Efésios 1:23 - Tradução Bíblica Pacaas Novos

²³ Curucun iri' pain ca howa xun ca'. Wirico co win cwere napari' pain ca mi' capari' pain ca hwara' opa tamana nucun, wirico co mi' napari' pain ca taxi' tamana nucun quem. Pe ho' pe ho' pi' pin nain oro carawa quem.

Efésios 1:23 Iomraidhean Croise

João 1:16

Om ca noc camain' capari'. Xiram pa' xiram pa' pi' pin napari'. Xiram pa' ho' xiram pa' ho' napari'.

Romanos 13:5

Je ca tomi' xuhu' ca': Na e' na pain ca tomi' ha' huhun oro taramaxicon. Ta jin' e' hwein ca wap wa me. Ta coromicat ximama' hwe me, pain ca tomi' ha' xuxun, ma' ta om wap cacapari' ta hwe ma'. Mam' tomi' ha' pan jujun pain ca coromicat xo' ne xumuhu' ma'.

1 Coríntios 12:6

Ni paxi' na oro ca taramaja nexi' ca' quem, ane xica' pe ca Iri' Jam co quep xiho' napari' pain ne. Mi' mi' xam' napari' pain ca hwara' opa wa pain ca taramaja mi' xun ca'.

1 Coríntios 15:28

Taramaxicon pe ho' iri totoron oro wari' cocon oro taramaxicon cocon oro jam je oro carawa jimao ne, tomi' ac con tara Cote ca co mi' non pain ca taramaxicon wa. Maho' tain ca taramaxicon wa ta Te, wum tara co taramaxicon pe ho' napa' ta toron, taramaxicon cara ac ca tara Iri' Jam. Taramaxicon pe ho' taramaxicon pe ho' pi' pin totoron oro wari' cocon oro taramaxicon cocon oro jam je oro carawa jimao. Iri' taramaxicon pin ac ca tara ta.

Efésios 2:16

Xucun wari' xucun wari' om pin xijexi'. Taxipa' pin xijexi'. Ac ca xica' pe pin ne na ximixi' con. Mi' napari' pain ca in hwet xun Iri' Jam. Xi om ne ca mi' pin pe ara cain pana pane ta.

Efésios 3:10

Ca' na ca coromicat nucun cocon oro jam cocon oro taramaxicon nucucun co hwara' opa to nanain pawin ma': Mo ta querec cocon co howa nonon Panxita' cwa', pain ca win ma' ne pin xucucun ca', querec pin' ac cacapa' tara pain oro ca taxi' tamana ne ca' na ca coromicat nucun.

Efésios 3:19

Om paxi' na ca querec pin' ac urut con Cristo pain ca om noc camain' caparut. Xi noc camain' caparut ta inon pahu'. Ane tomi' cara xim cocon ne, mi' roron pain ca querec pin' cocon Cristo pain ca om noc caparut. Ma' ta an xiho' quequem pain iri' xumum ta, ac i ma' na ca tomi' ton Iri' Jam pahu'.

Efésios 4:10

Cristo co wara quiji' qui' nain macan' pane, wirico co piri' mao nain pawin cain. Tiquin' mao na pain iri' pawin cain. Ma' ta taramaxicon pe ho' taramaxicon pe ho' pi' pin toton oro wari' pain oro carawa pain oro xijein macan' je oro pawin ta na pane.

Efésios 4:12

Ma' ta ca' na tococwa oro wari' nucun Iri' Jam pain ca taramaja taxi' wa pain ca taramaja mi' cocon ta tata oro wari' nucun. Ma' ta horon horon tiquin' hwe pain ca howa nuhu' ma', pain ca ac cwere hwe ne pain ca win cwere xijexi' ca' napari'.

Efésios 4:13

Mo ta pijim' ac i ma' cacapari', horon horon tiquin' pi' pin ac iri' tara, horon horon tiquin' pi' pin ac iri' tara, win ma' ne pin ac xijexi' tara pain ca howa wi xun Panxica Iri' Jam pain ca querec pin' wi pin xun quem. Ximicon hwanana ac iri' tara, an xiho' pin ac xun tara Cristo pain ca awi tamana nucun quem.

Efésios 4:4

Je ca xica' pe tara xumuhu' me xuhu' ca'. Xi om ne ca ac ca ma' xica' pe ne ara ne cwerexi' con Cristo pain ca howa xun ca'. Ma' xica' pe na Tamataracon Iri' Jam ca pe ho' napari' pain ximixi' quem. Ac i ma' na ca ma' xica' pe ne carawa ca winim' iri' ca', ca tomi' pe mi' capari' pain ca xo' howa xine qui' capari' Iri' Jam pane.

Colossenses 1:24

Jain jain paxi' ina pain xocori ca', xi om ne oro ca taramaja ne pain ca quep xiho' toton oro win ma' nuhu' pain ca om judeu hwe ma'. Ane tomi' querec te pan ta' ne. Ac ca jain jain wi ta' con Cristo na, ac ca moin' pin ne na ca jain jain ne pahu'. Xi om ne ca quep xiho' ara xihwe pain ca jain jain ne ca', pain ca ac curucun iri' pain ca howa xun ca'.

Colossenses 2:19

An pe pin nonon Cristo co Taramaxicon ne iri' cwa', co hu napari' pain ca ac curucun iri' ca'. Ac winaxi' ara xi' na Cristo, xi om ne ca Taramaxicon pe ho' ara capari' ta. Wirico co to' hwara' opa napari', wirico co to' jao jao ma' napari' quem. Win ne oro carapitaxi' pain oro caramaxi' ca to' wi nain oro araxi' pain caramaxi' ma', pain cwerexi' ca', ac i ma' napari' Cristo cwa'. To' jao jao ma' napari', to' horon horon tiquin' ac capari' na pain ca howa nexi' ca' quem. Je ca param mi' capari' Iri' Jam.

Colossenses 3:11

Pain ca to' xocoricon wari' pin capari' Iri' Jam cwa', om ca jimama' ca' xijexi' pain ca wari' nexi' ca'. Wahu' pain ca om judeu hwe ma', pain ca om wac xirac xihwe ma', warut quem, pain ca judeu urut ca', pain ca wac xirac urut pain taparinain ca xirac nuxut ca' quem, om ca jimama' ca' xijexi' pain ca to' xocoricon wari' pin capari' Iri' Jam cwa'. Oro wari', oro tatirim co capija ni ca' nonon oro xucucun wari' ma', oro co om to xo' nana pain ca to e' cacain mi ma' quem, oro co taramaja mi' e' nonon xucun wari' ma', oro co taramaja mi' pan xucucun ma' quem, om ca jimama' ca' xucucun. Ac wiricoco ac wiricoco ari nana, xi om ne ca to' xocoricon wari' pin ara tococwa ta. Wirico pan ara xi' na Cristo co iri' taramaxicon. Om na xucun co win hwara' opa ca. Wirico co win cwere win cwere pi' pin napari' pain ca howa xun ca' quem.

Colossenses 3:15

Wirico Cristo co mi' nuhu' pain ca tomi' querec te xujuhu', je pain ca xin ne xujuhu' ma'. Tomi' ha' jun pain ca coromicat xo' je cuhu' pain oro ca ara xi' hwe ma' quem. Je ara xi' na ca param mi' cuhu' Iri' Jam pain ca xo' howa xine qui' cuhu' pane. Tomi' querec te xujuhu' pain ca jao jao ma' xujuhu', xi om ne ca xica' pe ara ne xumuhu' ta nuhu'. Tama' tomi' querec te jun pain oro ca ara mi' cuhu' quem.