Apocalipse 8:13 - Tradução Bíblica Pacaas Novos

¹³ Noro noro wet inain, taraju ac ton na wajo co ho pe pawin. Tomi' mip ac ca na: Ximin tamana tatara oro wari' ta. On iri tatarain caji taracom oro xucucun jam co taramaja mi' nonon Iri' Jam ma' ne, co ma' 3 nana ma', co om on querec nanain caji taracom nucucun ma', ximin tamana ac caca tara oro wari' co to nanain macan' ma', pain ca maqui' pa' toton cocon carawa ca om awi. Wa inonon me, wa inonon me, wa inonon me, ac i ma' na ca tomi' mip ca ma'.

Apocalipse 8:13 Iomraidhean Croise

Hebreus 1:14

Cain' cain' caca oro jam co taramaja mi' nonon quem? Om ca tomi' ha' tomi' ha' pi' pin cocon Iri' Jam pain ca quep xiho' jujun oro wari' co to' witan xuxun ta tococwa ra? Je i ma' ca taramaja nucucun ma' ira!

Apocalipse 11:14

Je ca ma' 2 pin ne carawa ca om awi ca hwet pa' mami' nonon oro wari' pain macan' ca', pain ca to' ximin tamana mami' cocon ma'. Ame hwe e', ma' ma' wet na wirain carawa ca om awi ca hwet pa' ton nonon quem.

Apocalipse 12:12

Je ta tomi' querec te tomi' querec te xam' hun pain ca to hwein pawin ma'. Wahu' pain ca to hwein macan' je cote ne com ma' iri na ne, xiram pa' e' xihwe pain ca ximin nuhu' ma'. Xi quiji' hwet pin ara cuhu' Caxicon Jam ta. Mana' tamana na, xi taxi' ara ca pain ca wijimain pin ta' ne oro xec nein ca ara tain cain oro ca ara ta' ca ma'. Ac i ma' na ca tomi' mip ne ca tomi' wa ca taraju ta' ma'.

Apocalipse 14:3

Oro wari' ma', co ma' 144.000 nana ma', com ac cacain na xocori tamara'. Coco' quima hwet nanain ca mam' xao pe pe ca Iri' Jam ma', cocon caram ma' co e' nana ma', co ac jam paxi' nana ma', co ma' 4 nana ma', cocon oro taramaxicon ma' quem, je ca com to cacain xocori tamara'. Om ca taxi' xixi' na ac cacain oro xucucun wari'. Xica' to nana caram ma' co ma' 144.000 nana ma', co to' witan ca' wawa cocon oro caracat co to nanain oro xijein macan' ma', xica' to nana caram ma' co com taxi' nanain xocori tamara'.

Apocalipse 14:6

Querec ac ton na xucun jam co taramaja mi' non Iri' Jam. Ho pe nain iri' pawin. Tomi' hwet tain capijacon Iri' Jam ca om pi' ra ha' ma', ca tomi' hwet nonon pain ca to' witan pin toton cocon oro wari' Iri' Jam ta na. Tomi' hwet toton pain oro wari' co to nanain macan' ma', wiricoco co to nanain oro xijein macan' ma', cocon oro co xucun wari' xucun wari' pi' pin nana ma', cocon oro co capija ni ca' nonon oro xucucun wari' ma', cocon oro co to ni ca' nonon oro xucucun wari' pain macaracocon ta na.

Apocalipse 19:17

Querec ac ton na jam co taramaja mi' non Iri' Jam. Xat pe non xina. Merem mip ac con na oro maho co ho to nain iri' pawin: Harahap ra, cut in xijem, cao' querec te rain carawa ca mi' xim quem Iri' Jam cwa', mija tara carawa ta.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.

Apocalipse 8:2

Querec ac toton na oro jam co taramaja mi' nonon Iri' Jam ma', pain ca coco' quima hwet cocon ma'. Ma' 7 nana. Mi' mi' xam' ac tococwa na pain caji taracom.

Apocalipse 9:1

On ac cain na caji taracom nucun xucun ma', co ja' corom mao non ma', ma' 5 pin ac caca na jam co on nanain ma'. On iri nain ne, querec ac ton na co ma' co ac pijo' ma', co wara pan' hwet nain macan'. Mi' ac tocwa na pain ca mam' pa xine capijain cote ne man ca om tawirinain.

Apocalipse 9:12

Je i ma' carawa ca om awi ca hwet pa' cain' nonon oro wari' pain macan' ca', pain ca to' ximin tamana cain' cocon ma'. Ame hwe e', ma' 2 ma' 2 wet na carawa ca om awi ca hwet pa' ton nonon quem.