Apocalipse 8:12 - Tradução Bíblica Pacaas Novos

¹² On ac cain na caji taracom nucun xucun ma', co ja' corom mao non ma', ma' 4 pin ac caca na jam co on nanain ma'. On iri nain ne, to' em' um terço pin ac tocwa na xina con panawo' con oro pijo'. Mixem um terço pin na xina pain xec, mixem um terço pin na panawo' con pijo' pain xim quem.

Apocalipse 8:12 Iomraidhean Croise

Mateus 24:29

Pain oro xec ma', pain ca win pi' pin ne ca jain jain tamana nucucun oro wari' ma', mixem pin tara tocon xina. Toha toha om pin tara panawo'. Camara' qui' tarain pawin oro pijo'. Cocoroc cocoroc pi' pin tara oro coximinain pawin quem.

Mateus 27:45

Tocon xina pin iri na ne, xim pin ac ne na. Iri' xim na, xim xim pi' pin na pain oro xijein macan'. Piquirim pin iri na xina ne, pain 3 hora ma', toha pin mami' ac ca na quem.

Marcos 13:24

Pain oro xec ma', pain ca win pi' pin ne ca jain jain tamana nucucun oro wari' ma', mixem pin tara tocon xina. Toha toha om pin tara panawo'.

Marcos 15:33

Tocon xina pin iri na ne, xim pin ac ne na. Iri' xim na, xim xim pi' pin na pain oro xijein macan'. Piquirim pin iri na xina ne, pain 3 hora ma', toha pin mami' ac ca na quem.

Lucas 21:25

Hwerehwet qui' tara oro carawa ca to' querec pin' ton nonon oro wari' pain ca maqui' ta' ne ca om awi camain' wa ta ac tococwa na. Hwerehwet qui' tara con xina con panawo' con oro pijo' ma'. Oro wari' pain oro xijein macan' ma' quem, jain jain tamana tatara pain ca ximin nucucun. I'ina tamana tara ximicocon pain ca jein mama' xi' caca pain ca iriman mip ne hotowa pain cote ne com pain ca mana' nein ma', je pain ca wap tamana nein ma' quem.

Atos 2:20

Om ta maqui' querec ne iri' xec nein ca ac juiz ta' ca', pain ca iri' Taramaxicon ta' ca', mixem pin ac ca tara xina, paca' pin ac ca tara panawo' quem. Mam' maqui' ac tain tara ca hwara' opa tamana ne. Wa wa tamana tatarapa' oro wari'.

2 Coríntios 4:4

Wirico Caxicon Jam co ac Iri' Jam nonon oro co om howa nonon Cristo ma', wirico co to' i'ina nonon pain ca coromicat xo' nucucun. Ac ca to' om pin cain na tococon pain ca om coromicat nucucun. Ma' ta om taraju pa' hwe ta nonon. Ma' ta om querec pin' hwein naran nein capijacon Iri' Jam ca an hwet pe nain ca toc meremem nucun Cristo pain ca hwara' opa tamana nucun ma' nonon. Wirico Cristo ara xi' na co an tan pan non Iri' Jam ma', iri' wirico na.

Apocalipse 12:4

Pain cahurucun ma', mam' wap camara' um terço pin non pijo' co to nain pawin. Wixicaracao' camara' mi' non pain macan'. Hwet pin ac cam na narima' ma', co pan' ta' cawinacam ma', xat quima hwet ac cam na, winim' ac cain na ca pan' nucun cawinacam. Ma' ta cao' pin ton ta na.

Apocalipse 16:10

Mao ac ca na xucun ma', co ja' corom mao nonon win ma' ca ma', ma' 5 pin ac caca na jam co mama' nana. Ji'ao pin ac cain na ca xirac wa ca moin' pe nain too nucun. Ji'ao mi' nain pain ca mam' xao pe pe ca co ma' co ac caji carawa co hwet qui' cain' ma'. Ji'ao mi' iri nain pain ne, xim pin ac ne na pain oro xijein macan' ca taramaxicon pe ca quem. Caxi tamana nana oro wari', quio quio nanain petehwet nucucun, xi om ne ca caxi tamana ara caca ta.

Apocalipse 6:12

Querec ac ton na co ma' co ac Wijimain Taramaji Ovelha ma', pain ca pa cain wirain ca hupa' caho' nein tapari carawa ca joc top ma', ma' 6 pin ac ne na ca pa nein. Pa pin iri nain ne, cocoroc mip ac ne na macan'. Mixem pin ac ne na tocon xina. Iri' mixem na, win ca wom co mixem mip ma', ac i ma' na ca mixem pin ne tocon xina. Paca' pin ac ca na panawo'. Win ne wic pain ca paca' nein ma' quem, ac i ma' na ca paca' pin ca panawo'.

Apocalipse 9:15

Tacom' horohot pin ac tococwa na. Wara awori xo' nana, xi om ne ca wara an pe xo' pan ara cain ca coromicat nucun Iri' Jam pane ta. Wara an pe xo' nain jamicon xina pain xec con panawo' pain cawaxi' ma' quem, pain ca to' parapa' um terço pin xun tococwa oro wari' ma'.

Apocalipse 9:18

To' parapa' um terço pin ac tococwa na oro wari'. Mam' to' parapa' tata pain oro ca xirac wa ca ma' 3 ma', ca hwerehwet qui' nain capijain cavalo ma', je tain' pain xe pain pacun ca weo ma'.