara mi' nuhu' pain napari'.

Filipenses 2:13

Xi om ne ca wirico Iri' Jam ara ca co mi' nuhu' pain ca tomi' ha' xixi' na wa ma', wirico co mi' nuhu' pain ca ara hwein iri' ca param nucun quem.

Colossenses 1:19

Je ca param ca Iri' Jam pane. An tan pan ne pain ca Iri' Jam ne ta, an tan pan ne pain iri' xumum ta non Cristo.

2 Tessalonicenses 1:11

Je ca tama' tomi' mi' urut pahu' con Cotere' Iri' Jam quem. Tomi' ca' urut con pahu': Quep xiho' roron, mi' roron pain ca hohot quequem pain ca xuruxut nucucun urut con pahu'. Win ne ca xuruxut xo' je momon pain ca xo' howa xine qui' momon pane urut con pahu'. Mam' quep xiho' roron pain ca hwara' opa tamana nem quem urut con pahu'. Ma' ta ara ara pi' pin cacain oro ca awi wa ca ara xi' caca pain ca howa cocon Jeju ta urut con pahu'.

Hebreus 2:4

Iri'o' na ca tomi' nucucun ta ac ca na Iri' Jam quem, ac ca tomi' wi cocon na pain ca mi' tococwa pain ca ara cacain oro ca om ara taxi' ne ca wari' wa, wa wa tamana ac caca na oro wari' ma' quem. Ma' iri na wari' co param pan ca ne, pain ca mi' tocwa pain ca taramaja taxi' wa ca mi' ne Tamataracon ma', mi' ac tocwa pain na quem. Ac i ma' na ca an hwet cain ca tomi' iri'o' nucucun oro co tomi' hwet nanapari' con Jeju pane.

1João 3:1

Taraju pa' xin i ca' e': Om ca noc camain' capari' Cotere' Iri' Jam ta, xi mana panxita' inuhu' ara capari' ta. Te urun ma' ira! Oro wari' co om howa nonon ma', om ca querec pin' cacapari' pain ca mana panxica Iri' Jam iri' ca', xi querec pin' pan cocon quem.

Apocalipse 21:7

Oro wari' co hwara' opa cara nana pain ca howa nucucun ma', mi' ac toton tara pain oro ca wara tomi' pe ta' ca'. Iri' Jam ne tatarapa', mana panxita' ac toton tara quem.