Apocalipse 8:5 - Tradução Bíblica Pacaas Novos

⁵ An ac cain na too ca mam' tom pe xine waraqui pana ma', cut ho' moin' ac cain na pain tirijein xe ca to nain pana ca in ac pe tocwa Iri' Jam, wixicaracao' camara' mi' ac cain na pain macan' ma' quem. Toroho mip ac ca na comerem, mija na. Coc irija' ac ca na, cocoroc ac ne na macan' quem.

Apocalipse 8:5 Iomraidhean Croise

Mateus 24:7

To' parapa' caracan ac xucucun tara oro wari', oro taramaxicon nucucun ma' quem, mana' caracan ac xucucun tara. Jain jain tamana tatara oro wari' pain oro xijein macan'. Om pin tara oro carawa ca cao' wa. Cocoroc tamana tara macan'.

Lucas 12:49

Maqui' inain macan', ma' ta tom tain inain pain xe ta ac tococwa na. Wara tom pin xira na inain quem.

Atos 16:26

Ane ane cocoroc ac ne na macan'. Cocoroc mip na. Cocoroc na oro cote ne pacun ca xat pe ne xirinain ca tao' to tao' to to wa ma' quem. Pa pa pi' pin hap ac ne na oro manain xirim. Oro wari' co tao' to wawa ma', camara' pi' ca' tata oro arain too ca mam' pao' to tococwa ma' quem.

Atos 4:31

Pi' pin iri na ca tomi' cocon Iri' Jam ne, cocoroc ac ne na xirim ca cut in to xucucun ma'. Pe ho' mip pe ho' mip xam' ac cocon na Tamataracon Iri' Jam. Pijim' hwet ac cacain na capijacon quem. Om ca pijim' jin' camain' cacain.

Apocalipse 11:13

Piri' mama' iri nana ne, cocoroc mip ac ne na macan'. Jao horohot um décimo pin ac ne na oro xirim ma', pain Jerusalém ma'. Cono' 7.000 ac caca na oro wari' quem. Co witan ca' nanain ma', jin' tamana ac caca na, in ac tamana ac cocon na Iri' Jam co pe pawin ma' quem.

Apocalipse 11:19

Pa ac xine na xiricon Iri' Jam pain pawin ma'. Querec ac tain na iri' panaxicon ma', ca cut ho' pe xine pacun ca xirao' pe mi' tococwa oro wari' nucun ma', pain ca tomi' ha' xine tococwa ma'. Coc irija' ac ca na comerem ma', toroho mip pan na comerem quem, mija na. Cocoroc ac ne na macan' ma' quem. Nuru mip ac ne na camana', camara' ac ne na caji pacun nein xowi' ma' quem. Mija na.

Apocalipse 4:5

Mija na ca coc wein ca comerem ma', coc wein qui' nain ca mam' xao pe nucun taramaxicon ma'. Toroho mip na comerem quem, mija na. To quima hwet non naran ca wara tom ma', ca ma' 7 ma', ca ac Tamataracon Iri' Jam ma' quem.

Apocalipse 6:12

Querec ac ton na co ma' co ac Wijimain Taramaji Ovelha ma', pain ca pa cain wirain ca hupa' caho' nein tapari carawa ca joc top ma', ma' 6 pin ac ne na ca pa nein. Pa pin iri nain ne, cocoroc mip ac ne na macan'. Mixem pin ac ne na tocon xina. Iri' mixem na, win ca wom co mixem mip ma', ac i ma' na ca mixem pin ne tocon xina. Paca' pin ac ca na panawo'. Win ne wic pain ca paca' nein ma' quem, ac i ma' na ca paca' pin ca panawo'.

Apocalipse 8:3

Querec ac ton na xucun jam co taramaja mi' non Iri' Jam. An nain ouro ca mam' tom pe xine incenso ma'. Xut hwet ac cain na pana ca in ac pe tocwa Iri' Jam. Pe ja' pan nain. Cut mi' moin' pin ac tocwa na pain incenso. Moin' tamana na. Tomi' ac tocwa na: Tomi' xim iri tatarapa' oro wari' ne ne, win tom pe ac main tara incenso pain pana ca tom tain' pe xine ma', ca mam' toto pa' xine pain ouro ma', ca pe quima hwet nain ca mam' xao pe ne ca', ac i ma' na ca tomi' tocwa ma'.