Apocalipse 9:18 - Tradução Bíblica Pacaas Novos

¹⁸ To' parapa' um terço pin ac tococwa na oro wari'. Mam' to' parapa' tata pain oro ca xirac wa ca ma' 3 ma', ca hwerehwet qui' nain capijain cavalo ma', je tain' pain xe pain pacun ca weo ma'.

Apocalipse 9:18 Iomraidhean Croise

Apocalipse 8:10

On ac cain na caji taracom nucun xucun ma', co ja' corom mao non ma', ma' 3 pin ac caca na jam co on nanain ma'. On iri nain ne, pan' qui' ac cain pawin na cote ca pijo'. Weo tamana na xe nucun. Pan' mao um terço pin nain oro iri' cwerein com je oro ca hoi hoi ne com ma' quem.

Apocalipse 8:11

Ma' na ca o' ma' tocwa, To' Wijein' na wixicon. Wijein' um terço pin ac ne na oro com ma'. Mija ac caca na oro wari' co cono' nana quem, xi toc ara cacain ca wijein' nein com ta.

Apocalipse 8:12

On ac cain na caji taracom nucun xucun ma', co ja' corom mao non ma', ma' 4 pin ac caca na jam co on nanain ma'. On iri nain ne, to' em' um terço pin ac tocwa na xina con panawo' con oro pijo'. Mixem um terço pin na xina pain xec, mixem um terço pin na panawo' con pijo' pain xim quem.

Apocalipse 8:7

Xucun ma', co on cain' ta' ma', on ac cain na. On iri nain ne, wixicaracao' camara' mi' ac xine na pain macan' caji pacun nein xowi'. Wixicaracao' camara' mi' ta pain macan' xe ca joc wanan xine pain wic quem. Wiran um terço pin ac xine na macan', je oro pana, je oro tononoin ma'.

Apocalipse 8:8

On ac cain na caji taracom nucun xucun ma', co ja' corom mao non ma', ma' 2 pin ac caca na jam co on nanain ma'. On iri nain ne, ma' ac ne na carawa ca xin pocom mi' wa pain cote ne com. Ac iri' cote ne pacun ca mao tamana pawin na. Wiran na. Wic um terço pin ac ne na cote ne com ma' quem.

Apocalipse 8:9

Cono' um terço pin na oro carawa ca to nain com, pa caracat um terço pin ac xine na oro mam' horoho wa ma' quem.

Apocalipse 9:15

Tacom' horohot pin ac tococwa na. Wara awori xo' nana, xi om ne ca wara an pe xo' pan ara cain ca coromicat nucun Iri' Jam pane ta. Wara an pe xo' nain jamicon xina pain xec con panawo' pain cawaxi' ma' quem, pain ca to' parapa' um terço pin xun tococwa oro wari' ma'.

Apocalipse 9:17

Querec inonon pain ca tohwein' ne ca', querec inain oro cavalo nucucun, querec inonon co xao to nanain quem. Oro arain too ca to caho' nain quimacocon ma', paca' na, ac ca paca' nein xe na. Tum na, ac ca tum nein pacun ca awi ma' na, ca safira caca oro wari' ma'. Coxic na quem, ac ca coxic nein pacun ca weo ma' na, ca enxofre caca quem. Ac winacon leão na winain cavalo nucucun ma'. Hwerehwet qui' nain capijain xe je tain' je pacun ca weo ma' quem.

Apocalipse 9:19

Pe ho' ara xi' nain capijain ca hwara' opa nein ma', pe ho' nain cahwerein ma' quem. Ac caxicon em' na cahwerein, ac winacon em' na pain tamain quem. Je ca mam' quep em' tococwa oro wari'.