Efésios 1:15 - Tradução Bíblica Pacaas Novos

¹⁵ Je ca tomi' xuhu' ca'. Taraju iri inuhu' pain ca howa hun Taramaxicon nexi' Jeju ne. Taraju iri inuhu' pain ca tomi' querec te tomi' querec te pi' pin huhun oro wari' nucun Iri' Jam ne.

Efésios 1:15 Iomraidhean Croise

Atos 20:21

Hu hu pi' pin inonon oro wari' quem, co judeu nana ma', co om judeu nana ma' quem. Na e' na pain ca coromicat ni hwe, an to pin jein ca caracat nuhu', tomi' hwet jun pain Iri' Jam quem inonon. Howa jun Taramaxicon nexi' Jeju ta inonon quem.

Romanos 1:8

Tomi' cain' xuhu' pain i ca' quem: Tomi' querec te inon Iri' Jam ne cwa' pahu'. Wirico Jeju Cristo co mi' napa' pain ca tomi' querec te ton pahu'. Xi om ne ca taraju taraju xam' ara cucuhu' oro wari' pain oro xijein macan'. Howa nonon Jeju ta nunuhu' oro wari' pain oro xijein macan'.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

Efésios 1:1

Paulo ina pain ca xirao' mi' xuhu' ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Wirico Iri' Jam co param mi' napa' pain. Xirao' mi' inuhu' pain ca to hwein Éfeso ma', pain ca wari' nucun Iri' Jam hwe ma', je pain ca tomi' ha' hun Cristo Jeju pain ca howa hun ma'.

Efésios 3:18

Mi' roron pain ca querec pin' cocon Cristo pain ca om noc camain' caparut ma' inon pahu'. Oro wari' nem quem, mi' mi' xam' roron pain inon pahu'. Querec pin' wi totoron Cristo pain ca om noc camain' caparut ma', pain ca tomi' querec te tomi' querec te xam' caparut ma' inon pahu'. Querec pin' totoron pain ca wara om noc caparut pain cara pane, pain ca tomi' querec te cara toton caparut quem, pain ca om tomi' querec te paxica' camain' caparut quem inon pahu'.

1 Tessalonicenses 1:3

Tama' mam' pe wet urut pahu' pain ca taramaja nuhu' ma'. Taramaja mi' hun Iri' Jam, xi om ne ca howa ara hun ta. Jain jain huhun oro win ma' nuhu' pain ca quep xiho' xun huhun ma', xi noc camain' huhun ta. Quereme hwein oro ca to' i'ina cucuhu' ma' quem, xi om ne ca winim' ara hun Taramaxicon nexi' Jeju Cristo pain ca in qui' ta' nucun ma' quem. Je ca mam' pe wet urut ca', pain ca tomi' mi' urut pahu' con Cotere' Iri' Jam.

1 Tessalonicenses 4:9

Xirao' mi' xun paxi' urut pahu' pain i ca' quem, pain ca om noc xujuhu' pain ca xere xujuhu' ma'. Ane hohot ne pain ca om xirao' mi' urut pahu' pain ne. Xi wara hu pan ara cuhu' pain Iri' Jam ta. Ta noc camain' xujuhu' me ta cuhu' ma' ira.

2 Tessalonicenses 1:3

Na e' na pain ca tama' querec te urut con Iri' Jam pahu' ta xere. Hohot non Iri' Jam pain ca tama' tomi' querec te urut con pahu' quem, xi om ne ca howa cara ara hun ta. Win xumu win xumu tiquin' hun pain ca howa hun ma'. Mija pin na ca tomi' querec te tomi' querec te xam' xujuhu' ma' quem.

1 Timóteo 1:14

Om xi xiram pa' capa' Taramaxicon nexi' Cristo Jeju pane, xi iri' wari' ta' ta. Ane xiram pa' tamana pan capa' ne. Mi' e' napa' pain ca howa ton. Mi' e' napa' pain ca om noc ton, je pain ca om noc toton oro wari' co howa nonon ma' quem.

1 Timóteo 1:5

Je ca tomi' ac i ma' xim ca': Hu xo' roron co pijim' pan teretem nana ma'. Xumu xo' je, querec pin' jein carawa ca param mi' cuhu' Iri' Jam, howa iri'o' jein capijacon ca ca' na xihwe ta roron. Na ac ne tara pain ca om noc xucucun, je pain ca om noc cocon Iri' Jam quem.

Filemom 1:5

Xi om ne ca taraju ara toton oro wari' co tomi' hwet nanapa' pum, pain ca howa mon Taramaxicon nexi' Jeju ma'. Tomi' hwet nanapa' pain ca tomi' querec te tomi' querec te pi' pin momon oro wari' nucun quem.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

1Pedro 1:22

An to pin hwein ca caracat wa, xi om ne ca tomi' ha' pin ara hwein capijacon Iri' Jam ca iri'o'. Ha' pin nuhu' pain ca om noc iri'o' xujuhu' pain ca xere xujuhu' ma'. Je ca tomi' xuhu' ca', tama' tomi' querec te cara xujuhu'. Ta tomi' querec te e' ne capijahu' me, tomi' querec te iri'o' xujuhu', maqui' tarain iri' xumuhu' pain ca tomi' querec te xujuhu' ma'.

1João 3:17

Wari' co ma' non oro carawa ma', mo ta taxi' con win howa ca pain ca ximin ca ma', pain ca om con carawa ma', mo ta om xiram pa' con quem. Ma' tara ca an xiho' cara ac con Iri' Jam pain ca om noc capari' ra? Om na ta.

1João 4:21

Je ca ara je capari' quem. Wari' co om noc napa' ma', om ta noc cocon oro win howa ca ta, ac i ma' na ca tomi' capari' Iri' Jam.