Efésios 1:3 - Tradução Bíblica Pacaas Novos

³ Tomi' querec te xun Iri' Jam co Te ca Taramaxicon nexi' Jeju Cristo. Ja' tomi' querec te napari' pain iri' ximixi' ca' quem. Xi mi' mi' pi' pin ara capari' pain oro caramaxicon ca awi ca to pawin cain. Win cwere ara xi' urun Cristo.

Efésios 1:3 Iomraidhean Croise

Lucas 2:28

awin ac con na pain taparacon. Tomi' querec te ac con na Iri' Jam:

João 14:20

Maqui' iri tara xec nein ne, pain ca querec mami' xim mahu' ma', taxi' pin ac mahu' tara pain ca win cwere ton Te cwa', je pain ca win cwere mahu' quem, je pain ca win cwere xuhu' ca' quem.

João 17:21

Mi' roron pain ca xica' pe ne ximicocon quem. Win ne ca xica' pe ne ximixi' pain ca win cwere xim ca', je pain ca win cwere mapa' quem. Mi' roron pain ca win cwere cacapari' quem. Ma' ta howa pin quequem oro wari' co om querec pin' nenem pain macan' ca'. Howa teterem pain ca tomi' mapa' pane, pain ca hwet roron oro wari' pain macan' ta mapa' pane quem.

João 20:17

Ta quep mapa' me ta Maria ac cam na. Xi hwet querec ton Te ta. Mo hwet roron xere ma', co taxipa' ta' ma'. Tomi' ca' roron: Piri' hwet ton Te co Iri' Jam ne ta' ca', co Iri' Jam ne hwe ma' quem nuhu'. Wirico co Te ta' ca' quem, co Te hwe ma' quem nuhu', ac i ma' na ca tomi' cuhu' ta roron na ca tomi' cam ma'.

Romanos 12:5

Ac i ma' iri' pain ca win cwere xun Cristo quem. Mija paxi' iri', ane xica' pe ne cwerexi' con Cristo ne. Xi om ne ca win cwere ara xun ta. Jao jao ma' pin xijexi' pain ca coximinain curucun Cristo iri' ca'.

Romanos 15:6

Ma' ta awi na Iri' Jam awi na Iri' Jam pi' pin hwe ta inuhu'. Ac ca xica' pe ne tara capijahu' pain ca tomi' hwet hwein ca awi nucun. Awi na Iri' Jam ta, awi na Cote ca Taramaxicon nexi' Jeju Cristo ta, ac i ma' tara ca tomi' nuhu' ta.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

1 Coríntios 12:12

Ma' xica' pe paxi' na cwerexi' ca', ane mija ne oro coximinain ne. Ma' na araxi', ma' na taparaxi', ma' na caximaxi', mija paxi' na oro xijein coximinain cwerexi'. Ane xica' pe ne cwerexi' ne. Ac i ma' na curucun Cristo quem. Mija na oro xijein coximinain curucun.

2 Coríntios 1:3

Tomi' hwet xin ca awi tamana nucun Iri' Jam co Te ca Taramaxicon nexi' Jeju Cristo ta. Xiram pa' tamana napari', to' hwara' opa napari' pain ximixi' quem.

2 Coríntios 11:31

Taxi' napa' Iri' Jam co Te ca Taramaxicon nexi' ma', co awi cara tamana ma'. Taxi' napa' pain ca om tomi' mixein ne ca'.

2 Coríntios 5:17

Je ca tomi' xuhu' ca'. Pain ca win cwere pin xun Cristo cwa', xocoricon wari' pin iri'. Om pin na wara cwerexi' ca xuruxut pan teretem pain cara pane. Ma' pin na xocori cwerexi' ca xuruxut xo' pin pain xocori ca' quem.

2 Coríntios 5:21

Om paxi' na ca caracat ca Cristo pane, ane cut mi' pan con pain ca caracat nexi' Iri' Jam ne. Ac wari' co caracat pin ma ta non pari'. Ma' ta to' hohot pin xuhu' ta napari'. Win cwere iri jun Cristo ne, querec hohot ac xuhu' tara, ac ca om caracat camain' hwe tara con ta napari' quem.

Gálatas 3:9

Je ca taxi' xin i ca' quem: Oro wari' co howa nonon Iri' Jam ma', param mi' ac tococwa na pain ca awi wa. Win ca Abraão pane. Howa non Iri' Jam, param mi' ac tocwa na pain ca awi wa quem.

Efésios 1:10

Ca' na ca param nucun ca om an hwet querec ca ira: Maqui' iri tara xec nein ca wara an pe xo' ta' ne, cut in xo' cut in xo' pi' pin ac toton tara oro wari' co to nanain pawin je macan' ma', querec joc mam' mi' ac toton tara con Cristo, taramaxicon pe ho' pan ac cocon tara quem. Ac i ma' tain oro carawa quem, cut in xo' pi' pin tain, querec joc mam' mi' ac tain tara con Cristo, taramaxicon pe ho' pan ac cain tara quem.

Efésios 1:17

Tomi' inon Cotere' co awi tamana ma', pain ca om caracat nucun pain ca hwara' opa tamana nucun ma', co Iri' Jam ne ca Taramaxicon nexi' Jeju Cristo. Tomi' mi' ac i ca' inuhu' con: Mi' roron pain ca taxi' wa, mi' roron pain ca taraju pa' wa quem, mam' mi' roron pain Tamataram, ma' ta querec pin' quequem pain iri' xumum, ac i ma' na ca tomi' mi' xuhu' con.

Efésios 2:6

To' e' mami' wi napari' con Cristo Jeju Iri' Jam pane. Mi' ac capari' na pain ca xao to ho' xun pain pawin quem. Xi om ne ca win cwere ara hun Cristo Jeju napari'.

Efésios 3:10

Ca' na ca coromicat nucun cocon oro jam cocon oro taramaxicon nucucun co hwara' opa to nanain pawin ma': Mo ta querec cocon co howa nonon Panxita' cwa', pain ca win ma' ne pin xucucun ca', querec pin' ac cacapa' tara pain oro ca taxi' tamana ne ca' na ca coromicat nucun.

Efésios 6:12

Xi wari' caca co mixita iri' ta. Oro caxicon jam nana co mixita iri'. Mixita ururun oro caxicon jam cocon oro taramaxicon nucucun co taramaxicon to ho' nanain oro ca om awi wa pain macan' ca', cocon oro wari' co ac ca to cacain ca jitacat nein na pain ca ari cocon Iri' Jam ma' quem. Mixita ururun oro caxicon jam co hwara' opa to nanain nanawin cain quem. Wiricoco co mixita iri' ta.

Filipenses 2:11

Querec pin' totoron pain ca hwara' opa nucun quem. Iri' Taramaxicon na Jeju Cristo ta tatara oro wari' pain oro xijein macan'. Ac i ma' tara ca an hwet pe cacain ca awi nucun Cotere' Iri' Jam ma' quem.

Hebreus 8:5

Taramaja to nanain xiricon Iri' Jam ca pe nain macan' ca', ca an xiho' e' nein xiricon Iri' Jam ca pe nain pawin cain. Je ca hu tocwa Moisés pane quem, pain ca quep tain cain xiricon Iri' Jam ca mam' quep xine pain tapari carawa pane. Hu ca' non Iri' Jam: Ma' tara xumum me. An xiho' an xiho' pi' pin rain oro jaminain coximinain ca an hwet mi' xim pain tamain pacun ca' non.

Hebreus 9:23

Xiricon Iri' Jam ca pe macan' pane, an xiho' e' nain iri' xiricon ca pe pawin cain. Oro coximinain quem, an xiho' e' nain oro coximinain ca to pawin cain. Na e' na pain ca mam' to' hohot pin xine pain quinain carawa pane quem. Iri' xiricon je coximinain ca to pawin cain iri na ne, na e' na pain ca mam' to' hohot pin xine pain xijein wic ca awi tiquin' ca' nein quinain carawa ma' quem.

1Pedro 1:3

Tomi' hwet xin ca awi tamana nucun Iri' Jam co Te ca Taramaxicon nexi' Jeju Cristo ta. Xiram pa' tamana napari'. Mam' mi' napari' pain xocori ca e' wa pain ca to' e' mami' con Jeju Cristo ta. Je ca om tara con ta'a camain' xun pain ca howa xun ca', pain ca winim' xun pain oro ca mi' xim capari' ma'.