Apocalipse 8:2 - Tradução Bíblica Pacaas Novos

² Querec ac toton na oro jam co taramaja mi' nonon Iri' Jam ma', pain ca coco' quima hwet cocon ma'. Ma' 7 nana. Mi' mi' xam' ac tococwa na pain caji taracom.

Apocalipse 8:2 Iomraidhean Croise

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 24:31

On mip ac ne tara caji taracom. Tomi' ac toton tara oro jam co taramaja mi' nanapa' ma'. Mama' jein oro xijein macan', cut in cut in xam' jujun oro wari' co tora' ca Iri' Jam ta, cut in qui' jujun pain oro xijein macan' pain pira ta, ac i ma' tara ca tomi' toton ta.

Lucas 1:19

Om na ta Zacarias ac ca na. Gabriel ina. Wata' co xat pe ho' taxipa' non Iri' Jam pain ca taramaja mi' ton ca'. Hwet ron napa' Iri' Jam pum. Tomi' hwet ron pain carawa ca awi ca ara mi' ton ta' ca' napa' pum pain ca pan' qui' ta' ca panxima.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

1 Coríntios 15:52

To' jimama' hap tarapari'. Ac ca hap ne ca xopin' xopin' ne ca tucu wa ma' tara pain ca to' jimama' hap xim capari'. On iri tara caji taracom ne, pain ca win pi' pin ne ca on nein ma', e' mami' ac caca tara co wara cono' nana ma'. Om ta cono' mami' caca. To' jimama' ac capari' tara quem.

1 Tessalonicenses 4:16

Wirico pan tara Taramaxicon nexi' co quiji' qui' tain nain pawin cain. Harahap je iri tarapari' ne, merem ac ca tara taramaxicon nucucun oro jam co taramaja mi' nonon ma', ca on on ac ne tara caji taracom nucun Iri' Jam ma'. E' mami' cain' ac caca tara oro xerexi' co wara cono' nana pane, co howa nonon Taramaxicon nexi' pain ca e' e' wet nucucun pane.

Apocalipse 1:4

João ina pain ca xirao' mi' xuhu' ca'. Xirao' mi' inuhu' pain ca howa hun Jeju ma', pain ca cut in xujuhu' pain oro cidade ca ma' 7 ma', ca to nain Ásia ma', je i ma' wixinain macan' ca to ne oro cidade ma'. Tomi' mi' inuhu' con Iri' Jam co ma' cara ma', co wara ma' pain cara pane, co maqui' ta' ma' quem. Param inon pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Je ca param ta' pain Tamataracon ca ma' 7 ma' pain ca xat quima hwet nein ca mam' xao pe pe ca ma', pain ca Taramaxicon ca ma'. Param inain pain ca quep xiho' cuhu' pain ca mi' cuhu' pain ca param nein, je pain ca mi' cuhu' pain ca om toron ne xumuhu' ma' quem.

Apocalipse 11:15

On ac cain na caji taracom xucun jam co taramaja mi' non Iri' Jam, ma' 7 pin ac caca na co on nanain ma'. On iri nain ne, taraju ac toton na co tomi' mip to nanain pawin ma'. Tomi' ac i ca' nana: Taramaxicon pin na Iri' Jam co Taramaxicon ne iri' cwa'. Taramaxicon pin na Cristo co tora' pan ca quem. Wirico Iri' Jam na co taramaxicon pe ho' taramaxicon pe ho' pi' pin toton nonon oro wari' pain oro xijein macan'. Taramaxicon cara tara quem. Ac i ma' na ca tomi' mip caca ma'.

Apocalipse 15:1

Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 16:1

Taraju ac tain na ca tomi' wa ca maqui' nain xiricon Iri' Jam. Tomi' mip tata oro jam co taramaja mi' non Iri' Jam, co ma' 7 nana ma': Wara mama' je ta, cut jein too nuhu' ca ma' 7 ma', ca moin' pe nain oro ca xirac wa ma'. Ji'ao mi' jujun pain oro wari' co to nanain oro xijein macan' ta. Ac i ma' na ca tomi' mip tococwa ma'.

Apocalipse 8:13

Noro noro wet inain, taraju ac ton na wajo co ho pe pawin. Tomi' mip ac ca na: Ximin tamana tatara oro wari' ta. On iri tatarain caji taracom oro xucucun jam co taramaja mi' nonon Iri' Jam ma' ne, co ma' 3 nana ma', co om on querec nanain caji taracom nucucun ma', ximin tamana ac caca tara oro wari' co to nanain macan' ma', pain ca maqui' pa' toton cocon carawa ca om awi. Wa inonon me, wa inonon me, wa inonon me, ac i ma' na ca tomi' mip ca ma'.

Apocalipse 8:6

Coco' xo' ac caca na oro jam co taramaja mi' nonon Iri' Jam ma', co ma' 7 nana ma', co cut nanain caji taracom ma'. On xin ac cacain na.

Apocalipse 9:1

On ac cain na caji taracom nucun xucun ma', co ja' corom mao non ma', ma' 5 pin ac caca na jam co on nanain ma'. On iri nain ne, querec ac ton na co ma' co ac pijo' ma', co wara pan' hwet nain macan'. Mi' ac tocwa na pain ca mam' pa xine capijain cote ne man ca om tawirinain.